San Mateo 26:41 - TÄ̧DO Ä̧CUÄ̧ I̧HUȨNȨ

⁴¹ To̧pä̧rö̧ ka̧cuä̧tu̧cui̧. Diosrö ucuocuätucui ucuturu ähuettä jȩo̧mȩnä̧, suronä jȩcu̧'ä̧tu̧cu̧ juiya pä'ö. Iso päi'önä cua̧'cua̧ru̧hua̧ adiu jȩa̧'a̧nä̧, cuidepämä adiumä jȩo̧cö̧.

Nuevo Testamento Uwotjüja

⁴¹ To̧pä̧rü̧ Dio-rü ukuokuätukui kua̧mi̧ 'kuäkuätukunä̧ ma̧kuä̧chä̧tu̧ku̧ juiyäkua'anü̧. Isopäi'ünä̧ epíritumä̧ jȩa̧ pä'anä̧ ttidepämä̧ juiyuwa'a.

San Mateo 26:41 Referans Kwoze

San Lucas 22:46

Ja̧'hua̧ ja̧'a̧ pä'inödo jahuätörö: —¿Dä̧bö̧ cuä'ätucuättö? Ä̧rä̧mi̧'ö̧, Diosrö ucuocuätucui, suronä jȩcu̧'ä̧tu̧cu̧ juiyäcua'a̧nö̧.

San Marcos 14:38

To̧pä̧rö̧ ka̧cuä̧tu̧cui̧. Diosrö ucuocuätucui, ucuturu ähuettä jȩo̧mȩnä̧, suronä jȩcu̧'ä̧tu̧cu̧ juiya pä'ö. Iso päi'önä cua̧'cua̧ru̧hua̧ adiu jȩa̧'a̧nä̧, cuidepämä adiumä jȩo̧cö̧.

Efesios 6:18

Espíritu Santo u̧huo̧juȩta̧'a̧nä̧, 'cuäopönä Diosrö jä'epö ucuocuätucui, o'ca juiyönä iyätucuacu pä'ö jäcuhue'ätucumä. Cuamöcuädätucu jaroi'äcuähuä juiyönä, adiu a̧mö̧cuä̧rö̧nö̧ ka̧cuä̧tu̧cui̧. Ja̧'hua̧ta̧nö̧ o'ca toi'önä Diosrö esetätörö amöcuädö, ucuocuätucui Diosrö.

San Mateo 6:13

Ja̧'a̧tä̧mä̧ tocu'ätö ähuettä suronä jȩa̧'a̧nä̧mä̧. Yabocutä surojöttö ejädö icuitö. Iso päi'önä ucu o'ca juiyönä hue'öjä. Ja̧'hua̧ta̧nö̧ o'ca juiyönä ju̧ru̧hua̧jä̧. Ja̧'hua̧ta̧nö̧ 'cuäopönä o'ca toi'önä ucuru tteseäcuähuäcuotö. Amén.

San Lucas 21:36

'Cuäopönä jo̧mȩ päi'önä tta̧'ä̧rä̧tu̧cui̧. Pi̧yȩ 'cuäopä̧cuȩmä̧ ucuturu 'cuäopö juiya pä'ö, Diosrö ucuocuätucui 'cuäopönä. Ja̧'hua̧ta̧nö̧ Ubo I̧tti̧ ä'ca jo̧mȩttö̧ adiu cu̧ja̧cuä̧tu̧cuä̧cua̧'a̧nö̧ ucuocuätucui, —pä'inödo Jesús.

Apocalipsis 16:15

“Topätucui. Ttömä tta̧ttä̧ro̧ca̧'a̧nä̧, nä̧u̧cuä̧rö̧ i̧sa̧ ichö'a̧nö̧ ichösä. Chutä äoca'anä tta̧'ä̧rö̧mä̧, ö̧'ca̧tä̧huä̧ta̧ ku̧nä̧rö̧mä̧, eseunu ö̧jä̧cua̧, ö̧'ca̧tä̧huä̧ta̧ juiyönä korotö ttä'ca jo̧mȩttö̧ dä'äcu cueächoca'attö.”

1 Corintios 16:13

Adiunä tta̧'ä̧rö̧ kä̧nö̧, cuami 'qui'ächi'ö ka̧cuä̧tu̧cui̧ Tu̧ru̧hua̧rö̧ cuesetätucua'attö. U̧mä̧tö̧ jȩttö̧ ta'anö jȩpä̧tu̧cui̧. Ja̧'hua̧ta̧nö̧ juruhuätucui.

1 Pedro 5:8

Cua̧'cua̧ pö̧nö̧ ka̧cuä̧tu̧cui̧. 'Cuäopönä mo̧ro̧jö̧ a̧'u̧cuä̧ Diosrö ucuocu ka̧cuä̧tu̧cui̧. Ucuturu ami suru topö cua̧bo̧i̧ya̧tu̧cu̧ ähuettä cue'ächö. Yähui ra̧huä̧rö̧ u̧cuȩ usu'a̧nö̧ cue'ächö.

