Tito 2:15 - TÄ̧DO Ä̧CUÄ̧ I̧HUȨNȨ

¹⁵ Pi̧yȩ huȩnȩ huo̧juȩti̧. Dios ujurunä o'ca toi'önärö ppä'ädi. Ja̧'hua̧ta̧nö̧ Dios ujurunä o'ca toi'önärö ucuocu tä̧bo̧ti̧. Ja̧'hua̧nö̧ cu̧huo̧juȩto̧mȩnä̧, korotömä ucuru suronä ucuocuocotö.

Nuevo Testamento Uwotjüja

¹⁵ Pi̧yȩ ja̧'a̧ o'kajuiyünä̧ ukuo kkü̧nä̧ ku̧wo̧juȩtü̧mä̧, ttesewächi'ünä̧ ja̧'wa̧ta̧nü̧, tä̧bo̧tü̧nü̧ ya̧tȩ'i̧nä̧ üjü'kü juiyünä̧mä̧ toü juiyäkua'anü̧.

Tito 2:15 Referans Kwoze

2 Timoteo 4:2

'Cuäopönä ji'ähui pi̧yȩ huȩnȩ. Ttä̧ju̧cuo̧mȩnä̧'i̧nä̧, ttä̧ju̧cuo̧co̧mȩnä̧'i̧nä̧ ji'ähui. Korotörö tä̧bo̧tö̧ ji'ähui. Cuami 'qui'ächi'ö kä̧nö̧, adiu huo̧juȩti̧.

Tito 1:13

Ja̧'hua̧nö̧ päinömä, iso päi'önä pä'inö. Ja̧'hua̧nö̧ ja̧'a̧ttö̧ juruhuächi'ö huo̧juȩti̧tö̧ adiu esetö ttö̧ja̧cuä̧cua̧'a̧nö̧.

1 Timoteo 5:20

Ja̧'hua̧nö̧ ja̧'a̧nä̧ korotö ancianos huotö suronä jȩpä̧tö̧rö̧ o'ca toi'önä ttä'ca jo̧mȩttö̧ tä̧bo̧ti̧, korotö'inä topö yettecuäcua'a̧nö̧.

San Mateo 7:29

Ja̧u̧mä̧ hueähuä huȩnȩ huo̧juȩtä̧tö̧ ttu̧huo̧juȩtö̧'a̧nö̧ huo̧juȩto̧cö̧ pi̧nö̧do. Ja̧u̧mä̧ rö̧ȩnä̧ huo̧juȩcu̧nä̧ huo̧juȩti̧nö̧do.

San Marcos 1:22

Chutä jiähua'a ä̧ju̧cu̧, ttö̧ja̧mä̧ to̧pä̧rö̧ ka̧cui̧nä̧tö̧do, ya̧tȩ ru̧hua̧ jiäu'a̧nö̧ jiähua'attö, hueähuä huȩnȩ huo̧juȩtä̧tö̧ jittäu'a̧nö̧mä̧cö̧.

San Lucas 4:36

O'ca toi'önä ye'inätödo. Ja̧'hua̧ ja̧'a̧ pä'ähuinätödo ka̧ra̧ ka̧ra̧nö̧: —¿Däje huȩnȩ pi̧yȩ huȩnȩmä̧? Pide ubomä espíritus suropätörö hueähuänä ju̧ru̧hua̧. Hueö ta'anö jȩpä̧tö̧.

San Marcos 1:27

O'ca toi'önä ye'inätödo. Ja̧'hua̧ ja̧'a̧ pä'ähuinätödo ka̧ra̧ ka̧ra̧nö̧: —Pi̧yȩmä̧, ¿däjejo? ¿Däje huȩnȩ pi̧yȩ jareö huȩnȩmä̧? Pide ubomä espíritus suropätörö hueähuänä ju̧ru̧hua̧. Hueö ta'anö jȩpä̧tö̧.

1 Corintios 16:11

Ja̧'hua̧nö̧ ja̧'a̧ttö̧ ucututtu korotö suronä ttamöcuädö juiya pä'ätucuirö. Pärocua'attö ppä'ädätucuirö adiunä eseunu ichäcua'a̧nö̧ ttörö topö. Ttöcu korotö tö̧jä̧hua̧tö̧cu̧ ja̧u̧ru̧ tta̧'ä̧rä̧tö̧jä̧.

1 Pedro 4:11

Ya̧tȩ ucuocuttumä, Dios i̧huȩnȩ päö ta'anö ucuocu'a̧nö̧ ja̧'a̧. Ya̧tȩ ka̧ra̧rö̧ ppädöttömä, Dios ujuru iyömä ppä'ädö aditö'a̧nö̧ ja̧'a̧. O'ca juiyönä jȩcu̧'ä̧tu̧cuo̧mȩnä̧, Jesucristo i̧mi̧nä̧ jȩpö̧, Diosrö esehuäcuähuätucui. 'Cuäopönä Diosrö ttesehuäcuähuäcua'a̧nö̧. Ja̧'hua̧ta̧nö̧ 'cuäopönä Dios ujuruhuäcua'a̧nö̧. Amén.