San Mateo 5:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧ta̧nö̧ lámparamä tti̧rȩdȩtö̧ o'ca'a, i̧sä̧ca̧ jacuä ku̧nä̧huo̧cö̧. Ju'tojutä ku̧nä̧huä̧ o'ca toi'önä isodenä ka̧cuä̧tö̧mä̧ adiu totta pä'ö.

Nuevo Testamento Uwotjüja

¹⁵ Ra̧pa̧ra̧ rȩdȩti̧'ü̧'kotümä̧ i̧so̧ka̧ dȩa̧'a̧mä̧ kku̧nä̧wo̧kü̧; pärokua'aku ju'tojutä kku̧nä̧wä̧ isodenä̧ kka̧kuä̧tü̧ ttü̧ja̧ o'katoi'ünä̧rü̧ kkä̧dȩpa̧ pä'ü.

San Mateo 5:15 Referans Kwoze

San Marcos 4:21

Ja̧'hua̧ta̧nö̧ jahuätörö pä'inödo: —Ya̧tȩ lámpara i̧rȩdȩtö̧ o'ca'a, ¿i̧sä̧ca̧ jacuä ȩnö̧ tä̧ji̧? Ja̧'hua̧ta̧nö̧ i̧rȩdȩtö̧ o'ca'a, ¿mesa isodä dȩa̧'a̧ ku̧nu̧ täji̧? Isocö̧. Ju'tojunänö ku̧nä̧huä̧ tȩa̧huä̧cua̧'a̧nö̧.

San Lucas 11:33

“Yoröiso ya̧tȩ'i̧nä̧ rȩdȩcuo̧cö̧ lámparamä dajö ttu̧ju̧na̧ pä'ömä. Ja̧'hua̧ta̧nö̧ rȩdȩcuo̧cö̧ i̧sä̧ca̧ dȩa̧'a̧ mö̧'ȩpö̧ ttu̧ju̧na̧ pä'ömä. Ja̧'hua̧nö̧ jȩttä̧'i̧nö̧ juäimä ju'tojunänö ku̧nä̧huä̧ dodepätörö tȩa̧huä̧cua̧'a̧nö̧.

San Lucas 8:16

“Yoröiso ya̧tȩ'i̧nä̧ rȩdȩcuo̧cö̧ lámparamä koro juäinä mö̧ttȩpa̧ pä'ömä. Ja̧'hua̧ta̧nö̧ rȩdȩcuo̧cö̧ mesa isodä dȩa̧'a̧ ttu̧ju̧na̧ pä'ömä. Ja̧'hua̧nö̧ jȩttä̧'i̧nö̧ juäimä ju'tojunänö ku̧nä̧huä̧ dodepätörö tȩa̧huä̧cua̧'a̧nö̧.

San Lucas 11:36

Ucutu cuidepänä o'ca juiyönä yo̧ö̧ juiyönä, tȩa̧u̧ cu̧ju̧nä̧rä̧tu̧cu̧ttu̧mä̧, adiu uhuähua'a tocu'äcuotöjä, lámpara i̧tȩa̧nä̧ ucuturu tȩa̧hua̧'a̧ jä̧'i̧nö̧'a̧nö̧.

Filipenses 2:15

Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö.

Hebreos 9:2

Pi̧jä̧ttö̧ Diosrö ucuocuäcuähuode pa̧'a̧nö̧ ji̧nodedo. Äcuomenä i̧so̧ca̧nä̧, Adihuo̧ca̧ pätto̧ca̧nä̧ lámpara ku̧nä̧huä̧cä̧'i̧nä̧, adihuä juäi pan'inä, mesa isodänä rötähua'a ki̧na̧'a̧do.

Apocalipsis 2:5

Ja̧'hua̧nö̧ ja̧'a̧ttö̧ ja̧u̧nu̧ repecuhuinömä amöcuädö, pärocuäcutä amöcuädi. Pä'äji äcuomenä esetö jȩcu̧'i̧nö̧ ta'anö, pä'äji ta'anö jȩpi̧. Ja̧'hua̧nö̧ jȩcu̧'u̧ juiyöttömä, yodojinänö ucuru ichö, lámparas ku̧nä̧huäcä 'cho̧di̧pä̧cua̧sä̧. Pärocuäcutä cuamöcuädöttömä, 'cho'ipö ichocösä.