San Mateo 6:31 - TÄ̧DO Ä̧CUÄ̧ I̧HUȨNȨ

³¹ Ja̧'hua̧nö̧ ja̧'a̧ttö̧ ¿Däje tucuäcua'ajä̧ttö̧? ¿Däje tahuäcua'ajä̧ttö̧? ¿Däje tö̧'ca̧tä̧huä̧cua̧'a̧jä̧ttö̧? pä'ö a̧mö̧cuä̧rö̧ päcuhuätucuä'.

Nuevo Testamento Uwotjüja

³¹ Ja̧'wa̧nü̧ ja̧'a̧ttü̧ kua̧'kua̧ rokuekuätukuä ¿Däjé tukuäkua'ajä̧ttü̧? ¿Däjé ttawäkua'ajä̧ttü̧? ¿Däjé tü̧'ka̧tä̧wä̧kua̧'a̧jä̧ttü̧? pä'ümä̧.

San Mateo 6:31 Referans Kwoze

1 Pedro 5:7

O'ca juiyönä cuamöcuädätucumä, Diosrö ji'ähuätucui. Ja̧u̧tä̧ a̧mö̧cuä̧rö̧ ucuturu.

San Lucas 12:29

Ja̧'hua̧nö̧ ja̧'a̧ttö̧ cua̧'cua̧ tta̧nö̧ cuamöcuädätucuä' cu̧cuȩtu̧cuä̧cuȩ'i̧nä̧, cuahuätucuä̧cuȩ'i̧nä̧.

San Mateo 4:4

Ja̧'hua̧nö̧ päiyäcu Jesús ädätinödo: —Huȩyu̧cuä̧ Huȩnȩ päa'a: “Ji̧yȩä̧cuȩtä̧, i̧ri̧si̧tä̧ cuä̧nö̧ ko̧co̧tö̧do ttö̧ja̧mä̧. O'ca juiyönä Dios päömä jȩpö̧ ttö̧ja̧cuä̧cuo̧tö̧.”

San Mateo 15:33

Ja̧'hua̧nö̧ päomenä, u̧huo̧juȩtä̧u̧ pä'inätödo: —Pottö, ttö̧ja̧ yoröiso tomettö, ¿tottö tȩmä̧cua̧'a̧jä̧ttö̧ cuäcuähuämä ja̧'hua̧nö̧ recuätömä ttucua pä'ö?

San Mateo 6:25

Juhua'a yabonö huo̧juȩti̧nö̧do Jesús: —Ja̧'hua̧ta̧nö̧ ucuturu pä'ösä, “Däje chahuäcua'ajo, däje chucuäcua'ajo” pä'ömä cua̧mö̧cuä̧rä̧tu̧cuä̧'. Ja̧'hua̧ta̧nö̧ cu̧'ca̧tä̧huä̧ti̧yu̧'i̧nä̧ cua̧mö̧cuä̧rä̧tu̧cuä̧'. Iso päi'önä, ¿cu̧ja̧cuä̧tu̧cu̧mä̧ cu̧cuȩttö̧'i̧nä̧ abonänö micuähuoca'a tä̧ji̧? ¿Cuidepämä cu̧'ca̧tä̧huä̧ti̧yu̧ttu̧'i̧nä̧ abonänö micuähuoca'a tä̧ji̧?

San Mateo 6:27

Ja̧'hua̧ta̧nö̧ ucututtu ya̧tȩ rö̧ȩnä̧ a̧mö̧cuä̧rö̧ttö̧mä̧, ¿ucututtu'inä abonänö böo pä'i'ö tä̧ji̧?

San Lucas 10:41

Ja̧'hua̧nö̧ ja̧'a̧nä̧ Jesús ädätinäcuado: —Iso Marta, jȩcu̧'u̧nä̧tä̧ rö̧ȩnä̧ a̧mö̧cuä̧rö̧, cua̧'cua̧ huȩnä̧rä̧ju̧jä̧ koro juäinätä.

San Lucas 12:11

“Ja̧'hua̧nö̧ ja̧'a̧ judíos ttu̧huo̧jui̧'i̧nodehuiyära̧'a̧ ucuturu ttȩpö̧ttö̧'i̧nä̧ ruhuotö ttä'ca jo̧mȩ ttȩpö̧ttö̧'i̧nä̧, cuädätätucuä̧cuȩmä̧ cuamöcuädätucuä'.

San Lucas 12:22

Ja̧u̧nu̧ o'ca'a Jesús pä'inödo u̧huo̧juȩtä̧u̧ru̧: —Ja̧'hua̧ta̧nö̧ ucuturu pä'ösä, “¿Däje chucuäcua'ajo?” pä'ömä cua̧mö̧cuä̧rä̧tu̧cuä̧'. Ja̧'hua̧ta̧nö̧ cu̧'ca̧tä̧huä̧ti̧yu̧'i̧nä̧ cua̧mö̧cuä̧rä̧tu̧cuä̧'.

Filipenses 4:6

Koro koronö cuamöcuädätucuä'. 'Cuäopönä Diosrö jä'epö ucuocuätucui. Ja̧'hua̧ta̧nö̧ eseunu ucuocuätucuirö.