San Mateo 24:45 - TÄ̧DO Ä̧CUÄ̧ I̧HUȨNȨ

⁴⁵ Juhua'a yabonö huo̧juȩti̧nö̧do Jesús: —¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, ojusode ruhuärö ttu̧cuȩ iya pä'ö.

Nuevo Testamento Uwotjüja

⁴⁵ ¿Tideja̧'a̧jä̧ttü̧ u̧mü̧wä̧ya̧ ttu̧'ȩpä̧rü̧nü̧ ukuotümä̧? jua̧u̧mä̧ chú jä̧kua̧'a̧, u̧ru̧wa̧ ojusodenä̧ we'ü u̧ju̧ni̧'ä̧ku̧, ttu̧kuȩ iyäwomȩ pätekuächomȩnä̧ iyiyarü pä'ü.

San Mateo 24:45 Referans Kwoze

San Mateo 25:21

Ja̧u̧ ru̧hua̧ pä'inödo: “Ye, adihua'a. Ucu adiu jȩpö̧jä̧, chu̧mö̧huä̧ya̧. Ji̧'qui̧cha̧nö̧tä̧ chiyina'a'inä adiu jȩcu̧'i̧na̧'a̧ttö̧, rö̧ȩnä̧nö̧ chi̧yä̧cua̧jä̧. Do'ächi'ö esehui ttöcu.”

San Mateo 25:23

Ja̧u̧ru̧ pä'inödo ru̧hua̧mä̧: “Ye, adihua'a. Ucu adiu jȩpö̧jä̧, chu̧mö̧huä̧ya̧. Ji̧'qui̧cha̧nö̧tä̧ chiyina'a'inä adiu jȩcu̧'i̧na̧'a̧ttö̧, rö̧ȩnä̧nö̧ chi̧yä̧cua̧jä̧. Do'ächi'ö esehui ttöcu.”

Hebreos 3:5

Moisés adicuä i̧sa̧ ta'anö adiunätä jȩpi̧nö̧do Dios umöhuäyotörö. Chutä aditähuä päi'önä ucuocuinödo Dios jiähuä̧cuȩtä̧.

2 Timoteo 2:2

Ttö chu̧huo̧juȩto̧mȩnä̧ cuä̧ju̧cui̧nö̧mä̧ recuätö ttä'ca jo̧mȩttö̧ huo̧juȩti̧ adiu jȩpö̧ cue'ächätörö juhua'a yabo korotörö ttu̧huo̧juȩtö̧'a̧nö̧ huotörö.

1 Timoteo 1:12

Chu̧ru̧hua̧ Jesucristorö, chujuru iyinörö, eseusä. Ja̧u̧tä̧ ttörö adiu amöcuädö hueinäcusä, ttömä i̧huȩnȩ jidähua pä'ö.

Apocalipsis 2:13

O'ca juiyönä jȩcu̧'u̧ huo̧jua̧sä̧. Satanás ö̧jo̧mȩ cu̧ja̧'a̧ huo̧jua̧sä̧. Ja̧'hua̧ta̧nö̧ ja̧'a̧nä̧ adiunätä cue'ächöjä ttörö esetö huo̧jua̧sä̧. Ttörö yoröiso jaropi'ocöjä. Ttö chi̧huȩnȩ jiäcuähuä i̧sa̧ Antipasrö, Satanás ö̧jo̧mȩttö̧, ucutu cu̧'quȩtȩtu̧cu̧nä̧ ö̧jo̧mȩnä̧, cuä'ö tticuinö pä̧nä̧'i̧nä̧ jaropi'ocö pi̧nö̧jä̧.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

San Lucas 19:17

U̧ru̧hua̧ ädätinäcudo: “Juiyo adihua'a, chu̧mö̧huä̧ya̧ adihuä i̧sa̧. Täcö a̧'u̧cu̧nä̧tä̧'i̧nä̧ adihuä i̧sa̧ päjijäto. Ja̧'hua̧nö̧ ja̧'a̧ttö̧ to̧mö̧rȩ jähuä ötahuiyä ru̧hua̧ päi'önä huȩdä̧cua̧jä̧.”

San Mateo 13:52

Ja̧'hua̧ ja̧'a̧ jahuätörö pä'inödo: —Ya̧tȩ huo̧juȩcuä̧ i̧sa̧ Dios Ttu̧ru̧hua̧ päi'önä ö̧jä̧cuȩ huȩnȩ adiu u̧huo̧jui̧'o̧mȩnä̧, ja̧u̧ ka̧ra̧ ru̧hua̧ öärettö koro juäi jareö'inä, täbo jähuä'inä ȩmö̧ jä̧'i̧nö̧'a̧nö̧ hua̧, —pä'inödo Jesús.

San Mateo 10:16

Juhua'a yabonö pä'inödo Jesús: —Ä̧ju̧cuä̧tu̧cui̧, o̧vȩja̧stö̧, yä̧hui̧tö̧ ttö̧'quȩtȩ tti̧'cha̧'a̧ jä̧'i̧nö̧'a̧nö̧ hue'ösä ucuturu. Ä̧ca̧tö̧ baraunä yö̧'ä̧tö̧ ttu̧'ȩpä̧rö̧ ttö̧'a̧'a̧ jä̧'i̧nö̧'a̧nö̧ cu̧ja̧cuä̧tu̧cua̧'a̧nä̧, u̧nu̧cu̧tu̧ yoröiso baraunä jȩpo̧co̧tö̧ ttö̧jö̧'a̧nö̧ adiunä ka̧cuä̧tu̧cui̧, korotörö suronä jȩcu̧'ä̧tu̧cuo̧ca̧'a̧.

San Mateo 25:2

Jahuätöttö ji̧mö̧tȩ ruhuä u̧ni̧chä̧rö̧ ka̧cui̧nätö̧do. Korotö ji̧mö̧tȩ ruhuä a̧mö̧cuä̧rö̧nö̧ ka̧cui̧nä̧tö̧do.

San Mateo 7:24

“Ja̧'hua̧nö̧ ja̧'a̧ttö̧ ya̧tȩ ttö pädömä ä̧ju̧cu̧ jȩo̧mȩnä̧, ka̧ra̧ rö̧ȩnä̧ huo̧jua̧ ojusode inähuä huäme aditinö jä̧'i̧nö̧'a̧nö̧ hua̧.

San Mateo 24:46

Eseunu ö̧jä̧cua̧ ja̧u̧ adicuä i̧sa̧, u̧ru̧hua̧ ichomenä hueinö jȩa̧'a̧ tomenä.