San Mateo 6:19 - TÄ̧DO Ä̧CUÄ̧ I̧HUȨNȨ

¹⁹ “Pi̧jä̧ jähuätä cua̧'cua̧ cu̧huȩnä̧rä̧tu̧cuä̧' isotö ttucui'ömä, tȩmö̧chä̧chö̧ pparuhuächömä, nä̧u̧cuä̧rä̧tö̧ ttö̧nä̧u̧cuä̧rö̧mä̧.

Nuevo Testamento Uwotjüja

¹⁹ Kuiäretuku rü̧ȩnä̧ mikuäumä̧ pi̧jä̧nä̧mä̧ ku̧ka̧ka̧tä̧tu̧kuä̧, ju̧wi̧tü̧ ttu̧kui̧'ä̧jä̧nä̧mä̧, toe'ächä̧jä̧nä̧mä̧ ja̧'wa̧ta̧nü̧ nä̧u̧kuä̧rä̧tü̧ ttü̧nä̧u̧kuä̧rä̧jä̧nä̧mä̧.

San Mateo 6:19 Referans Kwoze

Hebreos 13:5

Pärätä'inä repecuhuätucuä'. Cu̧ju̧nä̧rä̧tu̧cu̧ amöcuädö, esehuätucui. Dios pa̧'a̧nö̧ pä'inödo: “Yoröiso jarochi'ococujä. Yoröiso chicuipococujä.”

San Lucas 12:21

Ja̧'hua̧nö̧ 'cuäopa'a ya̧tȩ pi̧jä̧ jähuä ca̧ca̧tö̧ ku̧nu̧ru̧mä̧, Diosrö amöcuädoca'a kö̧rö̧mä̧.

San Lucas 18:22

Ja̧'hua̧nö̧ päa'a ä̧ju̧cu̧, Jesús päinäcudo: —Ja̧'hua̧ ja̧'a̧ ji̧yȩtȩtä̧ jȩpo̧cö̧jä̧. Cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä, usurä isotörö iyi. Ja̧'hua̧nö̧ jȩpö̧, mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧, ttöcu cue'ächi.

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.

San Lucas 12:33

Cu̧ju̧nä̧rä̧tu̧cu̧ iyö icuätucui. Ja̧u̧ iyö cuicuäji micuämä, usurä isotörö iyätucui. Ja̧'hua̧ta̧nö̧ cua̧'cua̧ huȩnä̧rä̧tu̧cui̧ mo̧ro̧jä̧ra̧'a̧ttö̧ adihuä juäi ku̧nä̧rä̧cuä̧huä̧ yoröiso beipächocö. Juhua'amä nä̧u̧cuä̧rö̧'i̧nä̧ doächäcuähuoca'a. Isotö'inä ttucui'oca'a juhua'amä.

San Lucas 18:24

Ja̧'hua̧nö̧ a̧'cua̧ tta̧ päi'a'a topö, Jesús pä'inödo: —Iso päi'önä järe ruhuotö Dios ö̧jo̧mȩ 'chä̧cuä̧huä̧nä̧ 'quiya'a.

San Mateo 19:21

Jesús pä'inödo: —Adiunätä cu̧ja̧ päcuttumä, cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä usurä isotörö iyi. Ja̧'hua̧nö̧ jȩpö̧ mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧ ttöcu cue'ächi.

San Mateo 6:20

Tö̧ä̧nä̧hua̧'a̧ jähuätä cua̧'cua̧ huȩnä̧rä̧tu̧cui̧ isotö ttucui'ocötä, tȩmö̧chä̧cho̧cö̧ pparuhuächocötä, nä̧u̧cuä̧rä̧tö̧ ttö̧nä̧u̧cuo̧cö̧tä̧.

San Lucas 12:39

Ja̧'hua̧ ja̧'a̧nä̧ pi̧yȩ huo̧juä̧tu̧cui̧, ya̧tȩ isode ru̧hua̧ nä̧u̧cuä̧rö̧ ichi'äcuome u̧huo̧ju̧ttu̧mä̧, to̧pä̧ra̧ji̧, nä̧u̧cuä̧rö̧ ojusodenä doächö juiya pä'ö.