San Mateo 5:19 - TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ ja̧'a̧ttö̧ ya̧tȩ ja̧u̧ hueähuä huȩnȩ ji̧'qui̧cha̧nö̧'i̧nä̧ päö'a̧nö̧ jȩpo̧cö̧mä̧, korotö'inä ja̧'hua̧ta̧nö̧ jȩttö̧ juiya pä'ö huo̧juȩtö̧mä̧, Diosrö esetätöttömä o'ca toi'önä ja̧u̧ttu̧'i̧nä̧ abonänö adihuä isotö ttäcuotö. Ja̧'hua̧ta̧nö̧ ja̧u̧ huȩnȩ o'ca juiyönä jȩpö̧mä̧, korotö'inä ja̧'hua̧ta̧nö̧ jȩtta̧ pä'ö huo̧juȩtö̧mä̧, ji̧nä̧ isocu adiunä ö̧jä̧cua̧ Diosrö esetätöcu.

Nuevo Testamento Uwotjüja

¹⁹ Ja̧'wa̧nü̧ ja̧'a̧ttü̧, ji̧yȩtȩ weäwä wȩnȩttü̧ ppo̧ü̧ ja̧ pä'ü'i̧nä̧ ukuotokümä̧, jua̧u̧ pä'aku ttukuotünä̧ wo̧juȩto̧kü̧mä̧, mo̧ro̧jä̧ jäwä weomȩttü̧mä̧ a̧'u̧kua̧ jü̧nä̧ pä̧wi̧'ä̧kua̧. Ja̧'wa̧nü̧ ja̧'a̧nä̧ jua̧u̧ wȩnȩ jȩpü̧ kkä̧nü̧ wo̧juȩtü̧ru̧mä̧, mo̧ro̧jä̧ jäwä weomȩttü̧mä̧ ttu̧wä̧mȩnä̧ wa̧ pä̧ttä̧kua̧.

San Mateo 5:19 Referans Kwoze

San Mateo 28:20

Ucuturu o'ca juiyönä chu̧huo̧juȩti̧nö̧, jȩtta̧ pä'ö huo̧juȩtä̧jä̧tu̧cui̧. Ja̧'hua̧ta̧nö̧ cu̧huo̧juä̧tu̧cua̧ pä'ö pä'ösä, ucutucu mo̧ro̧ji̧nö̧ a̧'u̧cuä̧ chö̧jä̧cua̧sä̧ pi̧jä̧ beipächome jubö päi'önä, —pä'inödo Jesús. Amén.

San Mateo 11:11

Iso päi'önä pä'ösä ucuturu, Juan el Bautistattö'inä abonänö adihuä i̧sa̧mä̧ yoröiso ko̧cö̧ pi̧nö̧do pi̧jä̧nä̧mä̧. Ja̧'hua̧nö̧ ja̧'a̧nä̧ ya̧tȩ pi̧jä̧ttö̧ usurä i̧sa̧mä̧, Dios Ttu̧ru̧hua̧ päi'önä ö̧jo̧mȩttö̧ kö̧mä̧, Juan el Bautistattö'inä abonänö adihuä i̧sa̧do.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

Apocalipsis 2:20

Ja̧'hua̧nö̧ ja̧'a̧nä̧ koro huȩnȩtä̧ pä'ösä ucuru. Ucumä cuami 'qui'ächi'ö topöjä jahuäju isaju Jezabelrö, “Dios i̧huȩnȩ ucuocuäjusä” pä'äjuru. Ja̧'hua̧nö̧ päjomenä, ji̧nä̧ isocu yapareutä huo̧juȩtä̧ju̧ chumöhuäyotörö, u̧mä̧tö̧ nä̧tö̧rö̧ suronä jȩpö̧ ttö̧ja̧cua̧ pä'ö. Ja̧'hua̧ta̧nö̧ koro juäi cuäcuähuä, ttu̧mö̧nä̧ adicuä juäi iyähuä ttucua pä'ö huo̧juȩtä̧ju̧.

Romanos 6:15

Ja̧'hua̧ ja̧'a̧ ¿tta̧'a̧nö̧ jȩta̧'a̧huä̧jä̧ttö̧? ¿Suronä jȩpä̧tö̧jä̧ tä̧ji̧, hueähuä huȩnȩ jȩto̧ca̧'a̧nä̧, Dios ppädäcuähuänä tö̧ja̧'a̧nä̧? Ja̧'hua̧nö̧mä̧cö̧.

1 Timoteo 6:11

Ja̧'hua̧nö̧ ja̧'a̧nä̧ ucu Dios huȩ'ä̧hua̧jä̧. Ja̧u̧ juäi surojöttö tö'ipächi. Adihuä juäitä jȩpö̧ kä̧hui̧. Diosrötä eseunu ucuocui. Adiu eseti. Cuahuaruhuärö repe'i. Cuami 'qui'ächi'ö kä̧hui̧. Korotörö adiu amöcuädö kä̧hui̧.

Romanos 6:1

Ja̧'hua̧ ja̧'a̧ ¿tta̧'a̧nö̧ pätäcua'ajä̧ttö̧? ¿Suronä jȩpö̧ tö̧ja̧cuä̧cuo̧tö̧jä̧ tä̧ji̧, Dios ppädäcuähuä rö̧ä̧cha̧ pä'ö?

