San Mateo 6:30 - TÄ̧DO Ä̧CUÄ̧ I̧HUȨNȨ

³⁰ Ja̧'hua̧nö̧ ja̧'a̧ttö̧, ja̧u̧ ȩ'u̧mä̧ jitä mo̧ro̧ de'a ka̧cu̧, yo̧ȩi̧ mo̧ro̧ ocuränä cuo'ö icuä̧cuȩ. Ja̧'hua̧ta̧nö̧ ja̧'a̧nä̧ Dios adiu tta̧'ä̧rö̧ ja̧u̧ ȩ'u̧mä̧. ¡Ucutumä adiunämä esetocotöjä! Ucuturu ja̧u̧ ȩ'u̧ttu̧'i̧nä̧ abonänö adiunä tta̧'ä̧rö̧ Diosmä.

Nuevo Testamento Uwotjüja

³⁰ Isopäi'ünä̧ jitä mo̧ro̧ pättiyunä̧ kka̧ku̧ adiyämä̧, yodoji mo̧ro̧mä̧ kkuwü i̧kuä̧wä̧kuȩ ja̧'a̧nä̧ Dio-mä̧ a̧di̧tä̧rü̧ kku̧nu̧, ja̧'wa̧nü̧ jo̧kü̧'i̧nä̧. ¿Ukuturumä̧ a̧'u̧ku̧nä̧tä̧ kua̧'kua̧ ku̧wȩnä̧rä̧tü̧kua̧'a̧nä̧ aditü u̧ju̧no̧ko̧u̧ kuäkuotüjä̧?

San Mateo 6:30 Referans Kwoze

San Lucas 12:28

Ja̧'hua̧nö̧ ja̧'a̧ttö̧ ja̧u̧ ȩ'u̧mä̧ jitä mo̧ro̧ de'a ka̧cu̧, yo̧ȩi̧ mo̧ro̧ ocuränä cuo'ö icuä̧cuȩ. Ja̧'hua̧ta̧nö̧ ja̧'a̧nä̧ Dios adiu tta̧'ä̧rö̧ ja̧u̧ ȩ'u̧mä̧. ¡Ucutumä adiunämä esetocotöjä! Ucuturu ja̧u̧ ȩ'u̧ttu̧'i̧nä̧ abonänö adiunä tta̧'ä̧rö̧ Diosmä.

San Mateo 14:31

Yotäcu Jesús u̧mö̧nä̧ 'chu'ädö pä'inödo: —¡Yoröiso adiunämä esetocöjä! ¿Tta̧'a̧nö̧ pä'ö jarode'ö cuamöcuädäjättö?

1 Pedro 1:24

Huȩyu̧cuä̧ Huȩnȩ päa'a: O'ca toi'önä pi̧jä̧ ttö̧ja̧, isade kö̧'a̧nö̧ ka̧cuä̧tö̧. Ttamönä adiu ttöadihuä, isade ȩ'u̧cuade jä̧'i̧nö̧'a̧nö̧ ka̧cuä̧tö̧. Isade joi'omenä, ȩ'u̧mä̧ ttahuähuächö.

San Mateo 16:8

Jesús ttamöcuädö u̧huo̧jua̧'a̧ttö̧ pä'inödo: —¿Dä̧bö̧ päcuhuätucuättö pan juiya'a pä'ö? ¡Adiunämä esetocotöjä ucutumä!

San Mateo 8:26

Jahuätörö ädätinödo: —¿Dä̧bö̧ yecuhuecuätucuättö juiyomä? ¡Adiunämä esetocotöjä!, —pä'inödo. Ja̧'hua̧nö̧ pä'ö ä̧rä̧mi̧'ö̧, kä̧ru̧'coppa'inä, dubora'inä pä̧i̧cu̧nä̧nö̧ ucuocuinödo. Yotäcu kä̧ru̧'coppamä huirochi'ina'ado. Yoröiso ppahuoca'a ji̧na̧'a̧do.

San Juan 20:27

Ja̧u̧nu̧ o'ca'a Tomásrö pä'inödo: —Cudo'che pȩnȩ rä'ädi. Chu̧mö̧ topi. Ucutä cu̧mö̧ cä'epö chi'esubänä rä'ädi. Juhua'a yabonö cu'arodä'. Adiunätä eseti.

San Marcos 4:40

Ja̧'hua̧ ja̧'a̧ttö̧ Jesús pä'inödo u̧huo̧juȩtä̧u̧ru̧: —¿Dä̧bö̧ yecuhuecuätucuättö juiyomä? ¿Adiunämä esetocotöjä tä̧ji̧?

Hebreos 3:12

Chö̧jä̧hua̧tö̧, tta̧'ä̧rä̧cuä̧u̧ ka̧cuä̧tu̧cui̧, ucututä cuami iso'quitucu surojo'quitucunä kä̧nö̧, Dios kö̧rö̧ jarocuhui'ätucu juiya pä'ö, ja̧u̧ru̧ cuesetätucuoca'attö.

San Lucas 9:41

Jesús ädätinödo: —Ucutu ttö̧ja̧ yoröiso esetocotöjä. ¿Tta̧'a̧nö̧ recuo chö̧jä̧cua̧'a̧jä̧ttö̧ ucutucu? ¿Tta̧'a̧nö̧ recuo ppädädäcua'ajä̧ttö̧ ucuturu? Cui̧tti̧rö̧ pocu i'cächi.

San Marcos 9:19

Jesús ädätinödo: —¡Ucutu ttö̧ja̧ yoröiso esetocotöjä! ¿Tta̧'a̧nö̧ recuo chö̧jä̧cua̧'a̧jä̧ttö̧ ucutucu? ¿Tta̧'a̧nö̧ recuo chami 'quidächi'äcua'ajä̧ttö̧ ucuturu? Ja̧u̧ mö̧ä̧ya̧rö̧ i'cächätucui pocu.

San Mateo 17:17

Jesús pä'inödo: —Ucutu ttö̧ja̧ yoröiso esetocotöjä. ¿Tta̧'a̧nö̧ recuo chö̧jä̧cua̧'a̧jä̧ttö̧ ucutucu? ¿Tta̧'a̧nö̧ recuo ppädädäcua'ajä̧ttö̧ ucuturu? Ja̧u̧ mö̧ä̧ya̧rö̧ i'cächätucui pocu.