AMOS 4:6 - PIPÏLIA

⁶ Kyokonokwa kömöy ompö kanastinekwa wölo moyokukwanye kegh wölo omitan. Mwoghöy ECHOTYON.

AMOS 4:6 Referans Kwoze

AKAY 2:17

Kyoyokwan pekat nko rop pö takarïs kunyar kïgh anka tïkwïl nyo kyolentekwa kïkötkötöy, wölo kïrkeghnye choni löwïr, melö kyokötekwa ngokikwo. Mwoghöy ECHOTYON.

YEREMIA 5:3

Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.

ISAYA 9:13

Wölo melö kakitö pipö Israel, kïrkegh kichop kong ECHOTYON Kimuktoghin chane.

NGONGUT 2:21

Kyotönön nyinte pöroyïn nyo löstegho ngokichi, wölo katagh nyinte kïpïstö otöptanyi nyo pö cheporesnan.

OSEA 5:15

“Opökochtonan chane ntökïtenö kïpköchï chane ngokikwa akïmïlonchö nyu kïyaranïn. Kilöy kegh nyu nyoman kïyöranïn ompö otinö kewongu.”

LAWIN 26:26

Atolapay omïnïngitan omisyewutkökwa ntökwigha korï tamanï makatin tör akonga atolapay kechagha kipimöwon, omekwa wölo melö opïghyongekwa.

ESEKEL 16:27

“Ye nyu, okonokwa sitöt, achengenekwa kisoyönutköchan atolapay otonokwa mori melö relonekwa kong, ompö Pilisti cho otöptönkwa nyo pö cheporesnan.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 3:1

Ompöwölo osïwïyekwa lö karich kïchenga Echotyon, ECHOTYON Kimuktoghin Yerusalem nko Yuda kïgh anka tïkwïl nko pich löwïr cho tïgho kegh chane tïkwïl,

2 OTÖPTINO OSIS 28:22

Kitas tagh kwigh nyo gha tya pöytoghintö Aas ompö tawu ECHOTYON kïrkegh kitïng nyarïl nyo wow.

2 PÖYTOGHÏ 8:1

Kökimwochï Elisya kokonanya kigh werïnyi kututï lö, “Ngeta wïyö nko piko kongu atamanga kor nyo ochömekwa atïpï wöloni le pïnot, ompöwölo konu ECHOTYON kömöy ompö könyis mut nko odeny.”

2 PÖYTOGHÏ 4:38

Kïmïla ngat Elisya Kilkal, ato ki wow kömöy nyoman korononi. Kimi nyinte asistanka nko werkoy, kïlenchï Elisya Keasi, “Tighö tör aighchï pïchï omisyö.”

1 PÖYTOGHÏ 18:2

Kïnap kegh Eliya akïwö wölo mi Aap. Ki ngwan kömöy koro Samaria nyoman osiswechoni.

1 PÖYTOGHÏ 17:1

Kimi werkoyonta nyo kikuro Eliya nyo kingwïno chi pö Tispe ompö Kiliad. Kungwïn akïmwochï pöytoghin Aap lö, “Omwowunyi ompö kaynata ECHOTYON Tororöt pö Israel nyo opöghisyechinan lö melö tökïmi röyöntö anta rop ompö könyis cho pkonöy ntökïtenö omwowan lö ropönöy.”

KINONO KIRURUT 28:38

“Oletokwa kösïgh cho chang, wölo okösekwa cho ngörï, ompöwölo omöy talam.

YEREMIA 14:18

Nyini kolïtön sany otuyeghan muntïruch, pich cho kikïpar ompö poryot. Akwato olïtön kanasyan ori, otuyeghan pich cho kimeghö ompö kömöy! Mi werkoy nko tïsï kïsïngo pöghisyewutkökwa wölo menkïtcha kokay lö mi kwighöy ne.”

ESEKEL 14:21

Kïlenyona lentöy Echotyon TORORÖT, “Tökïne anka ato kyotorchan Yerusalem tïkwïn angwan cho ngwonöch cho komungan kor, chok nko kömöy nko tïpö wudïn nko amal nyo wongöy pich nko kyakikwa tïkwïl.

YOEL 1:16

Ayo kichö mapeghenechanye pagh kerose akupot ngörekyö ompö Kö pö Tororötïncha?

LAWIN 26:23

“Kïnyïl ato malïmakwanye choni löwïr awöghökisyö otöngwï wölo omitan,

RUS 1:1

Kingwïn pekat kor, ompö osis cho kipöytoy kirwokï koro Israel. Kïwö chi nyo kingwïna Petleem ompö koro Yuda, kïmang koro Moap kikïkuro nyinte Elimelek kekurö korkenyi Naomi nko werkachi odeny Malon nko Kilyon. Kipö chane ara Eprati cho pö Petleem koro Yuda. Kiwï chane koro Moap akïmang wölini.

ISAYA 9:12

Mito pipö Sirya kongasis, kïmi pipö Pilisti to, kingany chane kutïwekwa atökwam Israel. Wölo kïrkegh kighisyö choni löwïr melö kiwany nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

OSEA 11:5

Mïlisyot chane kutöngöy Misri tökïpayta pöytoghinto Asirya chane ompöwölo kitagh kïkötö