San Mateo 5:39 - TÄ̧DO Ä̧CUÄ̧ I̧HUȨNȨ

³⁹ Jitämä ttö pä'ösä ucuturu, ya̧tȩ suronä cuäöttömä ucuru, ucutä pä̧ro̧cua̧mä̧ cuäcuhuärö. Ya̧tȩ cu'änä 'tauttumä, kara'anä'inä 'tahua iyirö.

Nuevo Testamento Uwotjüja

³⁹ Ja̧'wa̧nü̧ ja̧'a̧nä̧ ukuturu pä'üsä: Ukuru suronä̧ jȩü̧ttü̧mä̧, mikuämä̧ jȩ'kuä̧rü̧; ja̧'wa̧nü̧ ja̧jü̧ jueimä̧ kui'ebaba ku̧wo̧jua̧'a̧ku̧nä̧ 'tauttümä̧, pätekua'anä̧ iyäwirü.

San Mateo 5:39 Referans Kwoze

1 Tesalonicenses 5:15

Ya̧tȩ ka̧ra̧rö̧ suronä jȩo̧mȩnä̧, pärocua'attö suronä jȩö̧ juiyarö pä'ö ji'ähuätucui. Ucutumä 'cuäopönä ka̧ra̧ ka̧ra̧rö̧'i̧nä̧ o'ca toi'önärö adiu jȩpö̧ ka̧cuä̧tu̧cui̧.

1 Pedro 3:9

Ucuturu suronä jȩtto̧mȩnä̧, ppa̧'ä̧dö̧ jȩcu̧'ä̧tu̧cuä̧'. Ja̧'hua̧ta̧nö̧ ucuturu ra̧huä̧rä̧'chö̧ huottomenä, ppa̧'ä̧dö̧ huocu'ätucuä'. Pärocua'acu ttö̧ra̧huä̧ro̧mȩnä̧, adiunätä jȩpä̧tu̧cui̧tö̧. Dios ucuturu ppäda pä'ö huoinä̧u̧jä̧.

1 Corintios 6:7

Juhuorö'inä ucutumä cu̧jä̧hua̧tö̧cu̧ curohuähuätucuomenä, ja̧u̧mä̧ yoröiso suroja'a. Ja̧'hua̧nö̧ jȩpö̧ kä̧nö̧, ¿dä̧bö̧ cuami 'qui'ächi'ö cu̧ja̧cuä̧tu̧cuo̧ca̧'a̧jä̧ttö̧ 'corujuäinätä? Ttö̧nä̧u̧cua̧'a̧nä̧, ¿dä̧bö̧ ja̧'a̧tä̧ to̧cu̧huä̧rä̧tu̧cuo̧ca̧'a̧jä̧ttö̧?

Santiago 5:6

Adiu jȩpi̧nä̧tö̧rö̧ ucutu suronä jȩpö̧ cuä'ö icuinätöjä, ucuturu suronä jȩpo̧co̧tö̧ pi̧nä̧tö̧rö̧'i̧nä̧.

Hebreos 12:4

Ucutumä surojöcu curohuähuätucuomenä, ji̧nä̧ 'corupä'i'ocotöjä.

San Lucas 22:64

Ö'äre mö̧'ȩpö̧, ö'änä cuäcuäpö pä'inätödo: —¡Ucuru cuä'örö ji'ähuitö!

San Mateo 5:40

Ja̧'hua̧ta̧nö̧ ya̧tȩ ucuru ru̧hua̧ ö̧ja̧'a̧cu̧ ȩpö̧, cuamöca i̧sä̧ta̧ jacuä i̧sä̧ta̧ jäepöttömä, jacuä i̧sä̧ta̧'i̧nä̧, huäme i̧sä̧ta̧'i̧nä̧ iyirö.

San Lucas 6:7

Ja̧'hua̧nö̧ ja̧'a̧ hueähuä huȩnȩ huo̧juȩtä̧tö̧'i̧nä̧, fariseos huotö'inä yähuäinä to̧pä̧ri̧nä̧tö̧do ja̧u̧ru̧ aditö icuaja pä'ö, ttö̧ja̧ 'cuättächi'ö mo̧ro̧ ja̧'a̧ttö̧. Jahuätömä suronä ttucuocua pä'inätödo Jesúsru.

San Juan 18:23

Jesús ja̧u̧ru̧ päinäcudo: —Suronä pädäjittömä, ji'ähuittö. Ja̧'hua̧ta̧nö̧ suronä pädäji juiyöttömä, ¿dä̧bö̧ cuäcuäjättö ttörö?