1 TIMOTEO 3:3 - PIPÏLIA

³ chi nyo melö ptamasyan anta poryeghin wölo nyo talase akï chi pö kalya, chi nyo melö chömo kegh ropïyen.

1 TIMOTEO 3:3 Referans Kwoze

TITO 1:7

Ompöwölo kiketö kintöghoghinto kanisa kughyongchï pöghisyo Tororöt, kïmïchini nyinte kïlïkwï chi nyo puryö lelut. Melö mïchini kïlïkwï chi nyo anta kwolöy kegh chi nyo mïrmïr möt, anta tömösin, anta köromit, amelö chi nyo pïrchini ropïyen.

TITO 3:2

Imwochï chane tömöngalana chi anka tïkwïl nyo gha, wölo kilïkwï pipö kalya, cho tölose, cho porchini pich lapay otöp nyo karam.

EPESO 5:18

Motömesyeghö kumïn, ompöwölo wonyokwa, wölo akanya kenyïghitak Mïkulögh nyo Tïlil.

1 TIMOTEO 3:8

Mïchini pich cho ngöroköy kanisa tïkwïl kïlïkwï pich cho kikonï kegh lasiny akï cho mösököy ngölyep, pich cho kighönöy. Mömïchinicha kïlïkwï pich cho tömesyot anta cho sururchini ropïyen.

YAKOPO 4:1

Ekï pkono onö köny poryewut nko syölutchï mi kwenunkwa? Möpkonocha so pïrchinoghtinekwa cho ghach cho poryot ompö orinkwa chik?

ISAYA 28:7

Kitömesyö tïkwïl pikö cho köle werkoy nko tïsï ntömelö tökumuköy kïpestotoy. Kighegh dipay* nko kumïn cho chang tya ntökïwöngisyö. Kitömesyö werkoykö tya ntökupöl kïsïkï ngongut cho kiporchini Tororöt chane. Kïtömesyö tïsï tïkwïl ntökupöl kïmut ngal cho kikipchini chane.

1 PETRO 5:2

ayakwïya lasiny kechiryo Tororöt cho mi morikwa, ompö chamatenkwa kegh amelö ompöwölo mi chi nyo köyumchokwa agha lenyoni. Amagh pöghisyononi, lö tökesïkenö ropïyen wölo ompö mïkulöwunkwa kïmïkul.

EPRANIA 13:5

Malïkwï pich cho chömo kegh ropïyen akanya kïmïchok tïkukwo cho otïngetö. Ompöwölo lentöy Tororöt, “Mopïstoninyinye kokay anta apakadinyi.”

TITO 2:3

Neta tïkwïl kor cho kayetu kïtïpï kïrïp kegh nko wölo töptoy korï cho tïpisot otöp nyo tïlil. Mömïchinicha chane kuswomöy pich anta cho sekeyi kumïn. Mïchini chane kunet kïgh anka tïkwïl nyo karam,

LAWIN 10:9

“Meghegh kumïn anta dipay* nyi nko werköku, otini olïtöy Ema nyo mi ECHOTYON tömomeghö. Nyete kï kirurut ompö pïnwöy cho tökïpkonöy.

NGONGUT 1:9

Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.

YUDA 1:11

Ochech pïchoni! Nkarïp chane ara Kain. Akwompö pïrchin pö ropïyen, köyörchï kegh chane ara kipotöt le Palaam. Kapeny chane le nya kipeny Kora, akewuröy chane le wölo kikiwurta nyinte.

2 PETRO 2:3

Ompö pïrchintöngwa nyo pö tïkwïn sïkenokwa chane kïgh otini mi kwomwokwa kikorön pö putintön. Wölo kikïtöpö kïpsach nyo kogh Mutinteto ngalekwa akïchïkönöy Kiwurintengwa.

