San Mateo 5:10 - TÄ̧DO Ä̧CUÄ̧ I̧HUȨNȨ

¹⁰ “Korotörö, Diosrö tteseta'attö, korotö ya̧'ä̧huȩ'ö̧ jȩttä̧'cho̧mȩnä̧, adiunätä ka̧cuä̧tö̧mä̧, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

Nuevo Testamento Uwotjüja

¹⁰ Eseäkuäwä kka̧'a̧ adiu jȩtti̧yä̧u̧ suronä̧ jȩtta̧ pä'ü ttu̧sä̧rä̧u̧ru̧, jua'amä̧ mo̧ro̧jä̧ttü̧ weümä̧ juätütä ttȩmä̧kuȩ ja̧'a̧ttü̧.

San Mateo 5:10 Referans Kwoze

Santiago 1:12

Surojö 'cuäopomenä, ami 'qui'ächi'ö kö̧mä̧ adiu ö̧jä̧cua̧. Surojö 'cuäopäji o'ca'a, adiu kö̧mä̧ kä̧cuä̧huä̧ i'co ȩmä̧cua̧. Ja̧u̧ kä̧cuä̧huä̧ i'co Dios iya päinömä, Diosrö repe'ätörötä iyä̧cuȩ.

2 Corintios 4:17

Pi̧jä̧nä̧ kä̧nö̧ ubara ttutomenä, recuomä barahuocö. O'ca päi'önätä 'cuäopa'ado. Ja̧'hua̧nö̧ ja̧'a̧nä̧ jitä ja̧'hua̧nö̧ ubara ttu'u, ji̧nä̧ isocu rö̧ä̧chö̧nä̧ 'cuäopönä tesehuäcuotöjä.

San Mateo 5:3

—Dios adiunätä ppädatö pä'ätömä, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

San Lucas 6:22

“Ucutumä ttö̧ja̧ ttöjö'cocomenä'inä, ucuturu 'quȩ'ȩcu̧ tticuomenä'inä, huottäcuähuomenä'inä, pä̧huä̧ juiyönä tottomenä'inä, ucutu Ubo I̧tti̧rö̧ cuesetätucua'attö, eseunu cu̧ja̧cuä̧cuo̧tö̧jä̧.

2 Timoteo 2:12

Chutäcu ubara ttututtumä, chutäcu huetäcuotöjä. Churu tä̧ppö̧tä̧rö̧ttö̧mä̧, chutä ujuturu ä̧ppö̧tä̧rä̧cua̧.

Filipenses 1:28

Ja̧'hua̧ta̧nö̧ cuaboiyotörö yecuhuecuätucuoca'a cu̧jä̧tu̧cua̧'a̧ chä̧ju̧cua̧ pä'ösä. Ja̧'hua̧nö̧ yecuäcuähuä juiyönä cu̧ja̧cuä̧tu̧cuo̧mȩnä̧, cuaboiyotömä ttu̧huo̧juä̧cuä̧huä̧cuo̧tö̧, iso päi'önä ujutu betipächäcuotöjä pä'ö. Ja̧'hua̧ta̧nö̧ ttu̧huo̧juä̧cuo̧tö̧, iso päi'önä Dios ppä'ädö tta̧'ä̧rö̧ ucuturu.

San Lucas 21:12

“Ja̧'hua̧nö̧ ja̧'a̧nä̧ pi̧yȩ o'ca juiyönä 'cuäopäcua'a ä'canä, ucuturu 'chuttädäcuotö. Ucuturu suronä jȩttä̧cuo̧tö̧. Ucuturu judíos ttu̧huo̧jui̧'i̧nodehuiyära̧'a̧ ttȩpä̧cuo̧tö̧ suronä ucuocu. Cärenä ttötäcuotö ucuturu. Ji̧nä̧ isocu ruhuotö ttä'ca jo̧mȩttö̧'i̧nä̧, ppeyä ruhuotö ttä'ca jo̧mȩttö̧'i̧nä̧ ttȩpä̧cuo̧tö̧ ucuturu, ttörö cuesetätucua'attö.

San Juan 15:20

Ucuturu pa̧'a̧nö̧ jidähuinömä amöcuädätucui: “Ya̧tȩ adicuä i̧sa̧mä̧ u̧ru̧hua̧ttö̧'i̧nä̧ abonänö juruhuocödo.” Ttörö suronä jȩtti̧nö̧ ta'anö, ucuturu'inä suronä jȩttä̧cuo̧tö̧. Ja̧'hua̧ta̧nö̧ korotö ttö chu̧huo̧juȩti̧nö̧ ttesetinö ta'anö, ucutu cu̧huo̧juȩtä̧tu̧cu̧'i̧nä̧ ttesetäcuotö.

Apocalipsis 2:10

Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.

San Mateo 25:34

Ja̧u̧nu̧ o'ca'a Ru̧hua̧ u̧huo̧jua̧'a̧nä̧ pȩjä̧tö̧rö̧ pä̧cua̧: “Ichätucui ttöcu. Chä'o Dios ucuturu ppädinä̧u̧jä̧. Do'ächätucui Dios ö̧jo̧mȩcu̧. Pi̧jä̧ aditinö o'ca'a, jo̧mȩ päi'önä cä'ädö aditö ucuturu iya pä'ö.

