Tito 3:5 - TÄ̧DO Ä̧CUÄ̧ I̧HUȨNȨ

⁵ Diosmä suronä jȩtö̧ jȩpö̧ icuinö. Ujututä adiu jȩpo̧co̧tö̧ pi̧nä̧tö̧jä̧. Chutä, Diostä, re rö̧jö̧nä̧ topinö ujuturu.

Nuevo Testamento Uwotjüja

⁵ ja̧'wa̧ta̧nü̧ ujutumä̧ adiu jȩti̧yä̧ku̧mä̧ ppädoko̧u̧ pinä̧tü̧jä̧ ja̧'wa̧nü̧ ja̧jü̧jueimä̧ chutä rȩrü̧jü̧nü̧ toomȩttü̧tä̧ surojümä̧ tükü iku pä'äjita'anü̧ uwäbetü ja̧'wa̧ta̧nü̧ tujuru jü̧nä̧ iyinä̧u̧jä̧ Epíritu Sa̧tu̧nä̧.

Tito 3:5 Referans Kwoze

2 Timoteo 1:9

Dios ujutu suronä jȩtö̧ jȩpö̧ icuinö. Ja̧'hua̧ta̧nö̧ adiu tö̧ja̧cui̧ya̧rö̧ pä'ö huoinä̧u̧jä̧. Ujutu yoröiso adiu jȩpo̧co̧tö̧ pi̧nä̧tö̧jä̧. Diostä ujuturu pä̧huä̧ rö̧ji̧nä̧cu̧. Pi̧jä̧ juiyäi Dios ujuturu repe'inö, Cristo Jesúsru teseta'attö.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

1 Pedro 3:21

Ja̧u̧ aje suhuädinömä bautizando jȩtta̧'a̧ jä̧'i̧nö̧'a̧nö̧ ji̧na̧'a̧do. Ujutu'inä bautizando jȩto̧mȩnä̧, suronä jȩtö̧ jȩpö̧ icu Dios. Bautizando jȩtö̧mä̧, ujutu tidepämä töcö icuocödo. Ji̧yȩä̧cuȩtä̧ Diosrö jäecuätä ta̧'cua̧ adiu iyömä. Ja̧'hua̧ta̧nö̧ Jesucristo ttoächinö huȩnȩ esetö, ujutu suronä jȩtö̧ jȩpö̧ icudo.

1 Pedro 1:3

Tu̧ru̧hua̧ Jesucristo Jä'o Diosrö teseäcuähuätucuaja. Dios ujuturu hue'inö jareönä tuhuäpächa pä'ö, Jesucristo 'corupäi'äja'attö ttoächinö huȩnȩ esetö. Ja̧'hua̧nö̧ esetö, adihuä juäi huȩnȩ tta̧'ä̧rä̧tö̧jä̧.

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

Efesios 2:4

Ja̧'hua̧nö̧ ja̧'a̧nä̧ Dios ujuturu rö̧ȩnä̧ repe'ö, re rö̧jö̧nä̧ toinä̧u̧jä̧.

Efesios 5:26

Ja̧'hua̧nö̧ iyähuinödo, Diosrö esetätörö töcö icu aditö icua pä'ö ajiyanä'inä, chutä i̧huȩnȩnä̧'i̧nä̧.

Romanos 11:6

Ja̧'hua̧ ja̧'a̧ttö̧ Dios chutä ppädäcuähuänä ȩmö̧, ttö̧ja̧ jȩä̧cuä̧huä̧nä̧mä̧cö̧. Ttö̧ja̧ jȩä̧cuä̧huä̧nä̧tä̧ ȩmö̧ttö̧mä̧, Dios ppädäcuähuä jo̧cö̧ ja̧ji̧.

Hebreos 4:16

Ja̧'hua̧nö̧ ja̧'a̧ttö̧ adihuä Dios ö̧jo̧mȩ, eseunu tötö'cöhuächö'a̧nö̧ ja̧'a̧, ja̧u̧ re rö̧jö̧nä̧ toäcua'a̧nö̧ ujuturu. Ja̧'hua̧ta̧nö̧ ujuturu suronä 'cuäopomenä, adiu ppädäcua'a̧nö̧.

Colosenses 3:10

Jitämä ucutu jareönä amöcuädätöjä. Ja̧'hua̧nö̧ amöcuädö, Dios, ucuturu aditinömä juhua'a yabo rö̧ȩnä̧ u̧huo̧juȩtä̧cuo̧tö̧jä̧ chutä jö̧ ta'anö cu'ätucua pä'ö, ja̧u̧ru̧tä̧ adiunä cu̧huo̧juä̧tu̧cua̧rö̧ pä'ö.

Gálatas 2:16

Iso päi'önä huo̧juä̧tö̧jä̧ päcuäitä Moisés hueähuä huȩnȩ hueinötä jȩtö̧ttö̧mä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö ta pä'ö. Ya̧tȩrö̧tä̧ Jesucristorö esetötä Dios jȩpö̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ ji̧yä̧u̧ ujutumä esetinätöjä Jesucristorö, Dios jȩä̧cua̧'a̧nö̧ ja̧u̧cu̧ ji̧nä̧ ji̧yȩtȩ huotö ta pä'ö, Moisés hueähuänämäcö̧. Yoröiso ya̧tȩrö̧'i̧nä̧ Dios jȩpo̧cö̧ ja̧u̧cu̧ ji̧nä̧ ji̧yȩtȩ hua̧ ö̧ja̧ pä'ö päcuäi Moisés hueähuä huȩnȩtä̧ jȩo̧mȩnä̧mä̧.

