San Mateo 4:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧ ja̧'a̧ ähuettämä rä'opächinödo Jesús ö̧jo̧mȩttö̧. Ja̧u̧nu̧ o'ca'a ángeles ichö ppä'ädinätödo Jesúsru.

Nuevo Testamento Uwotjüja

¹¹ Ja̧'wa̧nü̧ päku, Jesú ü̧jo̧mȩttü̧ äwettämä̧ i̧wi̧'a̧'a̧nä̧, A̧gȩrȩ-tü̧mä̧ ichi'ü ppättädinä̧ku̧.

San Mateo 4:11 Referans Kwoze

San Mateo 26:53

¿Ucutu jerupätöjä tä̧ji̧? Chä'orö jädepöttömä, jitä ángeles recuätörö hueö'a̧nö̧ ttörö tta̧ttä̧ra̧ pä'ö.

Hebreos 1:14

O'ca toi'önä ángelesmä, espíritus tta'attö, Dios hueötä jȩpä̧tö̧do. Dios ȩmi̧nä̧u̧ru̧ ttesetarö pä'ö ppättäda pä'ö hue'ähuotödo.

San Lucas 22:43

Ja̧'hua̧ ja̧'a̧ttö̧ ya̧tȩ ángel mo̧ro̧jä̧ttö̧ i̧jȩcui̧nä̧cu̧do ujuru iyarö pä'ö.

San Lucas 4:13

Ja̧'hua̧nö̧ ja̧'a̧ ähuettä juiyinäcudo koromä ka̧cuä̧mö̧ toäcuähuä Jesúsru. 'Quȩ'i̧pä̧chi̧nö̧do Jesústtu a̧'u̧cua̧'a̧tä̧ recuonänö.

Hebreos 1:6

Ja̧'hua̧nö̧ ja̧'a̧nä̧ I̧tti̧rö̧ chu ä̧cua̧rö̧ pi̧jä̧ra̧'a̧ i'cächomenä, pä'inödo: O'ca toi'önä ángeles, Dios umöhuäyotö, ja̧u̧ru̧ ucuotätucui, pä'inödo.

San Juan 14:30

“Jitämä rö̧ȩnä̧ ucuocuocösä ucuturu, pi̧jä̧nä̧ hue'ömä icha'attö. Chutä ttörö ujuruhuoca'anä, ja̧'hua̧nö̧ 'cuäopäcua'a, pi̧jä̧ ttö̧ja̧ Chä'orö repeda'a ttu̧huo̧jua̧ pä'ö. Ja̧'hua̧ta̧nö̧ Chä'o ttörö hue'inö hueö'inä jȩpö̧sä̧ ttu̧huo̧jua̧ pä'ö. Ä̧rä̧mi̧'ä̧tu̧cui̧. Ti̧'chä̧tu̧cua̧, —pä'inödo Jesús.

San Lucas 22:53

Ucutu cu̧'quȩtȩtu̧cu̧nä̧ Diosrö ucuocuäcuähuodenä mo̧ro̧ji̧nö̧ a̧'u̧cuä̧ chö̧jo̧mȩnä̧, yoröiso ttörö jȩpo̧co̧tö̧ pi̧nä̧tö̧jä̧. Ja̧'hua̧nö̧ ja̧'a̧nä̧ jitä juäi some jȩpä̧tö̧jä̧ yo̧ö̧tä̧ ujuruhuomenä.

San Marcos 1:13

Jesús juhua'atä ki̧nö̧do ttö̧ja̧ ta̧ju̧ mo̧ro̧ de'a isotöcu. Ja̧'hua̧ta̧nö̧ Satanás ka̧cuä̧mö̧ toinäcudo. Angeles ichö ppä'ädinätödo Jesúsru.

San Mateo 4:6

Juhua'attö ähuettä pä'inödo Jesúsru: —Iso päi'önä Dios I̧tti̧ cu'uttumä, ja̧'a̧tä̧ tö'i. Huȩyu̧cuä̧ Huȩnȩ päa'a: Dios huȩä̧cua̧ ángelesrö tta̧ttä̧ra̧ pä'ö ucuru. Ttu̧mö̧nä̧ cättepäcuotö ucuru, cu̧jä̧pö̧nä̧ ido'quittö tocuhue'ö juiyönä, —pä'inödo.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.