San Mateo 7:6 - TÄ̧DO Ä̧CUÄ̧ I̧HUȨNȨ

⁶ “Ja̧'hua̧ta̧nö̧ adihuä juäi Diosrö iyähuä juäi cuiyätucuä' ä̧hui̧ri̧tö̧rö̧. Jahuätömä koronö ucuturutä yö̧'ö̧ tticu'a̧nö̧ ja̧'a̧. Ja̧'hua̧ta̧nö̧ adihuä juäi cu̧rä̧u̧du̧ cu̧chi̧tö̧rö̧ cuiyätucuä'. Jahuätömä ja̧'a̧tä̧ 'cuȩ'cu̧ tticu'a̧nö̧ ja̧'a̧.

Nuevo Testamento Uwotjüja

⁶ Dio jäwämä̧ ä̧wi̧ri̧tü̧rü̧mä̧ kuiyätukuä, ukuturutä ttaboiyotü juo'epü yü̧yü̧pü̧ ttikuiyätukuäku ja̧'wa̧ta̧nü̧ ido'ki rü̧ȩnä̧ mikuäwo'kimä̧ ku̧chi̧tü̧ ttä'kamä̧ kuikuätukuä 'kuȩ'ku̧ ttikuiyätukuäku.

San Mateo 7:6 Referans Kwoze

Filipenses 3:2

Korotö ä̧hui̧ri̧tö̧ jȩttö̧'a̧nö̧ suronä jȩpä̧tö̧rö̧'i̧nä̧, ttidepä 'cui'opätörö'inä adiu ttu̧ȩcuä̧nä̧ ka̧cuä̧tu̧cui̧.

San Mateo 15:26

Jesús päinäcuado: —Iso päi'önä ppo̧'ä̧tö̧ ttu̧cuȩ i̧ri̧si̧ ȩmi̧pö̧, ä̧hui̧ri̧tö̧rö̧ iyähuocö.

Hebreos 10:29

Ya̧tȩ, Dios I̧tti̧rö̧ suronä amöcuädö jȩpö̧'i̧nä̧, chutä ucuoja kö'cocö'inä, Espíritu Santo ja̧u̧ru̧ repe'örö, suronä ucuocu'inä, ¿tta̧'a̧nö̧ rö̧ȩnä̧ ro̧ȩcuä̧ ȩmä̧cua̧'a̧jä̧ttö̧? Ja̧u̧tä̧ ucuoja, jareö huȩnȩ iso päi'önä huȩnȩ ja̧'a̧. Ja̧'hua̧ta̧nö̧ ja̧u̧tä̧ ucuoja ja̧u̧ru̧ aditö icuoya.

2 Pedro 2:22

Täbocö päinö huȩnȩ päa'a: “Ähuiri edecui'i'ca̧, edehua pä'äji ta'anö cu. Ja̧'hua̧ta̧nö̧ cuchi aje i'i'ca̧, redähuanä pä'äji ta'anö borepö.” Ja̧'hua̧nö̧ ja̧'a̧ttö̧ adihuä huȩnȩ jaropi'ätömä, pi̧yȩ päinö huȩnȩ päö'a̧nö̧ jȩpä̧tö̧do.

San Mateo 24:10

Ja̧u̧nu̧ pä̧nä̧ recuätö ttesetinö jarotti'äcuotö. Ttahuaruhuärö ra̧huä̧rö̧ kö'cocotö ttäcuotö. Korotörö'inä suronä jȩpä̧tö̧rö̧ ttiyäcuotö.

2 Corintios 11:26

Rö̧ȩnä̧ cue'ächinösä. Ja̧'hua̧ta̧nö̧ aje ra̧huȩpi̧jotonä cue'ächinösä. Na̧u̧cuä̧rä̧tö̧ ttö̧'quȩtȩnä̧'i̧nä̧, judíos ttö̧ja̧ ttö̧'quȩtȩnä̧'i̧nä̧, korotö ttö̧ja̧ ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä. Ja̧'hua̧ta̧nö̧ ötahuiyänä'inä, de'anä'inä, aje rö̧otonä'inä ra̧huȩpi̧jö̧nä̧ cue'ächinösä. Korotö tö̧jä̧hua̧tö̧ pättä̧u̧, yapareu ucuocuätö ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä.

San Mateo 7:5

¡Yapareu ttö̧ja̧ i̧sa̧jä̧! Äcuomenä ucutä cu'ärettö isodä ȩmä̧u̧ icui. Ja̧u̧nu̧ o'ca'a adiu to̧cu̧'ä̧cua̧jä̧ cu̧jä̧hua̧ ö'ärettö i̧so̧'quȩ ji̧'qui̧cha̧jo̧'quȩ ȩmö̧ cuicua pä'ö.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.