Biblia Todo Logo
Bib sou entènèt

- Piblisite -




San Mateo 26:63 - TÄ̧DO Ä̧CUÄ̧ I̧HUȨNȨ

63 Ja̧'hua̧nö̧ päomenä, Jesús 'coruchi'inödo. Ja̧u̧nu̧ o'ca'a sacerdotes ru̧hua̧ päinäcudo: —Dios kö̧ i̧mi̧mä̧ iso päi'önä päcuhua pä'ö pä'ösä ucuru. Ji'ähuitö, ¿ucumä iso päi'önä Cristojä tä̧ji̧? ¿Ucumä Dios I̧tti̧jä̧ tä̧ji̧?

Gade chapit la Kopi

Nuevo Testamento Uwotjüja

63 Ja̧'wa̧nü̧ pä'anä̧ Jesú-mä̧ ädätokoku, sacerdote ttu̧ru̧wa̧mä̧ jua̧u̧ru̧ pä'inü̧: —Dio kkü̧ i̧mi̧nä̧ wedäkujä̧, isopäi'ünä̧ Dio i̧tti̧ Jesucrito kuttümä̧ jikuäwatü pä'üsä.

Gade chapit la Kopi




San Mateo 26:63
42 Referans Kwoze  

Ja̧'hua̧nö̧ päomenä, Simón Pedro pä'inödo: —Ucumä Cristojä, Dios kö̧ I̧tti̧jä̧.


Ja̧u̧nu̧ o'ca'a sacerdotes ruhuotö'inä, judíos ttö̧ja̧ ancianos huotö'inä Jesúsru suronä ttucuocuomenä, yoröiso ädätocö pi̧nö̧do.


Pi̧yȩ huȩyu̧cuä̧ ka̧'a̧ ucutumä iso päi'önä Jesúsmä Cristo ja̧'a̧ pä'ö cuesetätucua pä'ö. Ja̧'hua̧ta̧nö̧ Jesúsmä, Dios I̧tti̧ ja̧'a̧ pä'ö cuesetätucua pä'ö. Ja̧'hua̧ta̧nö̧ ja̧u̧ru̧tä̧ cuesetätucuttumä, kä̧cuä̧huä̧ i'co cu̧ju̧nä̧rä̧tu̧cua̧ pä'ö huȩyu̧cua̧'a̧ pi̧yȩ huȩnȩ.


Pä'äji ta'anö ojusodenä do'ächi'ö, jä'epinödo Jesúsru: —¿Ucumä, tottö cuichinättö? Ja̧'hua̧nö̧ jäepomenä, Jesús yoröiso ädätocö pi̧nö̧do.


Ja̧'hua̧nö̧ päomenä, judíos ttö̧ja̧ ädätinätödo: —Ujutumä töäre hueähuä huȩnȩ ku̧nä̧rä̧tö̧jä̧. Ja̧u̧ hueähuä huȩnȩ päö'a̧nö̧ ja̧u̧mä̧ 'corupäi'ö'a̧nö̧ hua̧. Chutä pä'inö: “Ttötäsä Dios I̧tti̧sä̧,” —pä'inätödo judíos ttö̧ja̧.


Ja̧'hua̧nö̧ päomenä, Pilato jä'epinödo: —¿Ucumä ttö̧ja̧ ttu̧ru̧hua̧jä̧ tä̧ji̧? Jesús pä'inödo: —A̧'a̧, ucu päcu ta'anö ru̧hua̧sä̧. Ttömä uhuäpächö ichinösä pi̧jä̧ra̧'a̧ iso päi'önä huȩnȩ jidähua pä'ö. O'ca toi'önä iso päi'önä huȩnȩ päö'a̧nö̧ jȩpä̧tö̧mä̧, ttörö ä̧ju̧cuä̧tö̧.


Ja̧'hua̧nö̧ ja̧'a̧ttö̧ iso päi'önä Dios ttörö 'quȩ'ȩpö̧, pi̧jä̧ra̧'a̧ hueinöttömä, “Dios I̧tti̧sä̧” pädomenä, ¿tta̧'a̧nö̧ päcuhuätucua'ajä̧ttö̧ Diosrö suronä pä'öjä pä'ö?


Ttöcu, Chä'ocu, ji̧nä̧ ya̧tȩnä̧tä̧ ja̧'a̧.


Judíos ttö̧ja̧ ja̧u̧ru̧ ichi'ö pä'inätödo: —Ucuru adiunä tu̧huo̧jua̧ pä'ö, ¿ti̧yȩnö̧ jicuhuähuäcua'ajä̧ttö̧? Iso päi'önä Cristo cu'uttumä, jueönätä ji'ähuitö.


