San Mateo 26:24 - TÄ̧DO Ä̧CUÄ̧ I̧HUȨNȨ

²⁴ Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧ yoröiso uhuäpächinö juiyöttömä, adihuaja'a.

Nuevo Testamento Uwotjüja

²⁴ Isopäi'ünä̧ Ttürümä̧ wȩyu̧kuä̧ wȩnȩ päüta'anü̧ 'kuäopä̧kua̧ ja̧'wa̧nü̧ ja̧'a̧nä̧, ttürü iyü ikurütä jä̧kua̧'a̧ surojäkua'amä̧ ¡isottü̧, jua̧u̧we!. Ya'utettü jua̧u̧mä̧ uwäpächü juiyinü̧ttü̧tä̧ adiwaja'a.

San Mateo 26:24 Referans Kwoze

San Lucas 24:46

Juhua'a yabonänö ji'ähuinödo: —Pa̧'a̧nö̧ huȩyu̧cua̧'a̧do, Cristo 'co̧ru̧pä̧i̧'ä̧cua̧. Ja̧'hua̧ta̧nö̧ huäbodäcuä mo̧ro̧ päi'omenä, hua'arettö tto̧ä̧chä̧cua̧.

San Mateo 18:7

Iso päi'önä pi̧jä̧ ttö̧ja̧ pi̧jä̧nä̧ ka̧cu̧mä̧ topö, suronä jȩtto̧mȩnä̧ suroja'ado. 'Cuäopönä kä̧cua̧'a̧ pi̧jä̧ jähuämä. Ja̧'hua̧nö̧ ja̧'a̧nä̧ korotörö suronä jȩtta̧ pä'ö huȩ'ä̧rä̧tö̧rö̧ suronä 'cuäopäcua'a.

1 Corintios 15:3

Äcuomenä ttörö jittähuinö huȩnȩ ji'ähuinösä ucuturu. Cristo 'corupäi'inö huȩnȩ, ujutu suronä jȩtö̧ jȩpö̧ icua pä'ö Huȩyu̧cuä̧ Huȩnȩ päö'a̧nö̧ ji'ähuinösä.

San Juan 17:12

Ttömä jahuätöcu pi̧jä̧nä̧ chö̧jomȩnä̧, cujurunä tta̧'ä̧ri̧nö̧sä̧, suronä 'cuäopö juiya pä'ö ttörö cuiyinä̧u̧ru̧. Jahuätöttö Huȩyu̧cuä̧ Huȩnȩ päö'a̧nö̧ 'cuäopa pä'ö, ya̧tȩtä̧ ihueye suropinötä to'ei'inö, korotöttö ya̧tȩ'i̧nä̧ toei'oca'a tta̧'ä̧ri̧nö̧sä̧.

San Lucas 22:22

Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a.

San Marcos 14:21

Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧, yoröiso uhuäpächinö juiyöttömä, adihuaja'a.

San Mateo 26:54

Ja̧'hua̧nö̧ ja̧'a̧nä̧ ja̧'hua̧nö̧ jädepöttömä, ¿tta̧'a̧nö̧ 'cuäopäcua'ajä̧ttö̧ Huȩyu̧cuä̧ Huȩnȩ päö'a̧nö̧mä̧?

San Marcos 9:12

Jesús jahuätörö ädätinödo: —Iso pai'önä Huȩyu̧cuä̧ Huȩnȩ päa'a Elías ä'canä i̧chä̧cua̧ pä'ö. Ja̧u̧ jo̧mȩ päi'önä o'ca juiyönä a̧di̧tä̧cua̧. Huȩyu̧cuä̧ Huȩnȩ, ¿tta̧'a̧nö̧ päa'attö Ubo I̧tti̧rö̧? Ubo I̧tti̧mä̧ ubara ttu̧huä̧cua̧ päa'ado. Ja̧'hua̧ta̧nö̧ Ubo I̧tti̧rö̧ ttöjö'cococu jä̧cua̧ päa'ado.

San Mateo 26:56

Ucutu ja̧u̧nu̧mä̧ 'chu'ädocotö pi̧nä̧tö̧jä̧, Dios i̧huȩnȩ jiäcuähuä isotö tti̧huȩyu̧ti̧nö̧mä̧ 'cuäopa'a pä'ö. Ja̧'hua̧nö̧ päomenä, u̧huo̧juȩtä̧u̧mä̧ Jesúsru jaropi'ö tö'ipächinätödo.

Hechos 28:23

Koro mo̧ro̧ judíos ttö̧ja̧ ttichä̧cuȩ mo̧ro̧ amöcuädinätödo Pablocu. Ttamöcuädäji mo̧ro̧ päi'omenä, recuätö ttö̧ja̧ ichinätödo Pablo ö̧jodera̧'a̧. Dios Ttu̧ru̧hua̧ päi'önä kö̧ pä'ö ji'ähuinödo Pablo. Moisés hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocu ji'ähuinödo, Jesúsru tteseta pä'ö yo̧ȩi̧ kä̧mä̧dö̧, ni̧pä̧ro̧mȩ cä'ädö.

Hechos 4:28

Jahuätö jȩpi̧nä̧tö̧ o'ca juiyönä ucu cu̧huo̧jua̧'a̧ttö̧ ä'canä amöcuädö hue'inöjä ja̧'hua̧nö̧ 'cuäopäcua'amä.

Hechos 2:23

Dios täcö amöcuädinö, Jesúsru iya pä'ö ucuturu. Ä'canä u̧huo̧jui̧na̧'a̧ttö̧ ucuturu iyinö. Ja̧'hua̧ ja̧'a̧ ucutu iyinätöjä Jesúsru suronä jȩpä̧tö̧rö̧, daunä pȩ'o̧pö̧ ku̧nu̧ cuä'ö tticuarö pä'ö.

San Juan 19:28

Ja̧u̧nu̧ o'ca'a täcö o'ca juiyönä 'cuäopäja'a huo̧jui̧nö̧do Jesús. Ja̧'hua̧ ja̧'a̧ttö̧ Huȩyu̧cuä̧ Huȩnȩ 'cuäopa pä'ö Jesús pä'inödo: —Chahua a̧di̧ rö̧jä̧chi̧'ä̧cu̧sä̧.

San Juan 19:24

Jahuätö su̧ro̧da̧u̧ ttamönä pä'ähuinätödö: —Seropö ticu juiyätucua pä'ätucui. Dittö jueö päaja pä'ö totätucua. Ja̧'hua̧nö̧ jȩtto̧mȩnä̧, Huȩyu̧cuä̧ Huȩnȩ päö'a̧nö̧ jȩpi̧nä̧tö̧do. Ja̧u̧ Huȩnȩ päa'a: “Chö̧'ca̧tä̧huä̧ti̧yu̧ dittö jueö päaja pä'ö iyä'chäcuähuinätödo.” Ja̧'hua̧nö̧ jȩpi̧nä̧tö̧do su̧ro̧da̧u̧mä̧.

San Mateo 26:31

Juhua'attö Jesús pä'inödo u̧huo̧juȩtä̧u̧ru̧: —Jitä yodo ucutumä o'ca toi'önä ttörö jarocu'ipäcuotöjä. Huȩyu̧cuä̧ Huȩnȩ päa'a: “O̧vȩja̧stö̧rö̧ tta̧huä̧rä̧cuä̧huä̧ i̧sa̧rö̧ cuä'ö chi̧cuä̧cua̧. Ja̧u̧ru̧ cuä'ö chicu o'ca'a, o̧vȩja̧stö̧ töttipächäcuotö.”