TITO 1:11

Mïchini ketagha chane kïngalan, ompöwölo köpechï kïwaghach pipö keston kïmïkul ompö tïkwïn cho melö kömïchini kunetöy atökïsïch ropïyeni arasï.

1 TESALONIKE 5:14

Akesoghokwa ngat tupchenicho lö, aneta pich cho le soson, akil cho nyökoröch, angarak cho nyörkölöl, amïkukön nko pich löwïr.

RUMI 16:18

ompöwölo möpöghisyechinicha pich cho lata choni Kristo Echotyontenyo wölo pöghisyechini mutïnekwa. Lïsöy chane pich cho tomöcha kïnagh ortïn cho ghach ompö kïnkïno ngalekwa cho onyïn.

IGHISYEWUT 20:33

Kimopïrchanye ropïyeni pikö walaka anta koltin, anta sïro.

MATAYO 21:13

akïlenchï, “Kirate ompö kirurut lö, ‘Kïkuro Konyan kö pö saghat.’ Wölo kaghakwa kïlïkwï köpöno pkatis!”

MALAKI 1:10

Mwoghöy ECHOTYON Kimuktoghin lö, “Opï kakar chi akong ompö akwa kukoti Kö pö Tororöt* atömemï chi kuna ma nyo pö kwïle ompö ato kïpelo amörosechan. Melö ongörökyinekwa amelö otokan ropöw cho opkanïkwa nyonikïny.

MIKA 3:11

Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”

MIKA 3:5

Lentöy ECHOTYON akwompö werkoy cho lïsöy pikachi. Yomisyini chi kalya, nyo ketö kïgh kwam. Wölo mugho poryot, anka tïkwïl nyo metöninye kïgh nyo kyomöy.

MIKA 2:11

Petöy pïchï kwomtotoy oy nko putintön kïlentöy Rotwokwa kumïn le pögh nko choni nyu piko cho kichomöy.

ESEKEL 44:21

Mögheghönye tïsin dipay* ato wetöy kïlïtöy Kö pö Tororöt ori.

YEREMIA 8:10

Kïlenyona, otöninan korukwa pich walaka, otöninan tïkwïl piko walaka parenikwa. Ompöwölo köromchini tïpö lïs pikö cho echön nko cho mïnkech, pöghisyegho putintön chini le ompö tïsï nko werkoy.

YEREMIA 6:13

Pïrchini chane löwïr, nyo mïnïng nko nyo wow, kïnyorï tïkwïn ompö or nyo merokonye. Kalïkwï chane löwïr lïsï, werkoy nko tïsï.

ISAYA 28:1

Heywey! Wechï kawir paytaghpa Israel. Kösilön ororyö nyo kötïng kintöghoghikwa cho tömesyot le tapïkoy cho kösilonchö. Kinyita mötöwekwa mwagh nyo ngutoy nyo karam, wölo achona chane rusot, kimeghö ompö tamasat.

OMTOGHIN 7:8

Kaykay sörömu kïgh kïtïl kitorötenyi akï ngwangwa nyo kömöghöy kïtïl nyo kwolöy kegh.

NGÖTÏNYÖ 15:27

Ipchini chi katanyi nyarïl nyo nyoru sïkönöt ompö ara lïs, wölo söpöy chi nyo ghöchini kiyenöto egh.

NGÖTÏNYÖ 1:19

Lata choni ortïna pich cho nyoruno tïkwïn charut, cho chengo pich cho kö pö tïkukwa söponwekwa.

1 SAMWEL 8:3

Kimarïpcha werkachi körkeyïntanyi, wölo kipïrchï ropïyen akïcheng asoya amökurwokcha ompö man.

2 TIMOTEO 3:2

Lïku pich osiswechoni cho yongöy kegh opïn nko cho pïrchini ropïyen nko pich cho kwolöy kegh nko cho wulö kegh nko cho mwosïyi nko cho mötekönye yiyikwa nko cho meyokucha sörö nko cho mökonyïtöcha Tororöt,