San Mateo 5:14 - TÄ̧DO Ä̧CUÄ̧ I̧HUȨNȨ

¹⁴ “Ja̧'hua̧ta̧nö̧ ucutumä pi̧jä̧ jähuä tȩa̧u̧ jä̧'i̧nö̧'a̧nö̧ huotöjä. Iso päi'önä ötahuiyä möä'ca huäme ttaditöttömä, yoröiso dajahuächocö ja̧u̧ ötahuiyä.

Nuevo Testamento Uwotjüja

¹⁴ Ukutumä̧ pi̧jä̧nä̧ttü̧ tȩya̧u̧ wotüjä̧. Mü̧ä̧'ka wä̧mȩ wȩjü̧ ütawiyämä̧ dajäwomȩ juiyü.

San Mateo 5:14 Referans Kwoze

Filipenses 2:15

Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö.

San Juan 8:12

Jesús pä'äji ta'anö ttö̧ja̧rö̧ ucuocu huo̧juȩti̧nö̧do: —Ttötäsä pi̧jä̧ tȩa̧u̧mä̧. Ttöcu cue'ächömä kä̧cuä̧huä̧ i'co tȩa̧u̧ u̧ju̧nä̧rä̧cua̧. Ja̧u̧mä̧ yo̧ö̧nä̧ cue'ächocö jä̧cua̧.

1 Tesalonicenses 5:5

Ucutumä o'ca toi'önä tȩa̧u̧ i̧tti̧mö̧jä̧, mo̧ro̧ i̧tti̧mö̧jä̧. Ujutumä yodo i̧tti̧mö̧mä̧cö̧jä̧, yo̧ö̧ i̧tti̧mö̧mä̧cö̧jä̧.

San Juan 12:36

Ja̧u̧ tȩa̧u̧, ji̧nä̧ ucutucu ö̧ja̧'a̧ esetätucui, tȩa̧u̧ ttö̧ja̧ päcuhui'ätucua pä'ö. Ja̧'hua̧nö̧ ji'ähuäji'ca̧, Jesús jahuätö ttö̧jo̧mȩttö̧ rä'opächö, jahuätöttö dajahuächinödo.

2 Corintios 6:14

Korotö Diosrö esetocotöcu cuahuaruhuä päi'önä, aditö cu̧jä̧tu̧cuä̧'. Ja̧'hua̧nö̧ jahuätöcu yoröiso yoräteunä jȩä̧cuä̧huo̧cö̧. Iso päi'önä, adiu jȩä̧cuä̧huä̧cu̧, suronä jȩä̧cuä̧huä̧cu̧ ¿yorätehua'a tä̧ji̧? Ja̧'hua̧ta̧nö̧ adiu tȩa̧u̧mä̧, ¿yo̧ö̧cu̧ huihuacu tä̧ji̧?

San Juan 5:35

Juan koro lámpara adiu cuo'ö tȩa̧hua̧'a̧ jä̧'i̧nö̧'a̧nö̧ ki̧nö̧do. Ucutumä ja̧u̧ tȩa̧u̧nä̧ beometä eseunu cu̧ja̧cuä̧tu̧cua̧ pä'inätöjä.

Apocalipsis 1:20

Chu̧mö̧ chu̧huo̧jua̧'a̧nä̧ ko̧ro̧mö̧ttö̧nö̧ ta̧ju̧ si̧ri̧'cö̧rö̧ 'chu̧dä̧ra̧'a̧ tocu'äji huȩnȩ'i̧nä̧ ko̧ro̧mö̧ttö̧nö̧ tocäre lámparas ku̧nä̧huäcä, orottö adicua'a tocu'äji huȩnȩ'i̧nä̧ pi̧yȩtä̧. Pitö ko̧ro̧mö̧ttö̧nö̧ ta̧ju̧ si̧ri̧'cö̧mä̧, ko̧ro̧mö̧ttö̧nö̧ todäre iglesias ruhuärö tta̧huä̧rä̧cuä̧huä̧ isotö jä̧'i̧nö̧'a̧nö̧ ja̧'a̧. Ja̧'hua̧ta̧nö̧ ko̧ro̧mö̧ttö̧nö̧ tocäre lámparas ku̧nä̧huäcä ko̧ro̧mö̧ttö̧nö̧ todäre iglesias ruhuä jä̧'i̧nö̧'a̧nö̧ ja̧'a̧, —pä'inö.

San Juan 9:5

Pi̧jä̧nä̧ chö̧jo̧mȩnä̧, pi̧jä̧ tȩa̧u̧ päi'önä kö̧sä̧.

Apocalipsis 2:5

Ja̧'hua̧nö̧ ja̧'a̧ttö̧ ja̧u̧nu̧ repecuhuinömä amöcuädö, pärocuäcutä amöcuädi. Pä'äji äcuomenä esetö jȩcu̧'i̧nö̧ ta'anö, pä'äji ta'anö jȩpi̧. Ja̧'hua̧nö̧ jȩcu̧'u̧ juiyöttömä, yodojinänö ucuru ichö, lámparas ku̧nä̧huäcä 'cho̧di̧pä̧cua̧sä̧. Pärocuäcutä cuamöcuädöttömä, 'cho'ipö ichocösä.