1 TIMOTEO 1:1 - PIPÏLIA

¹ Kakirwan ante Paulö kiyoktoghinto* Kristo* Yeso kïle wölini kimakta Tororöt Ghetintenyo nko Kristo Yeso nyo le kikönötenyo.

1 TIMOTEO 1:1 Referans Kwoze

TITO 1:3

kïkany kwitïta osiswö cho kitat nyinte, kïngongwecha ngölyontenyi. Kingongwanïn ngölyontononi amta kïrïp kegh nko kiyomisöto Tororöt, Ghetintenyo.

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

1 PETRO 1:3

Keyokyinö Tororöt sörö, Papoto Echotyontenyo Yeso Kristo! Ompö kisyonötenyi nyo wow, nyo kimuka kïyiyecha yiyöt nyo rel otini kigh nyinte Yeso Kristo kututunö ngwen. Nka nyoni kïgh nyo konecha kikönöt nyo chïchïmate

1 TIMOTEO 1:12

Oyokyinan sörö Kristo Yeso Echotyontenyo, nyo kökonanïn owesyö agh pöghisyenyi. Oyokyinan nyinte sörö ompöwölo keyitanïn mïchini opöghisyechan nyinte,

KALATIA 1:1

Kakirwakwa ante Paulö nyo le kiyoktoghin,* akiran nko werköcho löwïr cho omitan tïkwïl wölete. Kikirchinecha palalyantanï pö kitakwesat kanisen cho mi Kalatia. Kighanïn Yeso Kristo* alïkwï kiyoktoghin, amelö ompö machata chi anta ompö owesyo ptangengmöt, wölo ompö owesyenyi nko nyo pö Tororöt Papo nyo kitutunö nyinte ngwen.

2 KORINTO 1:1

Kakirwan palalyantanï ante Paulö kiyoktoghinto* Kristo* Yeso ompö machata Tororöt nko tupchenyo Timoteo. Kikirchinecha palalyantanete akwa cho ochï kanisa Tororöt nyo mi Korinto nko pipö Tororöt cho mi Akaya kïmïkul.

2 PETRO 1:1

Kakiran palalyantanï ante Simon Petro nyo ochï mötworin achï akonga ompö kiyoktoghinto* Yeso Kristo.* Kakirwakwa cho kyonyorï kighanat nyo pö olyot nyo wow lenyini kikïnyorucha ompö manpa Tororötïncha nko Ghetintencha Yeso Kristo:

1 TIMOTEO 2:7

Nka nyoni kigh Yeso kïkïlanïn alïkwan kiyoktoghin* nko omptoghin nyo pö pipö punton atomchï chane lökoyo kighanat nko man. Omwoghan ngala man, momïranye put.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

1 KORINTO 1:1

Ani Paulö nyo kikïkïlan ompö machata Tororöt alïkwï kiyoktoghinto* Kristo* Yeso, nyete kakirwakwa palalyantanï nko werïnyo Sostene.

1 YOANA 4:14

Akakesïwecha akemwochinecha pich, lö kiyonï Papo Werïnyi kïlïkwï Ghetinto ngwïny.

1 PETRO 1:21

Kaghanakwa Tororöt ompö Kristo nyo kigh nyinte kututunö ngwen akutö ororyö. Kïlenyona mi kighanatenkwa nko kikönötenkwa wölo mi Tororöt.

TITO 3:6

Tororöt nyo kiyinwecha Mïkulögh nyo Tïlil kïnyïghï ompö ara Yeso Kristo* Ghetintenyo,

TITO 3:4

Wölo otini kirumï köromnyö nko chomnyo Tororöt Ghetintencha,

TITO 2:13

otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*

TITO 2:10

anta chora tïkukwa. Wölo mïchini kuparta kegh lö pich cho tölose akughönote, atökïsïch kinetut pö Tororöt Ghetintenyo salat ompö or anka tïkwïl.

1 TIMOTEO 4:10

Kinoghyonecha ompö pöghisyö anka tïkwïl nyoman ompöwölo kiketönöcha kikönötenyo wölo mi Tororöt nyo söpöy akï nyo le Ghetinto pich lapay, kï mïr tya pich cho kikughan.

1 TIMOTEO 2:3

Karam ato aghakwa lenyoni akï chömunote ompö tawu Tororöt Ghetintenyo,

KALATIA 1:11

Omwowokwa werköcho lö, melö kipkana Lökoyechay Karamach kyomwokwa wölo mi pich.

ISAYA 45:21

Opunö nyu ngalekwo ka kirwok, atat wölo omwowuntoy ngale. Ngo nyini kingor könyisyok tïkwïn cho itu? Ngo nyini kimwa ngalechoni tagh nya? Maninye so, ECHOTYON Tororöt nyo osöru pikachu? Möminye Tororöt anka kïpoto ani.

ISAYA 45:15

Nyoman ichinyi Tororöt nyo iwïngöy kegh, Tororöt pö Israel nyo söru pikachi.

1 KORINTO 9:17

Ntökile nyo kyokïlchan kegh ighisyononi ompö machatenyan kegh, kötokönan nyu kïgh nyo kïghokwon, wölo oghan le achey nyo kighönwanïn Tororöt alïkwï ripinte.

RUMI 1:1

Kakiran palalyantanï Paulö ante mötworinto Kristo* Yeso, nyo kikekurön alïkwï kiyoktoghin* akelöwon kwamta Lökoy cho Karamach cho pö Tororöt.

LUKA 1:47

Ngörökyini söpontönyan Tororöt, Ghetintenyan,

OSEA 13:4

Wölo ochan ECHOTYON Tororötïngu nyo kyomïtuneninyi koro Misri Amöminye Tororöt anka nyo isoghenyi kïpoto ani, amöminye ghetin anka kïpoto ani.

ISAYA 63:8

Atolapay kïlö ECHOTYON, “Piköchan chane, melö lïsanïn.” Kïlenyona kisörunö chane

ISAYA 60:16

Pöghinyi pipö koros, pöghoninyi pöytoghï omisyo nyo karam. Inkïtunenyi nyu lö ochan ECHOTYON Sörunintengu, akï Ghetintengu, Tororöt pö Yakopo nyo awes.

ISAYA 49:26

Oghan pich cho wöchokwa kïpar kegh chane, tömesyegho chane pörchö le pich cho kagha dipay.* Nkïtu nyu ptangengmötin lö ochan ECHOTYON, nyo sörwokwa akutyokokwa akunkïtï lö, ochan Tororöt pö Israel nyo awes.”

ISAYA 43:11

“Ani onkït nyo le ECHOTYON, möminye sörunin anka kïpoto ani.

ISAYA 43:3

Ompöwölo ochan ECHOTYON Tororötïnkwa, Tororöt pö Israel nyo Tïlil nyo sörwokwa. Otötenan Misri tosïkökwa kityakat, otötenan tïkwïl Etopya nko Sepa ompö sörunötenkwa.

ISAYA 12:2

“Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

TUMWÖY 106:21

Kiwutyeghö Tororöt nyo kisöru chane, ompö töngönchin cho kigha koro Misri.

LUKA 2:11

Kikeyï asisete ompö kanasyanta Daudi Ghetin ompö akwa nyo le Kristo* akï Echotyon.