San Lucas 6:20

Ja̧'hua̧nö̧ ja̧'a̧ u̧huo̧juȩtä̧u̧ru̧ topö päinä̧u̧do: —Ucutu usurä isotömä, eseunu cu̧ja̧cuä̧cuo̧tö̧jä̧ Dios Cu̧ru̧hua̧ päi'önä ö̧ja̧'a̧ttö̧.

San Mateo 10:23

Koro ötahuiyänä ucuturu suronä jȩttö̧ttö̧mä̧, kara'a, koro ötahuiyära̧'a̧ tö'ipächätucui. Iso päi'önä pä'ösä ucuturu, o'ca juiyönä Israel ttö̧ja̧ ttidepiyura̧'a̧ cui̧'chä̧tu̧cuä̧cua̧'a̧ ä'canä, Ubo I̧tti̧mä̧ i̧chä̧cua̧.

1 Juan 3:12

Caínmä, ähuettä i̧tti̧ ja̧'a̧ttö̧, ö̧jä̧hua̧rö̧ cuä'ö icuinö. Ja̧u̧ jȩi̧nö̧'a̧nö̧mä̧ jȩtö̧ juiyö'a̧nö̧ ja̧'a̧. ¿Tta̧'a̧nö̧ pä'ö ö̧jä̧hua̧rö̧ cuä'ö icuina'attö Caínmä? Caín suronä jȩa̧'a̧ttö̧, ö̧jä̧hua̧ adiu jȩi̧yä̧cu̧ cuä'ö icuinödo.

Hechos 8:1

Saulo eseunu topinö, Estebanrö cuä'ö tticuomenä. Ja̧u̧nu̧tä̧ mo̧ro̧ Jesucristorö esetätömä Jerusalén ötahuiyänä ka̧cuä̧tö̧mä̧ usurä isotö juo'inätödo, ttö̧ja̧ suronä jȩtto̧mȩnä̧. Jesucristorö esetätörö o'ca toi'önä ya'opö tticuomenä, dö'ecuächinätödo Judea rȩjȩra̧'a̧'i̧nä̧, Samaria rȩjȩra̧'a̧'i̧nä̧. Ja̧'hua̧nö̧ ja̧'a̧nä̧ Jesús hue'ähuotötä Jerusalén ötahuiyänä ka̧cui̧pi̧nä̧tö̧do.

Hechos 5:40

Ja̧'hua̧ ja̧'a̧ Gamaliel hueäji ta'anö jȩpi̧nä̧tö̧do judíos ttö̧ja̧ ji̧nä̧ iso ruhuotömä. Jesús hue'ähuotörö huopö, jahuätörö cuäcuäpinätödo. Jesús i̧mi̧nä̧ ttucuocu juiya pä'ö hue'ö, rä'epö icuinätödo jahuätörö.

San Mateo 19:14

Ja̧'hua̧nö̧ ja̧'a̧ttö̧ Jesús pä'inödo: —Huäinä ichätö ttörö. Ja̧'a̧tä̧ topätucui. Dios Tu̧ru̧hua̧ päi'önä kö̧ pä'ätömä, ppo̧'ä̧tö̧ jä̧'i̧nö̧'a̧nö̧ huotö, —pä'inödo.

San Marcos 10:14

Jesús ja̧'hua̧nö̧ jȩtta̧'a̧ tomenä, ra̧huä̧rö̧nä̧nö̧ pä'inödo jahuätörö: —Ppo̧'ä̧tö̧ huäinä ichätö ttörö. Ja̧'a̧tä̧ topätucui. Dios Tu̧ru̧hua̧ päi'önä kö̧ pä'ätömä, ppo̧'ä̧tö̧ jä̧'i̧nö̧'a̧nö̧ huotö.

San Lucas 22:29

Ja̧'hua̧nö̧ ja̧'a̧ttö̧ huecuhuätucuä̧cuȩmä̧ chi̧yä̧cuä̧u̧jä̧ ucuturu, ttö Chä'o ttörö iyinö ta'anö, ucutu'inä ttö huedomettö chöäre mesa isodänä cuä̧nö̧'i̧nä̧, au'inä cu̧ja̧cuä̧tu̧cuä̧cua̧'a̧nö̧. Ja̧'hua̧ta̧nö̧ Israel ttö̧ja̧ ttö̧jä̧pö̧ttö̧nö̧ ta̧ju̧nu̧ ruhuä ttahuaruhuärö ruhuotö päi'önä päcuhuätucua pä'ö cuhuäretucu adihuä juäi cui̧dȩä̧cä̧tu̧cu̧nä̧ pä̧nö̧ chi̧yä̧cuä̧u̧jä̧.

Santiago 5:11

Ttami 'qui'ächi'ö ka̧cuä̧tö̧rö̧, “Eseunu ka̧cuä̧tö̧” pä'ätöjä ujutu. Ucutu ä̧ju̧cui̧nä̧tö̧jä̧ Jobrö, ami 'qui'ächi'ö ki̧nö̧rö̧. Huo̧juä̧tö̧jä̧, Dios ja̧u̧ru̧ jȩi̧nö̧mä̧ surojö 'cuäopinö o'ca'a. Dios a̧'cua̧ tta̧nö̧ re rö̧jö̧nä̧ topö tta̧'ä̧rö̧.