1 KORINTO 1:5 - PIPÏLIA

⁵ Kelinyekwa nko Kristo nyo kökonokwa sïkönöt nyo pö tïkwïn kïmi nyo pö ngalana nko ngöghomnyö.

1 KORINTO 1:5 Referans Kwoze

2 KORINTO 9:11

Ighokwa nyinte alïkuna sïkön ompö kïgh anka tïkwïl atamuka atasa tagh osïkö tïkwïn cho opögho pich kïnomnyö, atökumï chane kïsal Tororöt ompö ropöwekwa cho chang cho sïkenokwa chane.

2 KORINTO 8:7

Otïngetekwa kïgh anka tïkwïl. Kighanat nko owesyö nyo kïngölonöy nko kinkïtöt nko kikilöto kegh nyo oghöy tïkwïn cho karamach ompö acha. Nka nyoni kikönecha olïkunekwa pich cho opöghöy pich ompö ighisyononi pö chomnyogh.

KOLOSAY 2:3

Kikïwïnchï orinyi kaplawachtin cho pö ngöghomnyo Tororöt kïmïkul nko kinkïtöt.

PILIPI 1:9

Osoghan kïtasa chomnyenkwa tya anyorï ngöghomnyö nko pköchin anka tïkwïl

RUMI 15:14

Onkïtön ante tïkwïl, tupchenyu lö, otïngetekwa mutïn cho karamach, achikwa ngöghomöch nyoman, amukekwa onete kegh.

YAKOPO 3:13

Ekï ngo köny ompö akwa nyo ngöghom akï chïrer? Akanya kuporï nyinte lenyoni ompö otöptanyi nyo karam nko ighisyewutkachi cho ighöy ompö tölosyö nko ngöghomnyö.

KOLOSAY 3:10

alak otöp nyo rel. Letoy tagh Tororöt kupïchöy otöpnoni kïrelit kïnomnyö ntökïkarkegh nko nyinte, nyini le ighintenyi kegh atamukakwa nyu onkïtunö Tororöt lasiny.

EPESO 6:19

asoghwante tïkwïl kïkonanïn Tororöt ngölyon, töto omökan ongölonöy, amukan amwatïta Lökoy cho Karamach cho wïngote ompö nyakanat.

EPESO 1:17

atömanyïl kïkonokwa Tororöt pö, Echotyontenyo Yeso Kristo, Papo nyo pö ororyö, Mïkulögh nyo Tïlil tonkïtunö ngala yïm akïpköchok nyinte.

1 KORINTO 12:8

Töni Mïkulöwunoni chitö anka ngölyonto ngöghomnyö, kutö anka chïreryö kïle wölo möktoy Mïkulöwunoni.

2 PETRO 3:18

Wölo atasa tagh oghetunö ompö pöropchö nko kinkïtöto Echotyontenyo akï Ghetintenyo Yeso Kristo.* Nya kïsïch nyinte ororyö kïngeta ye nko kokay! Amen.

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

1 KORINTO 13:2

Akï kïrkegh kotïngetan owesyö nyo pö amtagh nko pköchin nyo pö wïngut löwïr nko ngöghomnyö anka tïkwïl, atïng kighanat nyo omukan anategha kutïngkot amotïngetanye chomnyogh ochan kwïle.

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

1 KORINTO 14:26

Anyï kïyoni omwoghan, werköcho. Otini karyamakwa asagh, tumö chitö anka, kunetisyö anka, kïmwowï anka ngongut nyo ngwïno wölo mi Tororöt, kïmwowï anka ngölyon ompö kut nyo sis, kïwöghökwï anka ngalechoni. Mïchini kegh kïgh nyo kilöy kanisa.

1 KORINTO 13:8

Mötïngnye chomnyogh söröm. Weröy ropöwo amtagh akuwonyot ropöwo ngölyep cho sis akuweröy ngöghomnyö.

1 KORINTO 12:10

Kutö chitö anka owesyö nyo igho töngönchin kutö chitö anka owesyö nyo omtoy ngölyonto Tororöt kutö anka owesyö nyo nkïtuno sisïn nyo mi kwenu konut cho pkono Mïkulöwu Tororöt nko cho möpkonocha kutö anka konut nyo ngölonöy ngala pich cho le to, kutö anka owesyö nyo wöghököy ngalechoni.

1 KORINTO 8:11

Kïlenyona, potöy chichoni nyarkalal le werïnkwa kimegha Kristo akwompö kinkïtötengu!

RUMI 15:4

Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.

RUMI 11:12

Kepchï nyu ye lelutyo pipö Yaudi pipö ngwïny perur nyo wow, akwipchï meywontönengwa nyo pö mïkulögh pipö punton kisoyönut cho chang. Chongitu nyu kïtya kisoyönut otini kökituyechï pipö Yaudi löwïr ori!

IGHISYEWUT 2:4

Kungwïnchï chane löwïr Mïkulögh nyo Tïlil, akutor kïngalana kutïw walaka le wölo kitöntö Mïkulögh chane kïngalan.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.