San Mateo 6:14 - TÄ̧DO Ä̧CUÄ̧ I̧HUȨNȨ

¹⁴ “Iso päi'önä korotö ucuturu suronä jȩtto̧mȩnä̧ cunichi'ätucuttumä, Cuä'o Dios mo̧ro̧jä̧nä̧ kö̧ ucutu suronä jȩcu̧'ä̧tu̧cu̧'i̧nä̧ u̧ni̧chi̧'ä̧cua̧.

Nuevo Testamento Uwotjüja

¹⁴ Isopäi'ünä̧ ukuturu, kkorotü suronä̧ jȩtto̧mȩnä̧ mikuä jȩ'kuä̧tu̧ku̧ juiyüttümä̧, Kuä'otuku Dio mo̧ro̧jä̧nä̧ kkü̧mä̧, ukuturu'i̧nä̧ mikuämä̧ jȩo̧ko̧u̧ kuäkuotüjä̧.

San Mateo 6:14 Referans Kwoze

Efesios 4:32

Pärocua'acu korotörö re rö̧jö̧nä̧ topö ppä'ädätucui. Ja̧'hua̧ta̧nö̧ ucuturu suronä jȩtto̧mȩnä̧, unichi'ö ucuocuätucuitö, Dios ucutu suronä jȩcu̧'i̧nä̧tu̧cu̧ jȩpö̧ icuinö ta'anö, Cristorö cuesetätucuomenä.

San Marcos 11:25

Ja̧'hua̧ta̧nö̧ Diosrö cucuocuätucuomenä, cu̧jä̧hua̧rö̧ suronä cuamöcuädätucuttumä, suronä cuamöcuädätucumä unichi'ätucuirö, Cuä'otucu mo̧ro̧jä̧nä̧ kö̧'i̧nä̧ ucutu suronä jȩcu̧'ä̧tu̧cu̧ unichi'äcua'a̧nö̧.

Colosenses 3:13

Korotörö cuami 'qui'ächi'önö ppä'ädätucui. Korotömä suronä jȩtto̧mȩnä̧ ucuturu, unichi'ätucui cu̧ra̧huä̧rä̧tu̧cuo̧ca̧'a̧. Cristo ucuturu suronä jȩcu̧'ä̧tu̧cu̧ unichi'inö ta'anö, unichi'ätucui korotörö.

San Mateo 7:2

Korotörö päcuhuätucu ta'anö, ucuturu'inä pä̧cua̧. Iso päi'önä korotörö päcuhuätucu ta'anö, pä̧cua̧ ucuturu'inä.

Santiago 2:13

Re juiyönä topätörö, re juiyönä ö̧tä̧bo̧tä̧cua̧ Diosmä. Korotömä re rö̧jö̧nä̧ topö ppä'ädätömä, ye'ecuocotö Dios ö̧tä̧bo̧tä̧cuȩmä̧.

San Mateo 6:12

Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧.

1 Juan 3:10

Ja̧'hua̧nö̧ ja̧'a̧ topö huo̧juä̧tö̧jä̧ Dios i̧tti̧mö̧rö̧'i̧nä̧, ähuettä i̧tti̧mö̧rö̧'i̧nä̧. Adiu jȩpo̧co̧tö̧mä̧, ttö̧jä̧hua̧tö̧rö̧ repe'ocotömä, Dios i̧tti̧mö̧cö̧.

San Mateo 5:7

“Korotörö re rö̧jö̧nä̧ ppä'ädätömä, eseunu ttö̧ja̧cuä̧cuo̧tö̧. Ja̧'hua̧ta̧nö̧ Dios jahuätörötä re rö̧jö̧nä̧ ppä̧dä̧cua̧.

San Lucas 6:37

Juhua'a yabonö huo̧juȩti̧nö̧do Jesús: —Korotörö suronä päcuhuätucuä', Dios ucuturu'inä suronä päö juiyäcua'a̧nö̧. Ra̧huä̧rö̧ suronä cucuocuätucuä' korotörö, Dios'inä ra̧huä̧rö̧ ucuocu juiyäcua'a̧nö̧ ucuturu. Korotö suronä jȩtto̧mȩnä̧ unichi'ätucui, Dios'inä suronä jȩcu̧'ä̧tu̧cu̧ unichi'äcua'a̧nö̧.