Romanos 2:3 - TÄ̧DO Ä̧CUÄ̧ I̧HUȨNȨ

³ Ucu “Korotö suronä jȩpä̧tö̧” päcuttumä, ucu'inä ja̧'hua̧ta̧nö̧ jȩcu̧'a̧'a̧nä̧, “Diosmä ro̧ȩpo̧co̧cu̧sä̧” ¿pä'öjä tä̧ji̧?

Nuevo Testamento Uwotjüja

³ Ja̧'wa̧nü̧ ja̧'a̧ttü̧ uku'i̧nä̧ ja̧'wa̧nü̧ suronä̧ jȩpü̧ kkä̧nü̧, kkorotü suronä̧ jȩtti̧yä̧ku̧ päkuttümä̧, Dio ro̧ȩpü̧ttü̧ kki̧'o̧kü̧ kuä̧kua̧jä̧.

Romanos 2:3 Referans Kwoze

Romanos 1:32

Jahuätö adiu huo̧juä̧tö̧ Dios hueinö. Huo̧juä̧tö̧ surojö jȩpö̧, hua'ö icuähuä. Ttu̧huo̧jua̧'a̧nä̧, jitörötä pä̧huä̧ rö̧jö̧ jȩpä̧tö̧. Korotö'inä ja̧'hua̧nö̧ jȩtto̧mȩnä̧, eseunu topätö.

1 Tesalonicenses 5:3

Ttö̧ja̧ pättomenä: “Jitämä o'ca juiyönä adihua'a, ra̧huȩpi̧jo̧ca̧'a̧”, jahuätörö ra̧huȩpi̧jö̧ ichäcua'a, isaju muchajuru kumodu kieruhua'anä barahuächi'a'a jä̧'i̧nö̧'a̧nö̧. Ja̧u̧ ra̧huȩpi̧jö̧ttö̧ ki̧'o̧co̧tö̧ ttäcuotö.

San Lucas 12:14

Ja̧'hua̧nö̧ ja̧'a̧nä̧ Jesús pä'inödo: —¿Dihuä u̧ju̧ni̧nä̧ttö̧ ttörö 'quȩ'ȩpö̧ iyähuä i̧sa̧ chö̧ja̧ pä'ömä?

San Lucas 22:58

A̧'u̧cua̧'a̧tä̧ o'ca'a, ka̧ra̧ Pedrorö topö pä'inödo: —Ucu'inä jahuätötä i̧sa̧jä̧. Ja̧'hua̧nö̧ päcu, Pedro ädätinödo: —Isocö̧, cha̧hua̧ru̧hua̧. Ttömä jahuätö i̧sa̧cö̧sä̧.

San Mateo 26:53

¿Ucutu jerupätöjä tä̧ji̧? Chä'orö jädepöttömä, jitä ángeles recuätörö hueö'a̧nö̧ ttörö tta̧ttä̧ra̧ pä'ö.

San Mateo 23:33

“¡Ucutumä ä̧ca̧tö̧ jä̧'i̧nö̧'a̧nö̧ huotöjä! Dios tä̧bo̧cuä̧ ocurättö, ¿tta̧'a̧nö̧ töcuhuipächätucua'ajä̧ttö̧?

Hebreos 12:25

Ja̧'hua̧nö̧ ja̧'a̧ttö̧ ucuturu ucuocuru cujö'cätucu juiyönä jȩcu̧'ä̧tu̧cuo̧ca̧'a̧, ttu̧ȩcuä̧nä̧ ka̧cuä̧tu̧cui̧. Pi̧jä̧nä̧ ka̧cui̧nä̧tö̧ Diosrö jarodinätörö jittähuomenä, tö'ipächö ka̧cui̧po̧co̧tö̧ pi̧nä̧tö̧do. Ujutu'inä kärächi'ö jarodö tötipächöttömä, ka̧cui̧po̧co̧tö̧jä̧ mo̧ro̧jä̧ra̧'a̧ttö̧ jiähuomenä.

Hebreos 2:3

Ttö̧ja̧ suronä jȩttö̧ jȩpö̧ icu huȩnȩ, adihuä huȩnȩ töarodöttömä, ¿tta̧'a̧nö̧ jȩpö̧ tö̧ja̧cui̧'ä̧tu̧cuä̧cua̧'a̧jä̧ttö̧? Ja̧u̧tä̧ Tu̧ru̧hua̧, pi̧yȩ ttö̧ja̧ suronä jȩttö̧ jȩpö̧ icu huȩnȩtä̧ äcuomenä ji'ähuinödo. Ä̧ju̧cui̧nä̧tö̧mä̧, Tu̧ru̧hua̧ päinö ta'anö 'cuäopa'a topö, ji'ähuinätö ujuturu ja̧u̧ huȩnȩ.

San Lucas 22:60

Ja̧'hua̧ ja̧'a̧ Pedro pä'inödo: —Cha̧hua̧ru̧hua̧, ucu päcumä jȩru̧pa̧sä̧. Yotäcu, Pedro ji̧nä̧ ucuocua'anä, äcärä huopinödo.

Romanos 2:1

Ja̧'hua̧ ja̧'a̧ttö̧ ucu päcuttumä korotörö suronä jȩpä̧tö̧ pä'ö ucutä cuamönä'inä suronä pä'äujä. Päcuhuomenä korotörö suronä jȩpä̧tö̧, ucu'inä ja̧'hua̧ta̧nö̧ jȩpö̧ kä̧nö̧, ucutä cuamönätä ro̧'ȩpä̧cuä̧u̧jä̧.

Romanos 2:2

Ujutu huo̧juä̧tö̧jä̧, ja̧u̧ juäi jȩpä̧tö̧rö̧ iso päi'önä Dios yoräteunä ro̧'ȩpö̧.

Romanos 9:20

Diosrö ja̧'hua̧nö̧ pä'ömä, ¿di cu'ättö ucumä? Redä'ca uriyumä aditörö: “¿Dä̧bö̧ ja̧'hua̧nö̧ cuaditäjättö?” ¿päa'a tä̧ji̧?