1 KORINTO 3:1 - PIPÏLIA

¹ Wölo melö kyongölonwokwa, werköcho, le ato ongölonchinan pich cho mi otöp pö Mïkulöwu Tororöt. Kyangalanan nko akwa le pich cho mi otöp pö por, le tengon ompö kighanata Kristo.*

1 KORINTO 3:1 Referans Kwoze

EPRANIA 5:13

Ompöwölo chi anka tïkwïl nyo lïwöy chö kïpoto, kïkarkegh nko monïng nyo menkïtnye kïgh nyo karam nko nyo gha.

1 KORINTO 2:6

Kïrkegh kïlenyoni, kepöghisyeghonecha ngala ngöghomnyö ompö pich cho kikilyö ompö kighanat, wölo melö ngöghomnyo ngwïnyinï anta nyo pö pöytoghi ngwïnyinï cho mi owesyengwa kïwonyotoy.

1 KORINTO 14:20

Makarkegh, werköcho nko tengon ompö kinonutkökwo, wölo alïkuna le tengon ompö ngal cho ghach, alïkwï pich cho echön ompö kinonutkökwo.

RUMI 7:14

Kinkïtöcha lö, Kirurut pö Tororöt kï pö mïkulögh, wölo ochan ptangengmöt nyo kikyelta kïlïkwï sekeyonto ngokï.

1 YOANA 2:12

Kakirwakwa monechï mïnkech, ompöwölo kikelöstowokwa ngokikwo ompö kaynata Kristo.

KALATIA 6:1

Werköcho ato onyorchikwa chi lelut, kï parakunkwa chona ntöghowokwa Mïkulögh orirchine nyinte tökïsat otöptanyi kuten, wölo agh lenyoni ompö tölosyö. Orip kegh akwane tïkwïl tömökïtyamak.

MATAYO 16:23

Kïwaghaka Yeso akïlenchï Petro, “Ngetena tawunyan Onyötonï! Ichinyi tömölin, ompöwölo melö pö kinonutköku Tororöt, pö ptangengmöt!”

1 KORINTO 14:37

Ato nonöy chi anka tïkwïl lö ochï werkoyon anta otïng ropöwon ompö ara mïkulögh, kïmïchini kïpköchï lö kirurutyo Echotyon nyoni kakirwakwa.