AKAY 2:19 - PIPÏLIA

¹⁹ Kïrkegh melö tökïmi pagh töpot, akï tomönye kuyin keti sapipun nko makany nko makomanka nko arol, wölo osoyönokwa kïngeta ye.”

AKAY 2:19 Referans Kwoze

MALAKI 3:10

Opunö töpotenyan ropöwo kareranpa taman löwïr tökïmi Konyan omisyö atyamanïn nyu. Mwoghöy ECHOTYON Kimuktoghin. “Ato aghakwa lenyoni, oyotwokwa tïrisyeni yïm, akonokwa kisoyönut cho möngörï.

MATAYO 6:33

Wölo ayara kïny Pöyunöto Tororöt nko mantanyi tökïtöswokwa nyinte tïkuchoni löwïr.

TUMWÖY 84:12

Soyönote chane löwïr cho köninyi, we ECHOTYON Kimuktoghin! Ompö kintöghoghinto tumï. Tum pö werpö Kora.

KINONO KIRURUT 15:10

Otönö chane ompö chomnyogh otini otöni chane, atökusoyönok ECHOTYON Tororötïnkwa ompö ighisyewutkökwa löwïr.

TOWUNÖT 26:12

Kïkatkat Isak kösïgh korononi könyinoni, kwil kïnyïl pokol, ompöwölo kiperur ECHOTYON nyinte,

TUMWÖY 133:3

Karkegh nko röyön nyo mi kutïng pö Ermon, cho chïnchini kutïngkoti Sayon.* Atoni ato kimwowunö ECHOTYON kisoyönötenyi, söpon nyo pö kokay. Tum pö saghat ompö rutogh pö Yerusalem.

YEREMIA 31:12

Pkonöy nyu pipö Israel kïtumöy ompö ngörekyö, ompö kutïng pö Sayon. Ngörokyini ropöw cho oropchinan chane Ropöwo pagh nko dipay* nko mwowöy cho pö kechir nko tïch nko kyaki walaka. Körökegh nyu atoni möngengwa nko par nyo mi pögh osis löwïr. Möminye kïgh nyo rörchini chane.

YEREMIA 31:14

Opïghyongan tïsï ompö tïkwï cho okwoghöch amelö rörchini piköchan kïgh ompö köromnyenyan.” Mwoghöy ECHOTYON.

YOEL 1:12

Kiyomö keti sapipun akuwonyö keti akwa walaka. Kisilonchö keti akwa cho sisinchö ompö paren akïyomö löwïr. Akuwonyeghö pich ngörekyö.

YOEL 2:14

Ngo nyo nkït lö möwöghökönye wölo kenontoy akïpïswekwa perur totötenö ropöwo pagh nko dipay* ompö ECHOTYON Tororötïngwo?

KINONO KIRURUT 28:22

Konokwa ECHOTYON sömewut cho kwöghokwa ptömölöy nko tïnyon nko kïpöy nko yomo kömöy nyo layate nyo nyoröy paghekwa. Tïpisot tïkuchoni pö kinyarilat nko akwa ntökïtenö kuwanyekwa lömïs.

AYUPU 39:12

Ighönenyi lö kungwïnöy kaw akwipunyi pagheku kïpka rökor?

AKAY 1:11

Opchinan pekat kor kïyomnyeghö ketï kutïngkot akïyomnyeghö pagh paren, kïyomö tïkwïl sapipun nko arol nko kïgh anka tïkwïl nyo pito ngwïny. Itu kömöyu pich nko kyak, akunyoro kïgh anka tïkwïl nyo sïngo chane.’ ”