San Mateo 24:3 - TÄ̧DO Ä̧CUÄ̧ I̧HUȨNȨ

³ Ja̧u̧nu̧ o'ca'a Olivos inähuära̧'a̧ 'chi̧nä̧tö̧do. Jesús juhua'atä ö̧'o̧mȩnä̧, u̧huo̧juȩtä̧u̧mä̧ korotö tomettö jä'epinätödo: —Jitä päcuhuäjimä 'cuäopä̧cuȩ mo̧ro̧ jicuhuähuatö pä'ätöjä. Ucu cuichäcua'a, ¿tta̧'a̧nö̧ tu̧huo̧juä̧cua̧'a̧jä̧ttö̧? Röji mo̧ro̧ päi'omenä, ¿tta̧'a̧nö̧ tu̧huo̧juä̧cua̧'a̧jä̧ttö̧?

Nuevo Testamento Uwotjüja

³ Jua̧u̧nü̧ o'ka'a olivo kka̧kuä̧'ka mü̧ä̧'kara̧'a̧ 'chä̧wi̧'ä̧ji̧'ka̧ Jesú-mä̧ ü̧'a̧'a̧, u̧wo̧juȩtä̧u̧mä̧ päkuotütä 'chä̧wi̧'ü̧ jättepinä̧ku̧: —Ji'äwitü pi̧yȩmä̧ ti̧yȩnü̧ jä̧kua̧'a̧jä̧ttü̧. ¿Uku kuichäkua'a ä'kanä̧mä̧ ja̧'wa̧ta̧nü̧ pi̧jä̧ beipächäkua'a ä'kanä̧mä̧, däjettü̧ topü wo̧juä̧wä̧kua̧'a̧jä̧ttü̧? pättäku,

San Mateo 24:3 Referans Kwoze

Hechos 1:7

Ja̧'hua̧nö̧ jättepomenä, ädätinödo Jesús: —Ja̧u̧ huȩä̧cuȩ mo̧ro̧ ucutu huo̧juo̧co̧tö̧jä̧. Chä'o hueömä, churutä pä̧huä̧ rö̧jo̧mȩnä̧tä̧ huȩä̧cua̧.

San Mateo 24:37

“Noé ö̧ji̧nö̧ 'cuäopinö ta'anö, 'cuäopäcua'a Ubo I̧tti̧ ichomenä.

San Mateo 13:49

Ja̧'hua̧nö̧ päi'äcua'a röji mo̧ro̧ päi'omenä. Angeles ichi'ö, adiu jȩpä̧tö̧ ttö̧'quȩtȩttö̧ suronä jȩpä̧tö̧rö̧ 'quȩ'ȩpö̧ tticuäcuotö.

San Lucas 21:7

Ja̧'hua̧ ja̧'a̧ttö̧ ja̧u̧ru̧ jä'epinätödo: —Huo̧juȩcuä̧ I̧sa̧, ja̧u̧mä̧ ¿ti̧yȩnö̧ 'cuäopäcua'ajä̧ttö̧? Ja̧u̧ o'ca juiyönä 'cuäopä̧cuȩ mo̧ro̧ ¿tta̧'a̧nö̧ tu̧huo̧juä̧cua̧'a̧jä̧ttö̧?

San Mateo 21:1

Jerusalén ötahuiyära̧'a̧ tö'cönänö tti̧'chi̧'o̧mȩnä̧, Betfagé ötahuiyära̧'a̧ 'chä̧hui̧'i̧nä̧tö̧do. Betfagé ötahuiyämä Olivos inähuä kada'ca ji̧no̧mȩ. Juhua'attö Jesús u̧huo̧juȩtä̧u̧ru̧ ta̧ju̧ru̧ hue'inödo:

San Mateo 24:39

Jahuätö ja̧'a̧tä̧ u̧ni̧chä̧rö̧ ka̧cui̧nä̧tö̧do aje suhuädi'omenätä amöcuädö. Jahuätö o'ca toi'önä to'ei'inätödo. Ja̧'hua̧ta̧nö̧ jä̧cua̧'a̧ Ubo I̧tti̧ ichomenä.

