AKAY 2:9 - PIPÏLIA

⁹ Pïchighitu nyu tya Konyan nyi rel kïtïl nyo pö tagh akwotoni ato osoyönenan piköchan kïsïch tïkwïn.” Mwoghöy ECHOTYON Kimuktoghin.

AKAY 2:9 Referans Kwoze

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

YOANA 14:27

“Kopïswokwa kalya, okonokwa kalyenyu. Mokonunanye le wölo konu ngwïnya. Makany kusus kegh mïkuliskökwo, amonyökoröchitu.

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

LUKA 2:14

“Nya kwororit Tororöt nyo mi wölo töror tya, akïsïch ngwïnya kalya nyo pö pich cho le chamankachi.”

YAKOPO 2:1

Malïkwï cho okïltoy pich tupchenyu, ato kyaghanakwa Echotyontenyo Yeso Kristo,* Echotyonto ororyö.

IGHISYEWUT 10:36

Onkïtökwa ngölyontonay kimwochï pipö Israel, otini kyomtoy Lökoy cho Karamach cho pö kalya ompö Yeso Kristo* nyo le Echotyonto pich lapay.

MIKA 5:5

akwipï kalya. Kïrkegh kïpka pipö Asirya korencha akïlïtu kori pöytoghi kïyontocha kintöghoghicha cho owesöch kïporyeghö chane.

ISAYA 60:7

Kïropkokwa kechir löwïr cho pö koro Kedar, oghekwa mökol cho pkono Nepaiot kïlïkwï amörostin, cho chömöy ECHOTYON. Minöy nyu ECHOTYON Konyi kïsïch ororyö nyo wow.

ISAYA 66:12

Mwoghöy ECHOTYON lö, “Okonokwa perur nyo pö kokay. Yinu sïkönöto pipö punton wölo omitekwa le lalwa nyo rotöy kömöy nko pengat. Okörekwa kegh nko monïng nyo pöghöy kame, akïnömo ewunechi ompö kïpesöyichi.

AKAY 1:8

Ape apusa komos, atörï ket, atek Konyan atongörökyan aketöroranïn.

AKAY 2:3

“Ekïmi chi ompö akwa nyo tökunonöy lö kipïchigh lö ne Kö pö Tororöt atanya le taghï? Osïwïyekwa otï le ye lö nen? Mölatanye kwïle ye?

SAKARIA 2:5

Ompöwölo lentöy ECHOTYON, ‘Olïkunan ante nayatu ma nyo witöy Yerusalem. Otöponan orinyi alïkwï ororyenyi.’ ”

ESEKEL 43:5

Atolapay kisïtanïn mïkulöwu Tororöt yïm akwipanïn nko kö wölo le sany ompö ori onyorwan wölo kinyïghï ororyo ECHOTYON Kö pö Tororöt.