Ja̧'hua̧ ja̧'a̧ttö̧ ja̧u̧ru̧ pä'inätödo: —Ucumä, ¿di cu'ättö? Jesús jahuätörö ädätinödo: —Ucuturu äcuomenä ucuocu ji'ähuinösä.


Ujutu täcö esetinätöjä. Ucumä Dios kö̧ I̧tti̧ Cristojä, huo̧juä̧tö̧jä̧ ujutumä.


Ja̧'hua̧ ja̧'a̧ Natanael pä'inödo: —Huo̧juȩcuä̧ I̧sa̧, ucumä Dios I̧tti̧jä̧. Ucumä Israel ttö̧ja̧ Ttu̧ru̧hua̧jä̧.


Ttömä ja̧u̧ru̧ topinösä. Ttö huo̧jua̧sä̧, ja̧u̧mä̧ Dios I̧tti̧do jidähuäcua'a̧nö̧, —pä'inödo Juan.


Ja̧'hua̧nö̧ päomenä, Jesús 'coruchi'inödo. Yoröiso ädätocö pi̧nö̧do. Ja̧'hua̧ ja̧'a̧ sacerdotes ru̧hua̧ pä'äji ta'anö jäepinäcudo: —¿Ucumä iso päi'önä Cristojä tä̧ji̧? ¿Ucumä adihuä i̧sa̧ Dios I̧tti̧jä̧ tä̧ji̧?


Juhuorö'inä Jesús 'corupäi'omenä, su̧ro̧da̧u̧ ttu̧ru̧hua̧cu̧, Jesúsru tta̧'ä̧rä̧tö̧cu̧ ja̧u̧ juäi o'ca juiyönä rȩjȩ ttö̧ȩpa̧'a̧'i̧nä̧, koro juäi 'cuäopa'a'inä tottomenä, juiyo rö̧ȩnä̧ ye'ecuinätödo. Jahuätö pä'inätödo: —Iso päi'önä ja̧u̧ Dios I̧tti̧ päji ja̧'a̧.


Diosrö esetina'attö, iso päi'önä Dios ja̧u̧ru̧ pä̧huä̧ rö̧jö̧ttö̧ ppädarödo. Ujuturu ji'ähuinö: “Ttösä Dios I̧tti̧” pä'inö, —pä'inätödo.


—Ucu Diosrö ucuocuäcuähuode cuä'epö icu, “huäbodäcuä mo̧ro̧ jo̧mȩnä̧ korode cha̧di̧tä̧cua̧sä̧” pä'inömä, ucutä cuamönätä ppä'ädäcuähui. Iso päi'önä Dios I̧tti̧ cu'uttumä, dau isodättö mȩyȩhuä̧chi̧, —pä'inätödo.


Jesúsmä ädätocö pi̧nö̧do. Ja̧'hua̧nö̧ ädätoca'a jo̧mȩnä̧, ja̧u̧ ru̧hua̧mä̧ to̧pä̧rö̧ ki̧nö̧do. Yoröiso amöcuädäcuähuä jerupinödo.


Ja̧u̧ru̧ ra̧huä̧rö̧ huottomenä, ädätö huopocö pi̧nö̧. Ubara ttuhua'anä'inä, ra̧huä̧ri̧po̧cö̧ pi̧nö̧. Jä'o Diosrö, o'ca toi'önärö yoräteunä pä̧cua̧rö̧, amöcuädö ucuocuinö.


Ja̧'hua̧nö̧ päi'omenä, ähuettä ichinödo Jesúsru suronä jȩa̧ pä'ö. Pä'inödo: —Iso päi'önä, Dios I̧tti̧ cu'uttumä, pidu inäduttu ire päi'önä jȩpi̧.


Ja̧'hua̧ ja̧'a̧ sacerdotes ru̧hua̧ ä̧rä̧mi̧'ö̧, Jesúsru pä'inödo: —¿Ucumä yoröiso ädätocöjä tä̧ji̧? Pi̧yȩ ucuru pättömä ¿tta̧'a̧nö̧ pätta'ajä̧ttö̧?


Iso päi'önä Silvanocu, Timoteocu, ttöcu ucuturu i̧huȩnȩ jitähuäcu, Cristo Jesús, Dios I̧tti̧mä̧ yoröiso todärenä ji'ähuocö pi̧nö̧. Cristomä 'cuäopönä iso päi'önä huȩnȩtä̧ ji'äu.


Swiv nou:

Piblisite


Piblisite