San Mateo 24:7 - TÄ̧DO Ä̧CUÄ̧ I̧HUȨNȨ

⁷ Korotö ttö̧ja̧ korotö ttö̧ja̧cu̧ ttörohuähuäcuotö. Ko̧ro̧jä̧ ttö̧ja̧ ko̧ro̧jä̧ ttö̧ja̧cu̧ ttörohuähuäcuotö. Rö̧ȩnä̧ ppäi ttuttäcuotö. Rö̧ȩnä̧ na̧ttä̧chä̧cuo̧tö̧. Rȩjȩ'i̧nä̧ korome pö̧nä̧ ttö̧ȩpä̧cua̧'a̧.

Nuevo Testamento Uwotjüja

⁷ Ja̧'wa̧nü̧ ja̧'a̧nä̧'i̧nä̧ kko̧ro̧jä̧ ttü̧ja̧mä̧ kko̧ro̧jä̧ ttü̧ja̧ku̧ ttürowäwäkuotü ja̧'wa̧ta̧nü̧ kko̧ro̧jä̧ ruwotümä̧ kko̧ro̧jä̧ ruwotüku ttürowäwäkuotü; ja̧'wa̧ta̧nü̧ ppäi ttuttäkuotü, rȩjȩ'i̧nä̧ tti̧'ȩpü̧ pparächäkua'a, kkara'a pünä̧mä̧.

San Mateo 24:7 Referans Kwoze

San Lucas 21:11

Rȩjȩ'i̧nä̧ korome pö̧nä̧ ttö̧ȩpä̧cua̧'a̧. Rö̧ȩnä̧ ppäi ttuttäcuotö. Rö̧ȩnä̧ na̧ttä̧chä̧cuo̧tö̧. Mo̧ro̧jä̧ jähuä, yoröiso tottocö juäi'inä, topö yettecui'äcuotö.

Apocalipsis 6:8

Tochomenä, ka̧ra̧ caballo tu'unänö hua̧rö̧ topinösä. Ja̧u̧ caballorö huä̧mä̧di̧nö̧mä̧, 'Corupäi'äcuähuä pä'ö mi̧cui̧nö̧. Chutä o'ca'anä hua'are huattome tta̧huä̧rä̧cuä̧huä̧ i̧sa̧ ichinö. Ujuru ttiyinäcu pi̧jä̧ ttö̧ja̧ttö̧, ju'tome cuä'ö icua pä'ö, rohuäcuähuättö'inä, ppäi ttuähuättö'inä, märicheittö'inä, pi̧jä̧ isotö päicuätöttö'inä.

Hechos 11:28

Jahuätöttö ya̧tȩ, Agabo pä'ö mi̧cua̧, Jesucristorö esetätö ttö̧'quȩtȩttö̧ ä̧rä̧mi̧'i̧nö̧do. Ji'ähuinödo Espíritu Santo huo̧juȩcuä̧nä̧, pi̧jä̧nä̧ o'ca juiyönä rö̧ȩnä̧ ppäi ttuttäcuotö pä'ö. Iso päi'önä chutä päinö ta'anö, ppäi ttu'inätödo Claudio ru̧hua̧ päi'önä ö̧ji̧nö̧mä̧.

Apocalipsis 6:12

Ja̧'hua̧ta̧nö̧ Cordero koro ko̧ro̧mö̧ttö̧nö̧ ya'ute sello jȩpö̧ icuomenä, rȩjȩ rö̧ȩnä̧ ttö̧ä̧hua̧'a̧ topinösä. Mo̧ro̧ kä̧hua̧mä̧, korotö hua'ö tticuomenä, ttahuaruhuä ttö̧'ca̧tä̧huä̧ti̧yu̧ idicuä̧ta̧ ttö̧'ca̧tä̧u̧'a̧nö̧ idicuina'a. Yodo kä̧hua̧mä̧ ttö̧ja̧ ttucuoja jä̧'i̧nö̧'a̧nö̧ hui̧nö̧.

Hebreos 12:27

Jitä ya'utenätä päomenä, o'ca juiyönä Dios aditinö ttö̧ȩpö̧mä̧ jȩpö̧ icuäcua'a huo̧juä̧tö̧jä̧. Ja̧'hua̧ta̧nö̧ ttö̧ȩpo̧cö̧tä̧ ki̧'ä̧cua̧'a̧do.

Hechos 2:19

Mo̧ro̧jä̧ra̧'a̧ttö̧ ttö̧ja̧ ttieru juäi chi̧jȩpä̧cua̧sä̧. Pi̧jä̧nä̧mä̧ chi̧jȩpä̧cua̧sä̧ ttucuoja'inä, ocurä'inä, ocurä isoppa'inä.

Apocalipsis 6:5

Ja̧u̧nu̧ o'ca'a, Cordero koro huäbodäcuänä sello jȩpö̧ icuomenä, jahuätö isotö a̧'cua̧rä̧tö̧ttö̧ i̧sa̧ huämetucuä päi'önä pä'inö: —¡Topächi! Tochomenä, ka̧ra̧ caballo i̧di̧cua̧rö̧ topinösä. Ja̧u̧ caballorö huä̧mä̧di̧nö̧mä̧, pa̧ja̧cuäbi 'chu̧'ä̧ri̧nö̧ u̧mö̧nä̧.

Apocalipsis 6:6

Ja̧u̧nu̧mä̧ isotö a̧'cua̧rä̧tö̧ ttö̧'quȩtȩttö̧ ya̧tȩ i̧huȩnȩ päa'a ä̧ju̧cui̧nö̧sä̧. Ja̧u̧ huȩnȩ päina'a: —Ya̧mö̧ i̧sa̧ppȩttö̧, ya'ute kilo ȩmä̧huä̧, ya'ute mo̧ro̧ adicuome micuähua'a. Ja̧'hua̧ta̧nö̧ cebada i̧sa̧ppȩttö̧, huäbodäcuä kilos ȩmä̧huä̧, ya'ute mo̧ro̧ adicuome micuähua'a. Ja̧'hua̧nö̧ ja̧'a̧nä̧ a̧dȩ'i̧nä̧, vino uva isoya'inä yoröiso to'ö cuicuätucuä'.