Romanos 3:20

Ja̧'hua̧nö̧ ja̧'a̧ttö̧ hueähuä huȩnȩ hueö ta'anö jȩä̧cuä̧huä̧nä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Hueähuä huȩnȩ pi̧jä̧ ttö̧ja̧ suronä jȩpä̧tö̧jä̧ pä'ö ttu̧huo̧jua̧ pä'ö huea'a.

1 Pedro 2:10

Pä'äjimä ttumöhuäyotö pocotö pi̧nä̧tö̧jä̧. Jitämä Dios umöhuäyotöjä. Pä'äjimä ihueye tta̧'cua̧ tta̧nö̧ tottoco̧u̧ pi̧nä̧tö̧ja̧. Jitämä Dios re rö̧jö̧nä̧ toä̧u̧jä̧.

Efesios 4:23

Cuami iso'quitucunä'inä, cuamöcuädätucunä'inä cu'ärohuätucu'a̧nö̧ ja̧'a̧.

Romanos 3:28

Ja̧'hua̧nö̧ ja̧'a̧ttö̧ ä̧ju̧cu̧ huo̧juä̧tö̧jä̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö churutä esetäcuähuänätä, hueähuä huȩnȩ hueö ta'anö jȩä̧cuä̧huä̧nä̧mä̧cö̧.

Romanos 9:11

Ji̧nä̧ jahuätö ttuhuäpächö juiyäi, ji̧nä̧ jȩttö̧ juiyäi adiu'inä, surojö'inä, Dios pä'inö Rebecarö: “Äcuomenä ru̧hua̧, röji ru̧hua̧ hueö jȩä̧cua̧.” Ja̧'hua̧nö̧ jȩpi̧nö̧ ttu̧huo̧jua̧ pä'ö Dios ttö̧ja̧rö̧ ȩmö̧ chutä a̧'cua̧ ko̧mȩnä̧, ttö̧ja̧ jȩä̧cuä̧huä̧nä̧mä̧cö̧.

San Lucas 1:78

Dios ujuturu repe'ö re rö̧jö̧nä̧ toa'attö, ju'tojuttu i̧yä̧u̧jä̧ suronä jȩtö̧ jȩpö̧ icuähuä, jareö mo̧ro̧ kä̧hua̧ räopö'a̧nö̧.

San Lucas 1:54

Ppä'ädinö umöhuäyotö Israel ttö̧ja̧rö̧. Re rö̧jö̧nä̧ topö unichi'ocö pi̧nö̧.

San Lucas 1:50

'Cuäopönä re rö̧jö̧nä̧ to̧ä̧cua̧ o'ca toi'önä churutä ucuotätörömä.

Tito 3:4

Ja̧'hua̧nö̧ cuetächomenä, Dios ujuturu ppä'ädinö.

Romanos 9:30

Ja̧'hua̧ ja̧'a̧ttö̧ ¿tta̧'a̧nö̧ pätäcua'ajä̧ttö̧? Judíos huocotömä usocotö pi̧nä̧tö̧ Dios jȩa̧tö̧ pä'ö chutäcu ji̧nä̧ ji̧yȩtȩ huotö tta pä'ö. Ja̧'hua̧nö̧ ja̧'a̧nä̧ Diosrö tteseta'attö, Dios jȩpi̧nö̧ chutäcu ji̧nä̧ ji̧yȩtȩ huotö tta pä'ö.

Romanos 9:16

Ja̧'hua̧nö̧ ja̧'a̧ttö̧ ttö̧ja̧rö̧ pä̧huä̧ rö̧jö̧ jȩtto̧mȩnä̧, micuähuoca'a. Dios re rö̧jö̧nä̧ topö ȩmä̧cua̧ churutä pä̧huä̧ rö̧jä̧u̧ru̧.

Romanos 4:5

Dios suronä jȩpä̧tö̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö ttesetomenätä, adiu jȩttö̧nä̧tä̧mä̧cö̧. Ya̧tȩ adiu jȩö̧ juiyönä hua̧rö̧ ja̧u̧ juäi adiu esetomenä, ja̧u̧ru̧ Dios jȩpö̧ ja̧u̧cu̧ ji̧nä̧ ji̧yȩtȩ ja̧ pä'ö.

San Lucas 1:72

“Re rö̧jö̧nä̧ to̧chä̧cuä̧u̧jä̧,” pä'inö tä̧do̧tö̧ mi̧nä̧rö̧. “Adiu chucuocuinömä unichi'ocösä” pä'inö.

San Mateo 3:11

Ttömä, iso päi'önä ajiyanätä bautizando jȩpö̧sä̧ korotö totta pä'ö pärocuäcutä cuamöcuädätucua'a. Juhuorö'inä ttö cho'ca'anä ichömä ucuturu bautizando jȩä̧cua̧ Espíritu Santocu, ocuräcu. Ja̧u̧ ttöttö'inä abonänö ju̧ru̧hua̧. Ttömä yoröiso adihuä i̧sa̧cö̧sä̧. Ja̧'hua̧ta̧nö̧ ö̧jä̧pö̧ isäya'inä ko̧'ä̧dö̧ chicu juiyö'a̧nö̧ ja̧'a̧.

Romanos 11:14

Ttö chahuaruhuä judíos ttö̧ja̧ttö̧ ya̧cu̧nä̧ ji̧yȩtä̧ a̧'u̧cuä̧ jȩtta̧ pä'ösä, ucutu jȩcu̧'ä̧tu̧cu̧ ta'anö. Ja̧'hua̧nö̧ topö ttesetomenä, Dios ȩmä̧cua̧'a̧nö̧ jahuätörö.

Hebreos 10:22

Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.