San Mateo 24:27

Ko̧ro̧nö̧ mo̧ro̧ kä̧hua̧ räopa'acuttu, kä̧hua̧ ma̧ä̧cha̧'a̧cu̧ttu̧ cu'upä örohua'a tocu'ätucua'a jä̧'i̧nö̧'a̧nö̧ tocu'äcuotöjä Ubo I̧tti̧ ichomenä.

Hebreos 9:26

Ja̧'hua̧nö̧ jȩö̧ttö̧mä̧, pi̧jä̧ aditinö o'ca'a, rö̧ȩnä̧ 'corupä'i'aji. Juhua'acucö̧. Pi̧yȩ pä̧nä̧ 'cuäopa'anä, Cristo ya'utenätä ichö, amönä iyähuinödo sacrificio päi'önä, o'ca toi'önärö suronä jȩttö̧ jȩpö̧ icu.

San Mateo 28:20

Ucuturu o'ca juiyönä chu̧huo̧juȩti̧nö̧, jȩtta̧ pä'ö huo̧juȩtä̧jä̧tu̧cui̧. Ja̧'hua̧ta̧nö̧ cu̧huo̧juä̧tu̧cua̧ pä'ö pä'ösä, ucutucu mo̧ro̧ji̧nö̧ a̧'u̧cuä̧ chö̧jä̧cua̧sä̧ pi̧jä̧ beipächome jubö päi'önä, —pä'inödo Jesús. Amén.

San Mateo 17:19

Ja̧u̧nu̧ o'ca'a katä pätti'omettö u̧huo̧juȩtä̧u̧mä̧ jä'epinätödo Jesúsru: —¿Dä̧bö̧ räopoca'ajä̧ttö̧ espíritu su̧ro̧pa̧, ujutu räopächa pä'ö huetomenä?

San Mateo 24:43

Ja̧'hua̧ ja̧'a̧nä̧ pi̧yȩ huo̧juä̧tu̧cui̧, ya̧tȩ isode ru̧hua̧ nä̧u̧cuä̧rö̧ ichi'äcuome u̧huo̧ju̧ttu̧mä̧, topäraji, nä̧u̧cuä̧rö̧ ojusodenä doächö juiya pä'ö.

San Mateo 15:12

Ja̧'hua̧ ja̧'a̧ u̧huo̧juȩtä̧u̧mä̧ Jesúsru tö'cönänö ichi'ö pä'inätödo: —Ucu päcuhuäjimä kö'cocotödo pä'äjätö fariseos huotömä.

San Mateo 13:36

Ja̧'hua̧nö̧ ja̧'a̧ttö̧ Jesús ttö̧ja̧rö̧ ji'ähui'ö, isodenä do'ächinödo. U̧huo̧juȩtä̧u̧ ja̧u̧ru̧ tö'cönänö ichi'ö pä'inätödo: —Surä'cua huȩnȩ jicuhuähuäji, adiu ji'ähuitö pä'äji ta'anö.

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

San Mateo 16:28

Iso päi'önä pä'ösä ucuturu, jitä mo̧ro̧ pȩnȩ ka̧cuä̧tö̧ttö̧mä̧, korotömä ttö̧ja̧cuä̧cuo̧tö̧ Ubo I̧tti̧ Ttu̧ru̧hua̧ päi'önä ö̧ja̧ pä'ö ichäcua'a tottome jubö päi'önä, —pä'inödo Jesús.

San Mateo 24:30

Ja̧'hua̧nö̧ päi'omenä, mo̧ro̧jä̧ra̧'a̧ttö̧ Ubo I̧tti̧ icha'a i̧jȩcua̧'a̧ tottäcuotö. Pi̧jä̧ pa̧ja̧cu̧nä̧ ttajuähuäcuotö. Ubo I̧tti̧, adihuä ujurunä dä'änö kä̧dȩpö̧nä̧, ajiya isoppanä icha'a tottäcuotö.