1 Corintios 10:13

Ucuturu suronä 'cuäopömä, korotörö'inä 'cuäopa'a ja̧'hua̧ta̧nö̧. Dios päömä jȩpö̧. Ja̧'a̧tä̧ topocö ucuturu suronä 'cuäopomenä, cuami 'quicuhuächi'ätucu juiyönä päi'omenä. Cujurutucu i̧yä̧cua̧ Dios, suronä 'cuäopomenä, cuami 'qui'ächi'ö cu̧jä̧tu̧cuä̧cua̧'a̧nö̧.

2 Pedro 2:9

Diosrö adiunä esetätörö, suronä 'cuäopa'anä, Tu̧ru̧hua̧ ppä'ädö jahuätörö. Ja̧'hua̧ta̧nö̧ suronä jȩpä̧tö̧rö̧ hua'adö ku̧nu̧ ö̧tä̧bo̧ta̧ pä'ö Dios ttö̧ja̧rö̧ pojocuä mo̧ro̧ päi'omenä.

San Mateo 24:42

“Ucutumä to̧pä̧rö̧ ka̧cuä̧tu̧cui̧. Tu̧ru̧hua̧ ichäcuome yoröiso jerupätöjä.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.

1 Pedro 4:7

O'ca juiyö beipächäcuome tö'cöhuächa'ado. Ja̧'hua̧nö̧ ja̧'a̧ttö̧ cua̧'cua̧ pö̧nö̧ ka̧cuä̧tu̧cui̧. Adiunä Diosrö amöcuädö ucuocu ka̧cuä̧tu̧cui̧.

San Lucas 22:40

Ju̧huȩnȩ tti̧'chi̧'o̧mȩnä̧, jahuätörö pä'inödo: —Diosrö ucuocuätucui ucuturu ähuettä jȩo̧mȩnä̧, suronä jȩcu̧'ä̧tu̧cu̧ juiya pä'ö.

Gálatas 5:24

Iso päi'önä Cristorö esetätömä Cristocu daunä pȩ'o̧pö̧ ku̧ni̧nä̧tö̧ pi̧jä̧ jähuä jȩä̧cuä̧huä̧'i̧nä̧, jitötä ttamönä ttamöcuädö'inä.

1 Corintios 9:27

Pärocua'acu ttömä chamönä ro̧'ȩpä̧cuä̧u̧sä̧ jȩcha̧ pädömä jȩcha̧ pä'ö. Ttömä ja̧'hua̧nö̧ jȩpö̧sä̧, korotörö jidäu o'ca'a, ttö'inä suronä jȩpö̧ rädopächö juiyäcua'a̧nö̧.

San Mateo 25:13

Ja̧'hua̧ ja̧'a̧ ucutu'inä to̧pä̧rö̧ ka̧cuä̧tu̧cui̧. Ubo I̧tti̧ ichäcuome yoröiso jerupätöjä, —pä'ö huo̧juȩti̧nö̧do Jesús.

San Mateo 26:38

Jahuätörö pä'inödo: —Ttö 'corupädi'ometä päi'a'a cha̧'cua̧ tta̧'ȩcui̧pö̧sä̧. Ucutumä pȩnȩtä̧ kä̧nö̧, ttöcu to̧pä̧rä̧tu̧cui̧ cuä'ätucuoca'a.

Romanos 8:3

Moisés hueähuä huȩnȩ, ttö̧ja̧ ttidepä juiyuhua'attö jȩo̧cö̧'i̧nä̧, jȩpi̧nö̧ Dios. Chutä hue'inö I̧tti̧rö̧, pi̧jä̧ ttö̧ja̧ suronä jȩpä̧tö̧ a̧'cua̧rö̧nä̧ hua̧rö̧, surojö jȩpö̧ icua pä'ö. Ja̧'hua̧nö̧ jȩo̧mȩnä̧, surojö be'epö icua pä'ö amöcuädinö.

San Lucas 11:4

Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧. Ja̧'a̧tä̧mä̧ tocu'ätö ähuettä suronä jȩa̧'a̧nä̧mä̧. Yabocutä surojöttö ejädö icuitö.

San Lucas 8:13

Korotömä, jacuä jähuä inähuänä ma̧ä̧chö̧ jä̧'i̧nö̧'a̧nö̧ huotö. Jahuätömä Dios i̧huȩnȩ ä̧ju̧cu̧, eseunu esetätö. Ja̧'hua̧nö̧ ja̧'a̧nä̧ ujupo'tiyä juiya'attö, a̧'u̧cua̧'a̧tä̧ esetätö. Ja̧'hua̧ ja̧'a̧ttö̧ Dios i̧huȩnȩ tteseta'attö, jahuätörö suronä 'cuäopomenä jaropi'ätö.