San Mateo 5:7 - TÄ̧DO Ä̧CUÄ̧ I̧HUȨNȨ

⁷ “Korotörö re rö̧jö̧nä̧ ppä'ädätömä, eseunu ttö̧ja̧cuä̧cuo̧tö̧. Ja̧'hua̧ta̧nö̧ Dios jahuätörötä re rö̧jö̧nä̧ ppä̧dä̧cua̧.

Nuevo Testamento Uwotjüja

⁷ Eseäkuäwä kka̧'a̧ rȩrü̧jü̧ topätürü, jua'amä̧ Dio juätürü rȩrü̧jü̧ toäkua'attü̧.

San Mateo 5:7 Referans Kwoze

Efesios 4:32

Pärocua'acu korotörö re rö̧jö̧nä̧ topö ppä'ädätucui. Ja̧'hua̧ta̧nö̧ ucuturu suronä jȩtto̧mȩnä̧, unichi'ö ucuocuätucuitö, Dios ucutu suronä jȩcu̧'i̧nä̧tu̧cu̧ jȩpö̧ icuinö ta'anö, Cristorö cuesetätucuomenä.

Santiago 2:13

Re juiyönä topätörö, re juiyönä ö̧tä̧bo̧tä̧cua̧ Diosmä. Korotömä re rö̧jö̧nä̧ topö ppä'ädätömä, ye'ecuocotö Dios ö̧tä̧bo̧tä̧cuȩmä̧.

Santiago 3:17

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.

Colosenses 3:12

Dios ucuturu repe'ö huoinä̧u̧jä̧ i̧tti̧mö̧ cu'ätucua pä'ö. Ja̧'hua̧nö̧ ja̧'a̧ttö̧ korotörö re rö̧jö̧nä̧ topätucui. Adiu ucuotätucui o'ca toi'önärö. “Ka̧ra̧ttö̧'i̧nä̧ abonänö adihuä i̧sa̧sä̧” cuamöcuädätucuä'. Repe'önö jȩpö̧ ka̧cuä̧tu̧cui̧. Cuami 'qui'ächi'ö ka̧cuä̧tu̧cui̧.

San Lucas 6:35

Ja̧'hua̧nö̧ ja̧'a̧nä̧ ucutu cuaboiyotörö repecuhuätucu'a̧nö̧ ja̧'a̧. Jahuätörö adiu jȩpä̧tu̧cui̧. Pärou iyätucui ucuturu pärocua'acu ttö'ärohua pä'ö tta̧cu̧huä̧rä̧tu̧cuo̧ca̧'a̧. Ja̧'hua̧nö̧ micuä rö̧ȩnä̧ cu̧ju̧nä̧rä̧cuo̧tö̧jä̧. Ja̧'hua̧ta̧nö̧ ucutu Dios Ju'toju Ru̧hua̧ i̧tti̧mö̧ cu'äcuotöjä. Ja̧u̧ churutä esehuocotörö'inä, suronä jȩpä̧tö̧rö̧'i̧nä̧ adihuä i̧sa̧ ja̧'a̧.

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

Hebreos 4:16

Ja̧'hua̧nö̧ ja̧'a̧ttö̧ adihuä Dios ö̧jo̧mȩ, eseunu tötö'cöhuächö'a̧nö̧ ja̧'a̧, ja̧u̧ re rö̧jö̧nä̧ toäcua'a̧nö̧ ujuturu. Ja̧'hua̧ta̧nö̧ ujuturu suronä 'cuäopomenä, adiu ppädäcua'a̧nö̧.

1 Pedro 2:10

Pä'äjimä ttumöhuäyotö pocotö pi̧nä̧tö̧jä̧. Jitämä Dios umöhuäyotöjä. Pä'äjimä ihueye tta̧'cua̧ tta̧nö̧ tottoco̧u̧ pi̧nä̧tö̧ja̧. Jitämä Dios re rö̧jö̧nä̧ toä̧u̧jä̧.

San Marcos 11:25

Ja̧'hua̧ta̧nö̧ Diosrö cucuocuätucuomenä, cu̧jä̧hua̧rö̧ suronä cuamöcuädätucuttumä, suronä cuamöcuädätucumä unichi'ätucuirö, Cuä'otucu mo̧ro̧jä̧nä̧ kö̧'i̧nä̧ ucutu suronä jȩcu̧'ä̧tu̧cu̧ unichi'äcua'a̧nö̧.

1 Timoteo 1:13

Äcuomenä Jesucristorö suronä ucuocuinösä rö̧ȩnä̧. Jesucristorö esetätörö'inä rö̧ȩnä̧ suronä jȩpi̧nö̧sä̧. Ja̧'hua̧ta̧nö̧ rö̧ȩnä̧ suronä ucuocu'inä, suronä jȩpö̧'i̧nä̧ ki̧nö̧sä̧. Ttö jȩchö̧mä̧ jerupinösä. Diosrö'inä esetocö pi̧nö̧sä̧. Ja̧'hua̧nö̧ jȩpö̧ chö̧jo̧mȩnä̧, Dios re rö̧jö̧nä̧ topinö ttörö.

1 Corintios 7:25

Ttirecua to'ätörö Tu̧ru̧hua̧ttö̧ hueähuä huȩnȩ jui̧'a̧sä̧. Ja̧'hua̧nö̧ ja̧'a̧nä̧ Diosrö pä̧huä̧ rö̧jo̧mȩnä̧ huȩ'ä̧hua̧ cha'attö, ttötä chamöcuädö ji'äusä.

1 Timoteo 1:16

Ja̧'hua̧nö̧ ja̧'a̧nä̧'i̧nä̧ Dios re rö̧jö̧nä̧ topinö ttörö. Dios ttö suronä jȩchö̧ jȩpö̧ icuinö, o'ca toi'önä ttu̧huo̧jua̧ pä'ö Jesucristo ami 'qui'ächi'ö topö suronä jȩpä̧tö̧rö̧. Dios ttörö ja̧'hua̧nö̧ jȩpi̧nö̧, korotö'inä ttö ta'anö kä̧cuä̧huä̧ i'co ttu̧ju̧nä̧ra̧ pä'ö ttesetomenä.

2 Corintios 4:1

Ja̧'hua̧nö̧ ja̧'a̧ttö̧ jaroti'a pä'ö amöcuädocotöjä. Dios ujuturu re rö̧jö̧nä̧ toa'attö hue'inö ujuturu pi̧yȩ taditähuä päi'önä.

Romanos 11:30

Ucutumä täbocömä Diosrö cuhuarodä'chätucua'anä, Diosmä re rö̧jö̧nä̧ topinö ucuturu, judíos ttö̧ja̧ ttöarodä'cha'attö.