Biblia Todo Logo
Bib sou entènèt

- Piblisite -




San Mateo 25:36 - TÄ̧DO Ä̧CUÄ̧ I̧HUȨNȨ

36 Chö̧'ca̧tä̧huä̧ta̧'i̧nä̧ juidomenä, chö̧'ca̧tä̧huä̧ta̧ iyinätöjä. Na̧dä̧cho̧mȩnä̧, ttörö ppä'ädö ichinätöjä. Cärenä chö̧'a̧'a̧, ttörö topö ichinätöjä”, pä̧cua̧ Ru̧hua̧.

Gade chapit la Kopi

Nuevo Testamento Uwotjüja

36 Chü̧'ka̧tä̧wä̧ta̧ juida'a'i̧nä̧, ku̧'ka̧ti̧nä̧tu̧kuä̧ku̧sä̧; na̧dä̧cho̧mȩnä̧'i̧nä̧, do'ächü ichinä̧tü̧jä̧; kärenä̧ chü̧'o̧mȩnä̧'i̧nä̧, topü kuichinä̧tu̧kuä̧ku̧sä̧.

Gade chapit la Kopi




San Mateo 25:36
17 Referans Kwoze  

Tä'o Diosrö adiu ami iso'quinä idicuächö juiyönä esetömä, reyotörö'inä, rȩcua̧mö̧rö̧'i̧nä̧ ppädö'a̧nö̧ ja̧'a̧, surojö 'cuäopomenä. Ja̧'hua̧ta̧nö̧ pi̧jä̧ jähuä suronä amöcuädö jȩpo̧cö̧.


Ja̧'hua̧ta̧nö̧ cärenä pȩjä̧tö̧rö̧ cunichi'ätucuä'. Jahuätöcu cärenä cu̧'ä̧tu̧cua̧'a̧ jä̧'i̧nö̧'a̧nö̧ amöcuädätucui. Korotö suronä jȩttä̧u̧ru̧ amöcuädö, ucutu'inä jahuätöcu ubara ttucuhuätucua'a jä̧'i̧nö̧'a̧nö̧ ppä'ädätucui.


Ja̧'hua̧ta̧nö̧ cärenä pȩjä̧tö̧rö̧ re rö̧jö̧nä̧ topö amöcuädinätöjä. Cuhuäretucu 'chottipomenä, ja̧'a̧tä̧ eseunu to̧pä̧ri̧nä̧tö̧jä̧. Ja̧'hua̧nö̧ jȩtta̧'a̧ ja̧u̧ juäittö'inä abonänö adihuä juäi, yoröiso beipocö juäi, mo̧ro̧jä̧ra̧'a̧ cu̧ju̧nä̧rä̧tu̧cua̧'a̧ huo̧jui̧nä̧tö̧jä̧.


Ucuturu huo̧juȩti̧nö̧sä̧ rö̧ȩnä̧ taditö'a̧nö̧ ja̧'a̧ usurä isotörö ppätäda pä'ö. Ja̧'hua̧ta̧nö̧ Tu̧ru̧hua̧ Jesús i̧huȩnȩ tamöcuädö'a̧nö̧ ja̧'a̧. Jesús pä'inö: “Ȩmä̧tö̧ttö̧'i̧nä̧ abonänö eseunu ka̧cuä̧tö̧ iyätömä”, —pä'inödo Pablo.


Juan jahuätörö ädätinödo: —To̧ta̧rȩ a̧mö̧ca̧ o̧ta̧ ku̧nä̧rö̧mä̧ ji̧ta̧tȩ iyö'a̧nö̧ ja̧'a̧ ya̧tȩ yoröiso jui̧'a̧rö̧. Ja̧'hua̧ta̧nö̧ u̧cuȩ ku̧nä̧rö̧mä̧ 'quȩ'ȩpö̧ iyö'a̧nö̧ ja̧'a̧ ya̧tȩ u̧cuȩ jui̧'a̧rö̧.


Kara'attö ichäcuähuotö ta'anö cuedächomenä, cuojusodenä chö̧ja̧ pä'ö hue'ocotö pi̧nä̧tö̧jä̧. Chö̧'ca̧tä̧huä̧ta̧ juidomenä, iyocotö pi̧nä̧tö̧jä̧. Na̧dä̧cho̧mȩnä̧'i̧nä̧, cärenä chö̧'a̧'a̧'i̧nä̧ yoröiso ttörö topö ichocotö pi̧nä̧tö̧jä̧”, pä̧cua̧ Ru̧hua̧.


Ja̧'hua̧ ja̧'a̧ huoinä̧u̧mä̧ pättäcuotö: “Chu̧ru̧hua̧, cucua ppäi rö̧jo̧mȩnä̧, ¿ti̧yȩnö̧ totina'ajä̧ttö̧? Cu̧cuȩmä̧ ¿ti̧yȩnö̧ tiyina'ajä̧ttö̧? Cuahua a̧di̧ rö̧jo̧mȩnä̧, ¿ti̧yȩnö̧ totina'ajä̧ttö̧? Cuahuamä, ¿ti̧yȩnö̧ tiyina'ajä̧ttö̧?


Swiv nou:

Piblisite


Piblisite