AMOS 2:7 - PIPÏLIA

⁷ Pich cho pïröy pich cho memuktocha kegh, atolapay kïmas mey mönyorï mantangwa. Ghömechini chi nko werïnyi kurïwotoy korka nyo le mötworin, akusïmnyon kaynenyan nyo tïlil.

AMOS 2:7 Referans Kwoze

AMOS 5:12

Onkïtön lö tya lelutkökwa nko wölo tenö ngokikwa, akwa cho onyörilöy kong pipö man, achengoy chane asoya, atïtïpöy ngala ptankeryan ompö kokwö.

ESEKEL 22:11

Kulom anka kato pöröryenyi kïwechï anka korketo werïnyi, kïwechï chi anka cheptöngwa, chepto kwanta.

ISAYA 10:2

Kachengakwa ompö aranoni pich cho le chopot tömösïch mantangwa, amasekwa piköchan cho le mey mantangwa. Kachengekwa ompö aranoni tïpö mïsïktin nko cho pö pönon!

1 KORINTO 5:1

Mi man, lö mi kwenunkwa ngala cheporesanan, akï cheporesnan nyo gha nyo tomönye ompö kelïmchï pich cho menkït Tororöt. Kakemwowanïn lö mi chi akong ompö akwa nyo katakalan nko korketo kwanta!

MIKA 2:9

Owösyikwa sany koruko piköchan ompö korikwa cho pïchighöch, asarakwa monekwa kisoyonutköchan cho pö kokay.

MIKA 2:2

Pïrchini pareni pich akïcheng lenyini, pïrchini korïn akïchengchï kegh, ghopghopöy pich nko monekwa akïsara tïku.

RUMI 2:24

Mwoghöy Kikirut lö, “Kemwa pipö punton kaynata Tororöt akwompö akwa pipö Yaudi.”

SEPANIA 3:3

Karkegh yetïntinechi nko ngötuny cho mororsot Karkegh muti ngal ompö kokwotïno Yerusalem nko suyï cho sutyote, cho ato nyorï peny mönon, mönyorunye chi ompö nyo le kowö otini kayech.

AMOS 8:4

Atere ngalechï akwa cho opïröy ptankeris, awany mey ompö kor,

AMOS 4:1

Atere ngalechi koruchï pö Pasyan cho omitö kutïng pö Samaria cho opïröy mey arey ptankeris atyakata chona mötïng kïgh cho olenchini chitonikwa, opkecha kumïn keghegha.

ESEKEL 36:20

Kitö chane arasï kaynenyan nyo tïlil ompö wölo kipa, ompöwölo kïlö pich, ‘Nko wölo kipïstö korengwa nyo kitö Tororöt.’

NGÖTÏNYÖ 28:21

Melö karam kechomnyeghö pikö walaka, wölo ighöy pich lelyot ompö pïtöno makatyan.

1 PÖYTOGHÏ 21:4

Kïmïla nyu Aap katanyi nko nörekyö nko nyïtat nyo wow, ompöwölo kilenchï Napot nyinte, “Melö olunyi par nyo kyamïlan kukötinechu.” Kïwö kïrï pöröyunyi akïwïny tokochunyi akïtagh kwomisyö.

2 SAMWEL 12:14

Keghanyi ECHOTYON kïnarek ompö kïyoni keghanyi, kïlenyona tïghöy monïngoni nyo mötïny.”

LAWIN 20:3

Otöghan nyinte akepesyot nko pikachi, ompöwölo ketö montanyi Molek. Kesïmnyon Konyan akurat kaynenyan nyo tïlil.

LAWIN 18:15

Merï nko korketo werïngu, ompöwölo potïchtöngu

LAWIN 18:8

Merï nko korketo papongu, ompöwölo keratanyi papongu.

OSEA 4:14

Momunganye tipikwa ato igh cheporesnan anta mïrorkökwa ato igh cheporesnan, ompöwölo kamastekwa mïrön arïpata kor cho le cheporestin agham nko chane aropchï amörostin tororötinekwa. Akï pkonöy pich cho mötïngcha pköchin kuwonsot.

LAWIN 18:21

Metötö montöngu kïlïkwï amöros nyo kïpelchini Molek, ompöwölo melö mïchininyi tönö arasï kaynata ECHOTYON Tororötïngu.

ISAYA 3:14

Ipchini ECHOTYON kirwok poy nko kintöghoghiko pikachi. Rwokyini chane atoni lö, “Akwa cho kyam parenyan nyo pö sapipun, kakïnyorchï tïpö mey korikwa cho kyoritökwa.

ISAYA 3:15

Otïngetekwa man ne, omungö piköchan apïr pich cho le mey?” Mwoghöy Echotyon TORORÖT Kimuktoghin.

ISAYA 10:1

Heywey! Ochech pich cho chikyini pich kiyomisut cho melö pö man nko kikirï cho kiru ngal cho rïmöy piköchan!

AMOS 5:11

Kïlenyona kïrkegh katek kori koghïn cho kipötöy melö omöngekwa nyonikïny. Kakatkatakwa sapipun cho karamach, wölo melö ogheghekwa dipaykakwa* nyonikïny. Ompöwölo opïrekwa mey, asara paghekwa pö nkanun.