San Mateo 8:34 - TÄ̧DO Ä̧CUÄ̧ I̧HUȨNȨ

³⁴ Ja̧'hua̧nö̧ ja̧'a̧ttö̧ o'ca toi'önä ötahuiyä ruhuä ca̧ca̧cui̧pi̧nä̧tö̧do Jesús ö̧ja̧'a̧cu̧. Ja̧u̧ru̧ topö tti̧rȩjä̧ttö̧ rä'opö, kara'a i̧'cha̧ pä'ö hue'inätödo.

Nuevo Testamento Uwotjüja

³⁴ Ja̧'wa̧nü̧ jittäwiyä̧u̧ ütawiyä ttü̧ja̧mä̧ o'katoi'ünä̧ Jesú-ru topü ichi'äjä'kotü, juorü tti̧rȩjä̧ttü̧mä̧ i̧wa̧ pä'ü we'ü ttikuinä̧ku̧.

San Mateo 8:34 Referans Kwoze

Hechos 16:39

Ja̧'hua̧nö̧ ja̧'a̧ romanos ttö̧ja̧ tturuhuotö cärenä ttö̧'o̧mȩ 'chä̧nö̧, Pablorö, Silasrö pä'inätödo: —Ucuturu suronä jȩtä̧ji̧mä̧ unichi'ätucui. Cärenä ttö̧'o̧mȩttö̧ rä'epö icuäjä'cotö, Pablorö, Silasrö jä'epinätödo ötahuiyättö rättopa pä'ö.

San Lucas 5:8

Ja̧u̧ topö, Simón Pedro Jesús ä'ca jo̧mȩ ihue'quiyunä kä̧mä̧dö̧ pä'inödo: —'Quȩ'i̧pä̧chi̧ttö̧, Chu̧ru̧hua̧. Ttömä iso päi'önä suronä jȩpä̧'i̧jö̧sä̧.

San Lucas 8:28

Jesúsru topö, ä'ca jo̧mȩ ihue'quiyunä kä̧mä̧dö̧ huopinödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús Dios Ju'toju Ru̧hua̧ I̧tti̧? Ttö pä'ösä ucuru, suronämä ubara ttucuhue'ättö, —pä'inödo ja̧u̧ ubomä.

San Mateo 8:29

Jahuätö huopinätödo Jesúsru: —¿Tta̧'a̧nö̧ jȩcu̧'ä̧cua̧'a̧jä̧ttö̧ ujuturu, Jesús, Dios I̧tti̧? ¿Ujuturu jo̧mȩ päi'oca'anä ubara ttuta pä'ö jȩpö̧ ichäjijä tä̧ji̧?