AKAY 2:14 - PIPÏLIA

¹⁴ Kïlenchï nyu Akay chane, “Lentöy ECHOTYON, ‘Lenye nyoni tïkwïl pipö koronete nko kïgh anka tïkwïl nyo ighöy chane. Amörostin löwïr cho ipkanïn chane kï sïmnyon.’ ”

AKAY 2:14 Referans Kwoze

TITO 1:15

Tïlil kïgh anka tïkwïl ompö pich cho tïlilöch, wölo möminye kïgh nyonikïny nyo tïlil ompö pich cho le sïmnyon cho puryö kighanat, ompöwölo kikesïmnyon kinonutkökwa nko pköchintöngwa.

NGÖTÏNYÖ 28:9

Ato waghach chi yitïnyi atömalïm kirurut, kulilu nyini le ompö saghatenyi.

NGÖTÏNYÖ 15:8

Ghöchini ECHOTYON amöros pö mwokïyon wölo ngörökyini saghata pich cho tïlilöch.

YUDA 1:23

osörunenö lawel pikö walaka mapa kirwok. Mi pikö walaka cho mïchini oripenö kegh tömenamtak sïmnyontönengwa nyo pö ngokikwa otini omikwa osyonchini chane. Atagha ntatagh ompö chini le sïrokökwa cho kikïnam sïmnyonto pïrchintinekwa cho ghach.

NGÖTÏNYÖ 21:27

Ghöchini ECHOTYON amöros pö mwokïyis, ghach nyu kïtya, ato ipï ompö keröt nyo ghach!

NGÖTÏNYÖ 21:4

Konyi sas nko mïkulögh nyo kwolöy kegh, kuporu lötok ngoki pich cho ghach.

OSEA 9:4

Melö pightoy chane dipay kïpighchini ECHOTYON. Amelö tökïngörökyini nyinte ropöwekwa lïku omisyengwa ompö chane nyo pö lok, akïlïku chane löwïr cho kam sïmnyon. Lïku omisyengwa nyo pö mu kwïle, amelö mïchini kepï le amöros Kö pö Tororöt.*

ISAYA 66:3

“Ighöy pich le wölo kömöktoy. Karkegh ompö chane ato kapar egh akwigh kïlïkwï amöros anta tötö ptangengmöt kïlïkwï amöros. Ato ketötö wawa kech anta karïng katpa kukïy. Ato ketötö pagh cho kïroptoy anta kisön pö nkïruwen. Ato ketötö mankoy cho ngutoy cho onyïn anta sagh körkeyïn. Pïlilöy chane nyoman ortïn cho kïrïpöy ato kïsoghöy.