1 Pedro 5:4

Ja̧'hua̧nö̧ jȩpö̧ kä̧nö̧, adihuä Tta̧huä̧rä̧cuä̧huä̧ I̧sa̧ ichomenä, adiu jȩcu̧'ä̧tu̧cua̧'a̧ttö̧ adihuä juäi ojiyä hua'ö icu jö̧'a̧nö̧mä̧ jo'ö icuocödo cuȩmä̧tu̧cuä̧cuȩmä̧.

San Lucas 11:42

“Fariseos huotö, suronä 'cuäopäcua'a ucuturu. Ucutu Moisés hueinö ta'anö ye'ecunänö iyätöjä ofrenda päi'önä cuäcuähuä'inä. Ja̧'hua̧nö̧ ja̧'a̧nä̧ adiunämä amöcuädocotöjä. Adiunämä esehuocotöjä Diosrö. Koro jȩcu̧'ä̧tu̧cuo̧mȩnä̧, pi̧yȩtä̧ ji̧nä̧ isocu jȩcu̧'ä̧tu̧cu̧'a̧nö̧ ja̧'a̧, Diosrö iyähuä'inä cunichi'ätucuoca'a.

San Mateo 19:28

Jesús ädätinödo: —Iso päi'önä pä'ösä ucuturu, yodoji pä̧nä̧ o'ca juiyönä jareönä ttaditö mo̧ro̧, Ubo I̧tti̧ adihuä i̧dȩä̧cä̧nä̧ o'ca toi'önä Ttu̧ru̧hua̧ päi'önä ö̧ja̧ pä'ö ö̧'ä̧mä̧dä̧cua̧. Ja̧u̧nu̧ mo̧ro̧ ucutu ttöcu cue'ächinätömä cu̧'ä̧mä̧dä̧cuo̧tö̧jä̧ ttö̧jä̧pö̧ttö̧nö̧ tocäre adihuä cui̧dȩä̧cä̧tu̧cu̧nä̧ Israel ttö̧ja̧rö̧ huecuhuätucua pä'ö.

Romanos 3:8

Ja̧'hua̧nö̧ jö̧ttö̧mä̧, pä'ajatöjä: “Surojö jȩpä̧tö̧jä̧, adihuä juäi ichäcua'a̧nö̧.” Ja̧'hua̧ta̧nö̧ korotö suronä ucuocu pä'ätö ujuturu: “Ja̧u̧ juäi huo̧juȩtä̧tö̧” pä'ö. Ja̧'hua̧nö̧ ja̧'a̧ttö̧ Dios ro̧ȩpä̧cua̧ jahuätörö, ja̧u̧ juäi huȩnȩtö̧ ucuocuätörö.

Hechos 1:1

Äcuomenä cuyäru'tä huȩyu̧ti̧nö̧sä̧ ucuru Teófilo, o'ca juiyönä Jesucristo äcuomenä kä̧mä̧dö̧ jȩi̧nö̧'i̧nä̧, u̧huo̧juȩti̧nö̧'i̧nä̧, mo̧ro̧jä̧ra̧'a̧ cäecuächinome jubö päi'önä. Mo̧ro̧jä̧ra̧'a̧ cäecuächäcua'a ä'canä u̧mä̧tö̧rö̧ ȩmi̧nö̧do hue'ähuotö pai'önä. Jahuätörö Espíritu Santo ujurunä ji'äu huo̧juȩti̧nö̧do jȩtta̧ pä'ö.

San Lucas 9:48

Ja̧'hua̧nö̧ ja̧'a̧ päinä̧u̧do: —Ya̧tȩ pide ji̧'qui̧cha̧hua̧ ta'anö huotörö ttö chi̧mi̧nä̧ adiu eseunu ppä'ädö, ttörö'inä ppä'ädö. Ja̧'hua̧ta̧nö̧ ttörö ppä'ädömä, ttörö hue'inörö'inä ppä'ädö. Ucutu cu̧'quȩtȩtu̧cu̧ttu̧ yoröiso usurä i̧sa̧mä̧, ja̧u̧tä̧ yabonänö ucuo i̧sa̧ jä̧cua̧.

San Lucas 1:15

Ucu cui̧tti̧ Dios ä'ca jo̧mȩttö̧mä̧ ucuo i̧sa̧ jä̧cua̧. Ahuocö jä̧cua̧ vino isoya'inä, ni̧yö̧ ajiya'inä. Uhuäpächäcua'a ä'canätä Espíritu Santottö suhuädi'önä jä̧cua̧.

San Mateo 20:26

Ja̧'hua̧nö̧ jo̧ca̧'a̧ jä̧cua̧ ucututtu. Ucututtu ya̧tȩ adihuä i̧sa̧ ö̧ja̧ päöttömä, korotörö ppä̧dä̧cua̧.

1 Juan 3:4

O'ca toi'önä suronä jȩpä̧tö̧mä̧ Dios hueähuä huȩnȩ jarode'ätö. Suronä jȩä̧cuä̧huä̧mä̧, Dios hueähuä huȩnȩ jarode'äcuähuä ja̧'a̧.