San Mateo 25:45 - TÄ̧DO Ä̧CUÄ̧ I̧HUȨNȨ

⁴⁵ Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ttörö esetörö, usurä i̧sa̧rö̧'i̧nä̧ ttörö esetörö, ppäcuhuädätucuoca'anä, ttörötä ppä'ädocotö pi̧nä̧tö̧jä̧”, pä̧cua̧ Ru̧hua̧mä̧.

Nuevo Testamento Uwotjüja

⁴⁵ Ja̧'wa̧nü̧ pättomȩnä̧ chä̧dä̧tä̧kua̧sä̧: Isopäi'ünä̧ pä'üsä ukuturu, pitü ppo̧'ä̧tü̧ ja̧'a̧nä̧ ya̧tȩrü̧ ppäkuädätukuoka'a ji̧na̧'a̧mä̧, ttürü'i̧nä̧ ppä'ädokotü pinä̧tü̧jä̧.

San Mateo 25:45 Referans Kwoze

Hechos 9:5

Saulo pä'inödo: —Chu̧ru̧hua̧, ¿di jä̧ ucumä? Ja̧'hua̧nö̧ jäepomenä ädätinödo: —Ttötäsä Jesúsmä. Suronä jȩcu̧'u̧mä̧ ttörötä suronä jȩpö̧jä̧. Ucutä cuamönätä suronä jȩpä̧cuä̧u̧jä̧, buey chuta amönä so̧a̧ri̧nä̧ teächäcuähua'a jä̧'i̧nö̧'a̧nö̧.

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

San Mateo 10:41

Ja̧'hua̧ta̧nö̧ ya̧tȩ Dios i̧huȩnȩ jiäcuähuä i̧sa̧rö̧, Dios i̧huȩnȩ ä̧ju̧cu̧, eseunu ppädöttömä, ja̧u̧mä̧ Dios i̧huȩnȩ jiäcuähuä i̧sa̧ ȩmö̧'a̧nö̧ ȩmä̧cua̧ adihuä juäi. Ya̧tȩ adihuä i̧sa̧rö̧, adihuä juäi jȩo̧mȩnä̧ topö, adiu ppädöttömä, ja̧u̧ adihuä i̧sa̧ ȩmö̧'a̧nö̧ ȩmä̧cua̧ adihuä juäi.

San Mateo 25:44

Ja̧'hua̧ ja̧'a̧ jahuätö pättäcuotö: “Tu̧ru̧hua̧, cucua ppäi rö̧jo̧mȩnä̧'i̧nä̧, cuahua a̧di̧ rö̧jo̧mȩnä̧'i̧nä̧, ¿ti̧yȩnö̧ totina'ajä̧ttö̧? Kara'attö ichäcuähuotö ta'anö cuecuhuächomenä, tojusodenä cu̧ja̧ pä'ö, ¿ti̧yȩnö̧ huetoca'a ji̧na̧'a̧jä̧ttö̧? Na̧cu̧huä̧cho̧mȩnä̧'i̧nä̧, cärenä cu̧'a̧'a̧'i̧nä̧, ¿ti̧yȩnö̧ ppä'ädö ti̧'cho̧ca̧'a̧ ji̧na̧'a̧jä̧ttö̧?” pättäcuotö.

San Mateo 25:46

Ja̧u̧nu̧ o'ca'a jahuätömä ocurära̧'a̧ beipocarära̧'a̧ tä̧bo̧cuä̧ päi'önä tti̧'chä̧cuo̧tö̧. Korotötä, Diosrö pä̧huä̧ rö̧jo̧mȩnä̧ jȩpä̧tö̧tä̧, kä̧cuä̧huä̧ i'co ttu̧ju̧nä̧rä̧cuo̧tö̧, —pä'inödo Jesús.

1 Corintios 8:12

Ja̧'hua̧nö̧ ja̧'a̧ttö̧ cu̧jä̧hua̧tö̧ ji̧'qui̧cha̧nö̧ esetätö, ucuturu topö suronä jȩtto̧mȩnä̧, ucutu'inä Cristorö suronä jȩpä̧tö̧jä̧.