San Mateo 5:45 - TÄ̧DO Ä̧CUÄ̧ I̧HUȨNȨ

⁴⁵ Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧rö̧ i̧tti̧mö̧ päcuhui'äcuotöjä. Chutä mo̧ro̧ kä̧hua̧ räopa pä'ö hue'ö adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧. Ja̧'hua̧ta̧nö̧ adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧ ajiya icha pä'ö hue'ödo.

Nuevo Testamento Uwotjüja

⁴⁵ Ja̧'wa̧nü̧ jȩ'kuä̧tu̧kuo̧mȩnä̧tä̧ Kuä'otuku mo̧ro̧jä̧nä̧ kkü̧ i̧tti̧mü̧ kuäkuotüjä̧; jua̧u̧mä̧ adiwä isotürü'i̧nä̧, suropätü isotürü'i̧nä̧, aditinä̧ku̧ kkä̧wa̧rü̧mä̧ räopünä̧ jȩä̧u̧ ja̧'wa̧ta̧nü̧ adiu jȩpä̧tü̧rü̧'i̧nä̧, surojü jȩpä̧tü̧rü̧'i̧nä̧ ajiya icha pä'ü wȩä̧u̧.

San Mateo 5:45 Referans Kwoze

San Lucas 6:35

Ja̧'hua̧nö̧ ja̧'a̧nä̧ ucutu cuaboiyotörö repecuhuätucu'a̧nö̧ ja̧'a̧. Jahuätörö adiu jȩpä̧tu̧cui̧. Pärou iyätucui ucuturu pärocua'acu ttö'ärohua pä'ö tta̧cu̧huä̧rä̧tu̧cuo̧ca̧'a̧. Ja̧'hua̧nö̧ micuä rö̧ȩnä̧ cu̧ju̧nä̧rä̧cuo̧tö̧jä̧. Ja̧'hua̧ta̧nö̧ ucutu Dios Ju'toju Ru̧hua̧ i̧tti̧mö̧ cu'äcuotöjä. Ja̧u̧ churutä esehuocotörö'inä, suronä jȩpä̧tö̧rö̧'i̧nä̧ adihuä i̧sa̧ ja̧'a̧.

Hechos 14:17

Ja̧'hua̧nö̧ ja̧'a̧nä̧'i̧nä̧ chutä adihuä i̧sa̧ päi'önä kö̧ tu̧huo̧jua̧ pä'ö, 'cuäopönä ttö̧ja̧rö̧ adiu jȩpö̧ kö̧. Mo̧ro̧jä̧ttö̧ hue'ö ajiya icha pä'ö. Pi̧jä̧ttö̧'i̧nä̧ hue'ö cuähuä adiu huȩja̧ pä'ö. Ja̧'hua̧nö̧ tu̧cuȩ iya'attö eseunu ka̧cuä̧tö̧jä̧, —pä'inätödo Jesús hue'ähuotö.

Efesios 5:1

Ucutumä Dios i̧tti̧mö̧jä̧. Ja̧'hua̧nö̧ ja̧'a̧ttö̧ chutä ta'anö cu̧ja̧cuä̧tu̧cua̧ pä'ö amöcuädätucui.

San Mateo 5:9

“Korotöcu eseunu ttö̧ja̧cua̧ pä'ö jȩpä̧tö̧mä̧, eseunu ttö̧ja̧cuä̧cuo̧tö̧. Dios pä̧cua̧ jahuätörötä “Chi̧tti̧mö̧jä̧.”

San Juan 13:35

Korotö korotönörö repecuhuätucuttumä, o'ca toi'önä pi̧jä̧ ttö̧ja̧ ttu̧huo̧juä̧cuo̧tö̧ ucutumä ttö chu̧huo̧juȩtä̧u̧jä̧ pä'ö.

1 Juan 3:9

Dios i̧tti̧mö̧mä̧ suronä jȩpö̧ ko̧co̧tö̧, Dios tta̧'cua̧rö̧ ttoädäcuähuä iya'attö. Yoröiso suronä jȩpö̧ ko̧co̧tö̧, Dios i̧tti̧mö̧ ja̧'a̧ttö̧.

Filipenses 2:15

Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö.