San Mateo 7:5 - TÄ̧DO Ä̧CUÄ̧ I̧HUȨNȨ

⁵ ¡Yapareu ttö̧ja̧ i̧sa̧jä̧! Äcuomenä ucutä cu'ärettö isodä ȩmä̧u̧ icui. Ja̧u̧nu̧ o'ca'a adiu to̧cu̧'ä̧cua̧jä̧ cu̧jä̧hua̧ ö'ärettö i̧so̧'quȩ ji̧'qui̧cha̧jo̧'quȩ ȩmö̧ cuicua pä'ö.

Nuevo Testamento Uwotjüja

⁵ ¡Ä'koyättü jȩä̧kuä̧wä̧ isotü̧jä̧! Ä̧kuo̧mȩnä̧mä̧ kua̧mü̧nä̧ kui'ärenä̧ ȩjä̧'ka ikui'ka ȩmä̧u̧ ikui, ȩmä̧u̧ ikuipü'ka̧tä̧ adiu to̧'kuä̧kua̧jä̧ kui̧jä̧wa̧ i'ärenä̧ ȩjo̧'ki ȩmü̧ kuikua pä'ümä̧.

San Mateo 7:5 Referans Kwoze

San Lucas 6:42

Ja̧'hua̧ta̧nö̧ ¿tta̧'a̧nö̧ pä'ö päcuhuättö cu̧jä̧hua̧rö̧: “Chö̧jä̧hua̧, cu'ärenä ȩcö̧ ȩmö̧ chicuacu”, ucutä cu'ärenä ȩcä̧i̧ cu̧huo̧juä̧chi̧'o̧ca̧'a̧mä̧? ¡Yapareu ttö̧ja̧ i̧sa̧jä̧! Äcuomenä ucutä cu'ärettö isodä ȩmä̧u̧ icui. Ja̧u̧nu̧ o'ca'a adiu to̧cu̧'ä̧cua̧jä̧ cu̧jä̧hua̧ ö'ärettö i̧so̧'quȩ ji̧'qui̧cha̧jo̧'quȩ ȩmö̧ cuicua pä'ö.

San Lucas 13:15

Ja̧'hua̧nö̧ ja̧'a̧ Tu̧ru̧hua̧ ädätinödo: —¡Ucutu yapareu ttö̧ja̧jä̧! ¿Ja̧'a̧tä̧ ucututtu cuäji päcäyärö, ja̧'hua̧nö̧ jo̧co̧mȩnä̧mä̧ cuäji caballorö, ttö̧ja̧ 'cuättächi'ö mo̧ro̧mä̧ ejädocotöjä tä̧ji̧, ajiya ahua pä'ö cuȩpä̧tu̧cua̧ pä'ömä?

San Lucas 4:23

Jesús pä'inödo: —Ucutu iso päi'önä pä'ätöjä pi̧yȩ pähuä päö'a̧nö̧: “Jahuapö ru̧hua̧, ucutä jahuapö cuamönä adicui.” Ja̧'hua̧ta̧nö̧ pä̧cu̧huä̧tu̧cuä̧cua̧sä̧: “Tä̧ju̧cui̧nö̧'a̧nö̧ Capernaum ötahuiyättö jȩcu̧'i̧nö̧, cuamönä cuidepiyuttu'inä ja̧'hua̧ta̧nö̧ jȩpi̧.”

San Mateo 22:18

Ja̧'hua̧nö̧ pätta'a Jesús huo̧jui̧nö̧do yapareu ttamöcuäda'a. Pä'inödo: —¡Yapareu ttö̧ja̧jä̧! ¿Dä̧bö̧ ttörö ka̧cuä̧mö̧ jäcuhue'ätucuättö?

San Lucas 12:56

¡Yapareu ttö̧ja̧jä̧! Ucutu huo̧juä̧tö̧jä̧ 'cuäopä̧cuȩmä̧ mo̧ro̧jä̧ttö̧'i̧nä̧, pi̧jä̧ttö̧'i̧nä̧ 'cuäopö topö. Ja̧'hua̧nö̧ ja̧'a̧ttö̧, ¿dä̧bö̧ huo̧juä̧chi̧'o̧co̧tö̧jä̧ ucutu cu̧jä̧tu̧cu̧ pä̧nä̧ 'cuäopömä?

Hechos 19:15

Ja̧'hua̧nö̧ huettomenä, espíritu su̧ro̧pa̧ ädätinödo: —Jesúsru huo̧jua̧sä̧. Pablorö'inä huo̧jua̧sä̧. Ja̧'hua̧nö̧ ja̧'a̧nä̧ ¿titö juo'otöjä̧ttö̧ ucutumä?

San Mateo 7:3

¿Tta̧'a̧nö̧ pä'ö tocu'ättö cu̧jä̧hua̧ ö'ärenä i̧so̧'quȩ ji̧'qui̧cha̧jo̧'quȩ ȩca̧'a̧nä̧, ucu'inä cu'ärenä isodä ȩcä̧cu̧jä̧?

San Mateo 7:4

Ja̧'hua̧ta̧nö̧ ¿tta̧'a̧nö̧ pä'ö päcuhuättö cu̧jä̧hua̧rö̧? “Cu'ärenä ȩcö̧ ȩmö̧ chicuacu”, ucutä cu'ärenä'inä isodä ȩcä̧cu̧jä̧.

San Mateo 7:6

“Ja̧'hua̧ta̧nö̧ adihuä juäi Diosrö iyähuä juäi cuiyätucuä' ä̧hui̧ri̧tö̧rö̧. Jahuätömä koronö ucuturutä yö̧'ö̧ tticu'a̧nö̧ ja̧'a̧. Ja̧'hua̧ta̧nö̧ adihuä juäi cu̧rä̧u̧du̧ cu̧chi̧tö̧rö̧ cuiyätucuä'. Jahuätömä ja̧'a̧tä̧ 'cuȩ'cu̧ tticu'a̧nö̧ ja̧'a̧.