San Mateo 4:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧ttö̧ Jesús ädätinäcudo: —Satanás, täi. Huȩyu̧cuä̧ Huȩnȩ päa'a: “Chu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧,” —ädätinäcudo.

Nuevo Testamento Uwotjüja

¹⁰ Päomȩnä̧, Jesú-mä̧ ädätinä̧ku̧: —Satanás täkü täi, wȩyu̧kuä̧ wȩnȩmä̧ pä'a: Ku̧ru̧wa̧ Dio-rütä kuiwe'kiyunä̧ mä̧'ä̧mü̧ esewirü ja̧'wa̧ta̧nü̧ Jua̧u̧ weütätä tukuota pä'ü ja̧'a̧.

San Mateo 4:10 Referans Kwoze

San Lucas 4:8

Ja̧'hua̧nö̧ ja̧'a̧ttö̧ Jesús ädätinödo: —Ttöttömä 'quȩ'i̧pä̧chi̧, Satanás. Huȩyu̧cuä̧ Huȩnȩ päa'a: “Cu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧.”

Santiago 4:7

Ja̧'hua̧ ja̧'a̧ttö̧ Diosrötä pä̧huä̧ rö̧jö̧mä̧ jȩpä̧tu̧cui̧. Ähuettärö pä̧huä̧ rö̧jö̧mä̧ jȩcu̧'ä̧tu̧cuä̧'. Ja̧'hua̧nö̧ jȩcu̧'ä̧tu̧cuo̧mȩnä̧, ucututtu tö'ipächö ähuettämä.

1 Pedro 5:9

Ja̧u̧ru̧ jarodi'ätucui. Adiu Jesucristorö esetätucui. Ucutu huo̧juä̧tö̧jä̧, iso päi'önä o'ca toi'önä tö̧jä̧hua̧tö̧ pi̧jä̧nä̧ pa̧ja̧cu̧nä̧ ka̧cuä̧tö̧, ujutu ubara ttutu ta'anö, ubara ttu'ätö jahuätö'inä.

San Mateo 16:23

Ja̧'hua̧ ja̧'a̧ Jesús kärächi'ö pä'inödo Pedrorö: —¡Ttöttö 'quȩ'i̧pä̧chi̧, Satanás! Ttörö suronä pä'öjä. Dios amöcuädö ta'anö, yoröiso amöcuädocöjä. Pi̧jä̧ ttö̧ja̧ ttamöcuädö ta'anötä amöcuädöjä.

San Marcos 1:13

Jesús juhua'atä ki̧nö̧do ttö̧ja̧ ta̧ju̧ mo̧ro̧ de'a isotöcu. Ja̧'hua̧ta̧nö̧ Satanás ka̧cuä̧mö̧ toinäcudo. Angeles ichö ppä'ädinätödo Jesúsru.

San Lucas 10:18

Jesús päinä̧u̧do: —A̧, ttö to̧pä̧rä̧ji̧sä̧ Satanás mo̧ro̧jä̧ra̧'a̧ttö̧ cu'upä urohua'a jä̧'i̧nö̧'a̧nö̧ ma̧'a̧.

San Lucas 11:18

Ja̧'hua̧ta̧nö̧ ja̧'a̧nä̧ ähuettä chutä amönä örohuäuttumä, ¿tta̧'a̧nö̧ ujuruhuäcua'ajä̧ttö̧ ja̧'hua̧nö̧mä̧? Ja̧'hua̧nö̧ pä'ösä ucutu päcuhuätucua'attö espíritus suropätörö jȩpö̧ chicuomenämä, espíritus suropätö ttu̧ru̧hua̧ Beelzebú ujurunä rä'epö icu, pä'ö.

San Lucas 13:16

Ja̧'hua̧ta̧nö̧ paju, Abraham mi̧nä̧ isotö isajuru, dieciocho a̧'ȩnö̧ jo̧mȩnä̧ 'tu̧hua̧yu̧nu̧ kö̧jö̧nä̧ Satanás jȩi̧nä̧cua̧rö̧, ¿ttö̧ja̧ 'cuättächi'ö mo̧ro̧mä̧ aditö tticuococua pajaju tä̧ji̧?

