Tito 1:7 - TÄ̧DO Ä̧CUÄ̧ I̧HUȨNȨ

⁷ Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

Nuevo Testamento Uwotjüja

⁷ Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

Tito 1:7 Referans Kwoze

2 Pedro 2:10

Ttu̧ru̧hua̧rö̧ jarode'ö jitötä ttamönä suronä ttamöcuädäu jȩpä̧tö̧rö̧, ji̧nä̧ isocu ö̧tä̧bo̧tä̧cua̧ Dios. Jahuätö yettecuoca'anä jarode'ätödo. Mo̧ro̧jä̧ ruhuärö yecuäcuähuä juiyönä suronä huopätödo.

Efesios 5:18

Tä̧cu̧huä̧mä̧tu̧cuä̧'. Ja̧'hua̧nö̧ jȩpö̧ be'ipächätöjä. Pärocua'acu rö̧ȩnä̧ ku̧nä̧rä̧tu̧cui̧ Espíritu Santorö cuami iso'quinä su'penö.

1 Pedro 5:2

O̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, Dios i̧tti̧mö̧rö̧, ucuturu hueinä̧u̧ru̧, tta̧'ä̧rö̧ ka̧cuä̧tu̧cui̧. Suronä päcuhuätucuoca'a, Diosrö pä̧huä̧ rö̧jo̧mȩnä̧ adiunä eseunu tta̧'ä̧rä̧tu̧cui̧. Ja̧'hua̧ta̧nö̧ pärätä cuamöcuädätucuoca'a, adiu tta̧'ä̧rä̧tu̧cui̧. Adiunä aditätucui cuaditähuätucu.

1 Pedro 4:10

Dios ucuturu iyö ppädinö ta'anö, korotörö ppä'ädö ka̧cuä̧tu̧cui̧. Koro juäi tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, tta̧'ä̧rä̧tu̧cui̧ Dios adihuä juäi iyömä.

San Lucas 12:42

Tu̧ru̧hua̧ pä'inödo: —¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, ojusode ruhuärö ttu̧cuȩ iya pä'ö.

Tito 2:3

Ja̧'hua̧ta̧nö̧ nä̧tö̧ böäcuächätörö'inä huo̧juȩti̧. Dios ä'ca jo̧mȩ adiu ttö̧jä̧cua̧'a̧nö̧. Ttahuaruhuärö yapareu huȩnȩ jittähuä'chö juiyäcua'a̧nö̧. Ja̧'hua̧ta̧nö̧ tä̧ttä̧mö̧ juiyäcua'a̧nö̧. Korotö ttä'ca jo̧mȩ adiu huo̧juȩtö̧ jȩttä̧cua̧'a̧nö̧.

Tito 1:5

Ttö huedipinäcujä Creta kä'co i̧sä̧sa̧nä̧, juhua'a yabonö cu̧huo̧juȩta̧ pä'ö. Ttö huedinäcujä ancianos huotörö cu̧ju̧na̧ pä'ö, koro ötahuiyänä koro ötahuiyänä'inä.

Filipenses 1:1

Pablocu, Timoteocu, Jesucristocu aditätömä, pi̧yȩ cuyäru huȩyu̧tu̧ hue'ätöjä Dios i̧tti̧mö̧rö̧, Jesucristorö esetätörö'inä, iglesia tta̧huä̧rä̧cuä̧huä̧ ruhuärö'inä, diáconosrö'inä, Filipos ötahuiyänä ka̧cuä̧tö̧rö̧.

San Mateo 24:45

Juhua'a yabonö huo̧juȩti̧nö̧do Jesús: —¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, ojusode ruhuärö ttu̧cuȩ iya pä'ö.