AMOS 1:2 - PIPÏLIA

² Kïlö nyinte, “Tïloy ECHOTYON kutïng pö Sayon,* kïlïmo kutinyi nyo wow Yerusalem. Köyomö suswo kyak, mökïminye suswon kutïng pö Karmel.” Sirya

AMOS 1:2 Referans Kwoze

YOEL 3:16

Akïtïlö ECHOTYON Sayon* akïngalan nyoman kelïma Yerusalem kutimtimö yïmö nko ngwïny.

YEREMIA 25:30

“Kïlenyona, Yeremia, wïyö mwochinö chane lö, ‘Pororo ECHOTYON yïm, kïlïmöy kutinyi nyo ngwïno möngenyi wölo tïlil. Köpororchï pikachi ompö kut nyo wow, nyo lata kiteghata pich cho työkotyököy sapipun, ompö pich cho mi ngwïny kïmïkul.

AMOS 9:3

Kïrkegh kïwïnya kegh kutïng pö Karmel parak, owetan oyöröy chane ompö wölini ntanam. Kïrkegh kïwïng kegh ompö konyichan ompö nanam ori, omwochinan tyompö pögh kïsïra chane wölini.

YEREMIA 12:4

Nyörïlöy köro nko oyï ompö pekat? Köyomö suswö nyoman ompö paren! Kömeghö tïpö wudïn nko törit, ompö ngoki pïchï möngöy kore, pïchï lentöy, “Melö sïwïyi ECHOTYON tïkuchi kighecha.”

ISAYA 42:13

Setöy ECHOTYON lïk le nyakan omöy sirmoy le chi, le atay chïlöy kegh pich. Kutöy nyinte kontï nyo kurchini pich poryot. Ighchini pungkachi ngal cho echön.

NAUM 1:4

Ngölonchini ECHOTYON nanam kïteny akïtenyöy lenyini! Akwompö ngölyontenyi tenyot lalwatïna löwïr, akïyam suswon ompö koro Pasyan, kïyomö ketï cho mi kutïng pö Karmel, akïsilonchö tapïk cho mi Lepanon.

YOEL 2:11

Ngölono ECHOTYON lïkenyi, ompö kut nyo wow. Ompöwölo wow lïkenyi nyoman, meyitisyotcha chini rïpöy ngölyontenyi. Wow asispa ECHOTYON akï pö otyogh, ngo nyo lentöy oköngöy?

OSEA 13:8

Okomchinan chane le chepökerï nyo kakïsara warechi, okolkolan chane kiyotisyö porwöy atolapay aman nyu chane le ngötïny.

YEREMIA 50:19

Atolapay oyokwan pipö Israel kïpka korengwa atökwam omisyo parenikwa cho mi kutïng pö Karmel nko cho mi okumpö Pasyan. Ghömöy chane tïkwïl omisyo pareni cho mi komos pö Epraim nko Kiliad.

YEREMIA 14:2

“Mi pipö Yuda lok, kitöpchï meghat kanastinechi akïlokyö kumelmel terït akïrir Yerusalem lö tökengarak!

ISAYA 35:2

Ngongöy möt tapïkoyï ompö chongïn, lïliyöy akïtum ompö ngörekyö. Ororitu le kutïngkoti Lepanon, akïnyorï okwoghyö le nyo pö pareni Karmel nko Syaron. Sïwïyi chi anka tïkwïl ororyo ECHOTYON akïsïwa wowïntanyi nko owesyenyi.

ISAYA 33:9

Melö tökengoröy paren ngat, kikechal. Kikïyomö wudïnö cho mi Lepanon. Kikewuwö mpöghoghyo Syaron nyo akwagh kïlïkwï surkwen. Rörökyot sökö cho mi koro Pasyan nko cho mi kutïng pö Karmel.

NGÖTÏNYÖ 20:2

Otyegho pich nörekyo pöytoghin le tïlöto ngötïny, akï chi nyo ighöy nyinte kïnarek kïmeghöy.

1 SAMWEL 25:2

Kimito chi Maon nyo kile sïkön, akimi kyakichi kanasyanta Karmel. Ki monkoryon nyinte nyoman, kitïng kechir 3,000 nko ngaror 1,000. Kimi kïmutöy puteko kechiryechi ompö Karmel.

TUMWÖY 46:6

Mïghyot puntonï akïpotonchö pöyunötinö, wölo kötïl Tororöt kunyit ngwïnya.

YEREMIA 28:8

Kingor werkoy cho pö könyisyok cho kinyaghech, ani nko nyi, lö ngwïnchini pörsyö nko kömöy nko sömewut koros nko pöyunötin cho owesöch cho chang

OSEA 11:10

Pkonöy piköchan kïrïpanïn otini kotïlön le ngötïny pkono werkachï ta kïpotonchöt otini kötïl ECHOTYON le ngötïny.

YOEL 1:19

Nyi onkït nyo opchinan lokechu We ECHOTYON. Ompöwölo kikuwany ma sus ompö surkwen, kamel lyopötö keti akwa löwïr cho mi paren.

TUMWÖY 29:4

Awes kuti ECHOTYON, wow kuti ECHOTYON.