San Lucas 22:3

Ja̧'hua̧ ja̧'a̧ttö̧ Satanás Judasrö do'ächi'ö hue'inödo. Judas koro i̧mi̧ Iscariote mi̧cui̧nö̧do. Ja̧u̧ ttö̧jä̧pö̧ttö̧nö̧ ta̧ju̧ hue'ähuotöttö i̧sa̧ pi̧nö̧do.

San Lucas 22:31

Ja̧'hua̧ta̧nö̧ Tu̧ru̧hua̧ pä'inödo: —Simón, Simón, ä̧ju̧cui̧. Satanás jä'epinö ucuturu 'quȩ'ȩpö̧ icua pä'ö, surä'cua que'ö tticua'a jä̧'i̧nö̧'a̧nö̧.

San Juan 13:27

Judas juhuä̧si̧ ȩmo̧mȩnä̧, ähuettämä ami iso'quinä do'ächi'inödo. Ja̧'hua̧ ja̧'a̧ Jesús päinäcudo: —Jȩcu̧'ä̧cuȩmä̧, jurunä jȩcu̧'a̧ja̧.

Hechos 5:3

Ja̧'hua̧ ja̧'a̧ Pedro pä'inödo ja̧u̧ru̧: —Ananías, ¿dä̧bö̧ cuä̧ju̧cuä̧jä̧ttö̧, ähuettä ucuru cua̧'cua̧nä̧ hueömä? Cui̧rȩjä̧ micuättö ju'to 'quȩ'ȩpö̧ ku̧nu̧ yapareu jȩpä̧ji̧jä̧ Espíritu Santorö.

Hechos 26:18

Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

1 Corintios 5:5

Ja̧'hua̧nö̧ ppäsähuipö, ja̧u̧ru̧ iyätucuirö Satanásrö, chutä jä̧ttä̧pä̧ya̧ toei'äcua'a̧nö̧, a̧'cua̧ru̧hua̧ ö̧ji̧pa̧'a̧nä̧, Tu̧ru̧hua̧ Jesús ichomenä.

1 Corintios 7:5

Ja̧'hua̧nö̧ ja̧'a̧ttö̧ cuirecuorö pä̧huä̧ rö̧jo̧mȩnä̧, cuhuarodätucuä'. Ja̧'hua̧ta̧nö̧ cuirecuarö pä̧huä̧ rö̧jo̧mȩnä̧, cuhuarodätucuä'. Ja̧'hua̧ta̧nö̧ recuonänö Diosrö cucuocuätucua pä'ö cuhuarodätucuttumä, ä'canä cuirecuorö ucuocu ji̧nä̧ yo̧mȩtȩnä̧ amöcuädö jȩpä̧tu̧cui̧. Ja̧u̧nu̧ o'ca'a cuirecuorö jȩpä̧tu̧cui̧, korotöcu suronä jȩcu̧'ä̧tu̧cu̧ juiyäcua'a̧nö̧ ähuettä hueomenä.

2 Corintios 11:14

Ja̧'hua̧nö̧ pädomenä, koro koronö cuamöcuädätucuä'. Chutä Satanás'inä, adihuä isotö ángeles, tȩa̧u̧nä̧ cue'ächätö cuettächa'a jä̧'i̧nö̧'a̧nö̧ cue'ächö.

2 Corintios 12:7

Tu̧ru̧hua̧ ja̧'hua̧nö̧ adiunä 'cuo̧ti̧nä̧ u̧huo̧juȩti̧na̧'a̧ amöcuädö, ttötä cha'cuoyähuäcuähua pä'ö ji̧nä̧cu̧sä̧. Ja̧'hua̧nö̧ jȩchö̧ juiya pä'ö, koro juäi i̧sa̧ri̧ doächi'a'a barahua'a jä̧'i̧nö̧'a̧nö̧ barahuinäcusä. Ja̧u̧ ubara ttudinömä, Satanás hueähuä ta'anö ji̧nö̧do, rö̧ȩnä̧ cha'cuoyähuäcuäu juiya pä'ö.