San Mateo 26:52 - TÄ̧DO Ä̧CUÄ̧ I̧HUȨNȨ

⁵² Ja̧'hua̧nö̧ ja̧'a̧ttö̧ Jesús pä'inödo: —Cucurodä hua'adö ku̧ni̧. O'ca toi'önä curodänä rohuähuätömä, curodänä hua'ö tticuäcuotö.

Nuevo Testamento Uwotjüja

⁵² Ja̧'wa̧nü̧ jȩi̧yä̧ku̧ Jesú-mä̧ päinä̧ku̧: —Kukurodämä̧ ȩjä̧jo̧mȩtä̧ ȩni̧. Isopäi'ünä̧ o'katoi'ünä̧ ttukurodänä̧ kuä'ü ikuätümä̧, kurodänä̧tä̧ to'e'ächätü.

San Mateo 26:52 Referans Kwoze

Apocalipsis 13:10

Korotömä korotörö cärenä ttö̧'a̧ pä'ö ȩpä̧tö̧mä̧, jitötä'inä cärenä ttö̧'ä̧cuo̧tö̧. Korotömä korotörö curodänä cuä'ö icuätömä, ja̧'hua̧ta̧nö̧ curodänä cuä'ö tticuäcuotö jahuätörö. Ja̧'hua̧nö̧ ja̧'a̧ttö̧ Dios i̧tti̧mö̧mä̧ ttami 'quittächi'ö'a̧nö̧ ja̧'a̧. Ja̧'hua̧ta̧nö̧ adiunä ttesetö'a̧nö̧ ja̧'a̧.

Romanos 12:19

Adihuä chö̧jä̧hua̧tö̧, micuä päi'önä jȩcu̧'ä̧tu̧cuä̧', ucuturu suronä jȩpä̧tö̧rö̧. Ja̧'a̧tä̧ topätucui. Tta̧'ä̧rä̧tu̧cui̧ Diostä ro̧ȩpä̧cua̧'a̧nö̧ jitörö. Huȩyu̧cuä̧ Huȩnȩ päa'a: “Ttömä ro̧ȩcuä̧ ru̧hua̧sä̧. Ttötä ro̧dȩpä̧cua̧sä̧, pä'ö Tu̧ru̧hua̧mä̧.”

1 Pedro 3:9

Ucuturu suronä jȩtto̧mȩnä̧, ppa̧'ä̧dö̧ jȩcu̧'ä̧tu̧cuä̧'. Ja̧'hua̧ta̧nö̧ ucuturu ra̧huä̧rä̧'chö̧ huottomenä, ppa̧'ä̧dö̧ huocu'ätucuä'. Pärocua'acu ttö̧ra̧huä̧ro̧mȩnä̧, adiunätä jȩpä̧tu̧cui̧tö̧. Dios ucuturu ppäda pä'ö huoinä̧u̧jä̧.

Apocalipsis 16:6

Jahuätömä ucuru esetinätörö'inä, ucu huecuhuinö ucuocuinätörö'inä ttucuoja erönä jȩpi̧nä̧tö̧. Jitämä jitötä ttucuoja ttahua pä'ö jȩcu̧'i̧nä̧u̧. Iso päi'önä huäinä 'cuäopäcuä̧u̧.

1 Tesalonicenses 5:15

Ya̧tȩ ka̧ra̧rö̧ suronä jȩo̧mȩnä̧, pärocua'attö suronä jȩö̧ juiyarö pä'ö ji'ähuätucui. Ucutumä 'cuäopönä ka̧ra̧ ka̧ra̧rö̧'i̧nä̧ o'ca toi'önärö adiu jȩpö̧ ka̧cuä̧tu̧cui̧.

San Mateo 5:39

Jitämä ttö pä'ösä ucuturu, ya̧tȩ suronä cuäöttömä ucuru, ucutä pä̧ro̧cua̧mä̧ cuäcuhuärö. Ya̧tȩ cu'änä 'tauttumä, kara'anä'inä 'tahua iyirö.