San Mateo 7:24 - TÄ̧DO Ä̧CUÄ̧ I̧HUȨNȨ

²⁴ “Ja̧'hua̧nö̧ ja̧'a̧ttö̧ ya̧tȩ ttö pädömä ä̧ju̧cu̧ jȩo̧mȩnä̧, ka̧ra̧ rö̧ȩnä̧ huo̧jua̧ ojusode inähuä huäme aditinö jä̧'i̧nö̧'a̧nö̧ hua̧.

Nuevo Testamento Uwotjüja

²⁴ Ja̧'wa̧nü̧ ja̧'a̧ttü̧, yotukunä̧ ttü pädü ä̧ju̧ku̧ jȩpü̧mä̧, ya̧tȩ wo̧juȩku̧nä̧ amükuädü i̧nä̧wänä̧ ojusode aditinü̧'a̧nü̧ wa̧,

San Mateo 7:24 Referans Kwoze

San Juan 13:17

Pi̧yȩ pädö ä̧ju̧cu̧ jȩcu̧'ä̧tu̧cu̧ttu̧mä̧, eseunu cu̧ja̧cuä̧cuo̧tö̧jä̧.

San Lucas 11:28

Ja̧'hua̧nö̧ päjiyäcu pä'inödo: —Jahuäjuttu'inä abonänö eseunu ttö̧ja̧cuä̧cuo̧tö̧ Dios i̧huȩnȩ ä̧ju̧cu̧ päö ta'anö jȩpä̧tö̧mä̧.

1 Juan 2:3

Dios hueinö ta'anö jȩtö̧ttö̧mä̧, ujutu huo̧juä̧tö̧jä̧ Diosrö huo̧juä̧tö̧jä̧ pä'ömä.

San Juan 14:15

“Ttörö repecuhuätucuttumä, jȩpä̧tu̧cui̧ ttö huedömä.

San Juan 15:14

Ucuturu o'ca juiyönä huedömä jȩcu̧'ä̧tu̧cu̧ttu̧mä̧, ttö chahuaruhuäjä.

San Juan 15:10

Chä'o hueömä jȩcha̧'a̧ttö̧ ttörö repeö'a̧nö̧, ttö huedömä jȩcu̧'ä̧tu̧cu̧ttu̧mä̧, ucuturu rȩpȩdä̧cua̧sä̧.

San Mateo 12:50

O'ca toi'önä Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

San Mateo 7:25

Aditinö o'ca'a ajiya rö̧ȩnä̧ ichina'ado. Ajehuiyä'inä suhuädi'ina'ado. Kä̧ru̧'coppa'inä rö̧ȩnä̧ kä̧ru̧'co̧hui̧na̧'a̧do. Ja̧'hua̧nö̧ ja̧'a̧nä̧ juhuode, inähuä huäme adicuodemä yoröiso ma̧ä̧cho̧ca̧'a̧ ji̧na̧'a̧do.

San Mateo 7:26

Ja̧'hua̧ta̧nö̧ ya̧tȩ ttö pädömä ä̧ju̧cu̧ jȩpo̧cö̧mä̧, ka̧ra̧ yoröiso jȩru̧pa̧mä̧ ojusode rȩba̧nä̧ aditinö jä̧'i̧nö̧'a̧nö̧ hua̧.

San Mateo 16:18

Ttö pä'ösä ucuru, ucu cui̧mi̧mä̧ Pedro mi̧cua̧jä̧. Cui̧mi̧mä̧ inähuä pä'ö. Ja̧'hua̧ta̧nö̧ juhuähuä inähuänä iglesia isode ttadita'a jä̧'i̧nö̧'a̧nö̧ cha̧di̧tä̧cua̧sä̧ ttörö esetätörö. Ja̧'hua̧ta̧nö̧ 'corupäi'äcuähuä ttö chaditöttö'inä abonänö juruhuoca'a.

San Mateo 24:45

Juhua'a yabonö huo̧juȩti̧nö̧do Jesús: —¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, ojusode ruhuärö ttu̧cuȩ iya pä'ö.

San Mateo 25:2

Jahuätöttö ji̧mö̧tȩ ruhuä u̧ni̧chä̧rö̧ ka̧cui̧nätö̧do. Korotö ji̧mö̧tȩ ruhuä a̧mö̧cuä̧rö̧nö̧ ka̧cui̧nä̧tö̧do.

San Mateo 25:4

Korotö a̧mö̧cuä̧rö̧nö̧ ka̧cui̧nä̧tö̧mä̧ ttöäre lámpara'inä, isoya'inä pä'äji ta'anö ttö'cara pä'ö ȩpi̧nä̧tö̧do.

San Mateo 25:9

Ja̧'hua̧nö̧ pättomenä, korotö ädätinätödo: “Iyocotöjä. Ucuturu tiyöttömä, ucuturu'inä, ujuturu'inä pa̧ja̧cuä̧cho̧ca̧'a̧. Ttiyomettö ȩmä̧jä̧tu̧cui̧ ucututä.”

Romanos 2:13

Moisés hueähuä huȩnȩ ä̧ju̧cu̧tä̧ ä̧ju̧cuä̧tö̧mä̧, Diosttömä adihuä isotöcö̧. Moisés hueähuä huȩnȩ jȩpä̧tö̧tä̧, Diosttömä adihuä isotö.