San Mateo 5:5 - TÄ̧DO Ä̧CUÄ̧ I̧HUȨNȨ

⁵ “Korotöttö'inä abonänö adihuä i̧sa̧sä̧ pä'ocotömä, eseunu ttö̧ja̧cuä̧cuo̧tö̧. Jahuätötä tti̧rȩjä̧, Dios iya päina'a ttȩmä̧cuo̧tö̧.

Nuevo Testamento Uwotjüja

⁵ Eseäkuäwä kka̧'a̧ ukuo te'äkuäwokotürü, jua'amä̧ pi̧jä̧ rȩjȩ tti̧rȩjä̧ pätti'äkua'attü̧.

San Mateo 5:5 Referans Kwoze

Santiago 3:13

Ucututtu ya̧tȩ huo̧ju̧nä̧ hua̧ ö̧jö̧ttö̧mä̧, 'cucuächi'önä ä̧ju̧cui̧nö̧ ö̧jö̧ttö̧mä̧, adiu jueönä amöcuädö, huo̧ju̧nä̧ jȩpö̧, ö̧jö̧'a̧nö̧ ja̧'a̧.

Gálatas 5:23

Ja̧'hua̧ta̧nö̧ Espíritu Santo iyömä korotörö ujututtu'inä abonänö adiu amöcuädäcuähuä'inä, tamönä tamöcuädötä jȩto̧ca̧'a̧ tami 'quiächi'äcuähuä'inä. Ja̧u̧ juäi surojö pä'ömä hueähuä huȩnȩ juiya'a.

Santiago 1:21

Ja̧'hua̧nö̧ ja̧'a̧ttö̧ o'ca juiyönä cuamönätucu cuiditäcuähuätucu juäi'inä suronä jȩä̧cuä̧huä̧mä̧ jaropi'ätucui. Adiu ä̧ju̧cuä̧tu̧cui̧ Dios i̧huȩnȩ, cuami iso'quinä ku̧nä̧huä̧ huȩnȩ, suronä jȩttö̧ jȩpö̧ icu huȩnȩ.

Colosenses 3:12

Dios ucuturu repe'ö huoinä̧u̧jä̧ i̧tti̧mö̧ cu'ätucua pä'ö. Ja̧'hua̧nö̧ ja̧'a̧ttö̧ korotörö re rö̧jö̧nä̧ topätucui. Adiu ucuotätucui o'ca toi'önärö. “Ka̧ra̧ttö̧'i̧nä̧ abonänö adihuä i̧sa̧sä̧” cuamöcuädätucuä'. Repe'önö jȩpö̧ ka̧cuä̧tu̧cui̧. Cuami 'qui'ächi'ö ka̧cuä̧tu̧cui̧.

San Mateo 11:29

Ttö huedömä jȩpä̧tu̧cui̧. Ttörö topö huo̧jui̧pä̧tu̧cui̧. Ttömä korotörö eseunu amöcuädösä chami iso'quinä. Ttö adiunä kö̧sä̧ korotöcu. Ucutu cua̧'cua̧ru̧hua̧nä̧ eseäcuähuä cu̧'o̧cui̧'ä̧cuo̧tö̧jä̧ ttörö esetö.

Efesios 4:2

Usurä isotö ttö̧ja̧cu̧'a̧nö̧ ka̧cuä̧tu̧cui̧. Adiu jȩpö̧, ppä'ädö ka̧cuä̧tu̧cui̧. Cuami 'qui'ächi'ö ka̧cuä̧tu̧cui̧. Korotörö adiu amöcuädö repe'ätucui.

1 Pedro 3:15

Cristorötä, cuami iso'quitucunä Cu̧ru̧hua̧tu̧cu̧ päi'önä kö̧rö̧tä̧, ucuotätucui. Korotö ucutu tta̧cu̧huä̧rä̧tu̧cu̧ jättepöttömä, cuädätätucuä̧cuȩ ku̧nä̧rä̧tu̧cui̧. Cuädätätucuomenä, adiunä ucuotönö ädätö ucuocuätucui.

Tito 3:2

Korotörö suronä ttucuocu juiya. Ja̧'hua̧ta̧nö̧ ttami diyaunä ttö̧ja̧cua̧. Korotörö'inä eseunu ppättäda pä'ö ji'ähui.

1 Pedro 3:4

Pärocua'acu cuami iso'quittö räopö juäi, yoröiso beipächocö juäi, amöcuädö ka̧cuä̧tu̧cui̧. Ja̧'hua̧ta̧nö̧ korotörö'inä eseunu cua̧'cua̧ adiunä amöcuädö ka̧cuä̧tu̧cui̧. Ja̧u̧tä̧ rö̧ȩnä̧ micuähua'a Dios ä'ca jo̧mȩttö̧.

1 Timoteo 6:11

Ja̧'hua̧nö̧ ja̧'a̧nä̧ ucu Dios huȩ'ä̧hua̧jä̧. Ja̧u̧ juäi surojöttö tö'ipächi. Adihuä juäitä jȩpö̧ kä̧hui̧. Diosrötä eseunu ucuocui. Adiu eseti. Cuahuaruhuärö repe'i. Cuami 'qui'ächi'ö kä̧hui̧. Korotörö adiu amöcuädö kä̧hui̧.

2 Timoteo 2:25

Jarode'ätörö ami iso'quinä adiu amöcuädö ucuocu. Diosrö pä̧huä̧ rö̧jo̧mȩnä̧, pärocuäcutä amöcuädö, iso päi'önä huȩnȩ tteseta pä'ö tta̧'ä̧rö̧.

Romanos 4:13

Pi̧jä̧ o'ca juiyönä Dios iya pä'inö Abrahamrö, i̧tti̧mö̧rö̧'i̧nä̧, chutä isotörö. Ja̧'hua̧nö̧ ja̧'a̧nä̧ Abrahammä Moisés hueähuä huȩnȩ hueö ta'anö jȩa̧'a̧ttö̧, iya pä'ocö pi̧nö̧ Dios. Abraham churutä Diosrötä eseta'attö, Dios jȩi̧nä̧cu̧ chutäcu ji̧nä̧ ji̧yȩtȩ ja̧ pä'ö.

San Mateo 21:5

Sión ötahuiyänä ji'ähuätucui. Topätucui, Cu̧ru̧hua̧ icha'a, usurä i̧sa̧ ta'anö burrarö huä̧mä̧dö̧. Ja̧u̧mä̧ rö̧ȩnä̧ amäcö ȩpö̧'a̧nö̧ hua̧rö̧, ji̧'qui̧cha̧hua̧rö̧ huä̧mä̧dö̧ ichö.