1 Atera tumi pö meghat otumenokwa we pipö Israel.
Kilö ECHOTYON tumö isönönöy, tumenö yetïntino Israel,
Lentöy ECHOTYON Kimuktoghin, “Anane köny lö ne nyï mi kwigho? Okurö nyu kor cho nkït kïsönönöy, kor cho kuröy tumwöyi sönönöt.”
Olan, “Orirchinan asönönchï kutïngkot, olokan ompö suswo kyak cho mi wuw cho köyomö, amökïminye chi nyo weröy wölini. Mökelïmonye wölini tany nyo ghïtöy, akïwï töritwö nko tïpö wudïn kïpechï kegh.”
“ ‘Akwa pipö Yerusalem! Arwaka mötöw asönön! Oriryeghenö kutïngkot parak le ato kama chi, ompöwölo kataghakwa ECHOTYON, akwa pïnï kotyorï nörekyenyi!’
Kïtumenekwa asisoni ompö ngwonïn pö sönönöt kelentöy, “Wechï kakiwongucha nyoman, kikïcheng ECHOTYON pareni piköchan, akutö pïchay kinamecha kelïkuna pïnot.”
Kïlenyona lentöy ECHOTYON, Tororöt Kimuktoghin nyo le Echotyon, anyona rira mi kokwo nko ortïn ompö kanastinekwa löwïr kimwochini pich cho le ngorï kïriryö akemwochï cho chïreröch.
Atere ngalechi koruchï pö Pasyan cho omitö kutïng pö Samaria cho opïröy mey arey ptankeris atyakata chona mötïng kïgh cho olenchini chitonikwa, opkecha kumïn keghegha.
Atera ngölyontonï mwowokwa ECHOTYON we pipö Israel Akwa löwïr cho kyamïtunan koro Misri.
Tum nyete nyo pö rira. Tumöy tipi punton kïtumo Misri nko pikachi löwïr.” Mwoghöy Echotyon TORORÖT.
Kïlenchanïn, “Wero chi, rirchinö Parao pöytoghinto Misri ailenchï, Ilenchinenyi kegh so ochï awes le ngötïny ompö punton, ilatenyi chemururu nyo mi pögh aiwestegho lalwatïneku itönkwöröy pögh ompö kelyeku aitïntïr lalwatïnekwa kïlïkwï turïl.
“Ngeta rira pöytoghinto Tiro. Lenchinö nyinte lentöy Echotyon TORORÖT, Kichinyi köny körkeyïn nyo pö tïlilïn aichï ngöghom nyoman aichï pïchigh.
“Wero chi, rira rirchinö Tiro.
Akitumenyi tum pö pich cho kimeghö kïlentöy, ‘Kikewurinyi we kanasyan nyo oror, kanasyan nyo kipötoy nanamtin. Kiwöghinyi pich cho möngöy sörömu nanam.
Kinaghategha ma ketay ghït kurel morichi nko akwe tömöminye ket nyo anger nyo ngötu amöminye lïpö pöytoghin. Chete kï lok akikïlïkwï lok.
Olan, “Akwa koruchï, atere ngölyonto ECHOTYON! Akapa yitïn talïma kuti ECHOTYON, Aneta tipikwo wölo kïsönöntoy, aneta tïkwïl pöröriskökwo sönönöt nyo pö ato ma chi.
Ayo, opïstan ye pïchete mönyorï sitenyan ompö ngalechete ighöy? Amömïchininye otökisyan ompö kor nyo ighöy cho lata choni?” Mwoghöy ECHOTYON.
Lentöy ECHOTYON, “Atepe pipö koros löwïr, ato kikwigha asistanka kïgh nyo lata nyï. Kegh pipö Israel kïgh nyo gha nyoman!
Wonyot lömïs pich wolwolo kegh Asyima nyo pö Samaria akïlentöy, ‘Le ato söpöy tororötïngu, we Dan,’ anta ‘Le ato söpöy tororöt pö Persyepa.’ ”
