1 TIMOTEO 2:5 - PIPÏLIA

⁵ Ompöwölo mi Tororöt akong kïpoto, akïmi akong nyo linyot pich nko Tororöt. Chichoni kï Kristo* Yeso,

1 TIMOTEO 2:5 Referans Kwoze

KALATIA 3:20

Melö kïmököy nyu kituyoghin ompö ngölyon nyo swongöy kegh nko chi akonga, wölo akonga Tororöt.

1 KORINTO 8:6

wölo kïtïngetecha cho le acha Tororöt akonga kïpoto Tororöt Papo, Ighinto tïkwïn lapay akechicha sötote ompö nyinte. Akïmito Echotyon akong Yeso Kristo* nyo pkono tïkwïn tïkwïl akemitecha ompö nyinte.

EPRANIA 9:15

Ompö atoni nyu Kristo nyo le kilinyoghinto muma nyo rel atökumï pich cho kikur Tororöt kïsïch kisoyönöt nyo pö kokay. Nyoru chane kisoyönötononi ompöwölo kima Kristo atökïsörunö pich ngokikwa cho kigh otini kitökïmi chane ngwïnyi mumanay pö köny.

EPRANIA 7:25

Kïlenyona, muköy nyinte kïsöru pich kokay cho petöy wölo mi Tororöt kuweröy nyinte ompöwölo söpöy nyinte kokay akïsoghchini chane.

KINONO KIRURUT 6:4

“Atere ye nyu, pïchï pö Israel! ECHOTYON Tororötïncha kï ECHOTYON akonga.

EPRANIA 12:24

Kapkanakwa wölo mi Yeso nyo kingwïn kwigh muma* nyo rel akï kïmïlta kisönkachi cho ngölonöy tïkwïn cho karamach kïtïl chanya pö Apel.

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

ISAYA 44:6

Mwoghöy ECHOTYON Kimuktoghin, nyo pöytoy akïghetöy Israel lö, “Ochan nyo pö tagh, achan nyo pö löt, Tororöt nyo le nyinte onkït, möminye anka kïpoto ani.

RUMI 10:12

Ngölono Kikirutchoni lapay ompöwölo möminye sisïn nyo mi kwenu pipö Yaudi nko pipö punton. Tororöt kï Echotyonto chane löwïr akï nyinte nyo soyönöy nyoman pich löwïr cho kuröy nyinte,

YOANA 17:3

Anyï nyu söpon pö kokay, kenkïtunyi nyo ichï onkït Tororöt pö man, akenkïtï Yeso Kristo* nyo kiyonunyi.

EPRANIA 8:6

Wölo kakitö ye nyu Yeso kïlïkwï tïsin nyo pö tïlat, kïlenyona kulinyö pich nko Tororöt ompö muma nyo karam tya nyo kikïteka towunöto teksyo kiyomisöto man.

EPESO 4:6

Mi Tororöt akong akï Papo pich löwïr akï wowö pich löwïr akïpöghisyegho pich löwïr akïmi ori pich löwïr.

1 KORINTO 8:4

Kïlenyona nyu, ompö paraku amata omisyewut cho kïyenchini körkeyïntin, kinkïtöcha lö, melö körkeyïn ompö ngwïny pö man, akï möminye Tororöt anka kïpoto akonga.

AYUPU 9:33

Wölo puryö ghetin nyo ghyongo kwenuncha nyo kötö pesyonecha.

MATAYO 1:23

“Mirsïyi chepkïltït akïyiyöy worö nyo kïkuro Imanuel,” nyo ato kïwaghach kï, “Mi Tororöt nko acha.”

NGONGUT 1:13

akimi kwenungwa kïgh nyo kilata chi ato kirosöy, kiloköy sïra nyo kogh nko angwa nyo kikigha koltin nyo kirat kuwit takatenyi.

MATAYO 1:1

Nyï kï kitapu tötut pö ara yiyo Yeso Kristo nyo kipö ara Daudi nyo pö ara Apraam.

IGHISYEWUT 4:12

Amöminye sörunötö nyo kïnyoruno chitö anka, ompöwölo, möminye kaynat anka ngwïny nyo kikitö pich tökïsörwecha.”

RUMI 1:3

Ngölono Loköyechï Wero Tororöt akï Echotyontenyo Yeso Kristo nyo kikïyï ompö ara Daudi.

1 TIMOTEO 6:13

Ochilinyi ompö tawu Tororöt nyo töni söpon tïkwïn löwïr nko tawu Kristo Yeso nyo kitötö söwintön nyo pö man ompö tawu Pontio Pilato,

1 YOANA 2:1

Kakirwakwa ngalechï monechu kïle nyo wow ompö akwa, atömagh ngokï. Wölo ato igh chi ngokï, ketïngetecha kingörokin nyo ighöy man, Yeso Kristo* nyo ipöy soghutköcha wölo mi Papo.

LUKA 14:22

Atolapay kïlenchï mötworintonay echotyontenyi, ‘Kaghan lenyaye kemwowaninyi, wölo tökïmi pöroyïn nyo pö pikö walaka.’