San Mateo 20:4 - TÄ̧DO Ä̧CUÄ̧ I̧HUȨNȨ

⁴ Jahuätörö pä'inödo: “Ucutu'inä chö'ättanä aditäjätucui. Cuaditö micuähuome jo̧mȩ chi̧mi̧tä̧cua̧sä̧ ucuturu.” Ja̧'hua̧ ja̧'a̧ aditö 'chi̧nä̧tö̧do.

Nuevo Testamento Uwotjüja

⁴ Juätürü pä'inü̧; chi'ätta uwa pättara̧'a̧ aditäjätukui, jua'akumä̧ mikuäwächünä̧ jo̧mȩ chi̧mi̧tä̧kuä̧u̧jä̧; pä̧u̧mä̧ aditü 'chi̧nä̧tü̧.

San Mateo 20:4 Referans Kwoze

1 Pedro 1:13

Ja̧'hua̧nö̧ ja̧'a̧ttö̧ adiu amöcuädätucui cuaditätucuä̧cuȩ. Adiu cua̧'cua̧ pö̧nö̧ ka̧cuä̧tu̧cui̧. Adiu amöcuädö tta̧'ä̧rä̧tu̧cui̧ Dios ucuturu repe'ö iyä̧cuȩmä̧, Jesucristo ichomenä.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

Colosenses 4:1

Ucutu ruhuotö'inä, adiu mitätucui ucutucu aditätörö, o'ca juiyönä ttaditö micuä päi'önä. Ja̧'hua̧nö̧ jȩpö̧ cunichi'ätucuä' Cu̧ru̧hua̧'i̧nä̧ kö̧ mo̧ro̧jä̧ra̧'a̧.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

San Mateo 9:9

Jesús juhua'attö rä'opächinödo. Ju̧huȩnȩ yabonänö ya̧tȩ Mateo pä'ö mi̧cua̧rö̧ topinödo. Ja̧u̧ Mateomä, ru̧hua̧ öäre pärätä ttȩmä̧'i̧jo̧mȩ pi̧nö̧do. Ja̧u̧ru̧ pä'inödo: —Ttöcu ichi. Ja̧'hua̧nö̧ päomenä, Mateo ä̧rä̧mi̧'ö̧ 'chi̧nö̧do Jesúscu.

San Mateo 20:3

Ja̧u̧nu̧ o'ca'a, kä̧hua̧ dauhuiyä huämenä ö̧ja̧'a̧, ötahuiyära̧'a̧ 'chä̧nö̧, korotö adicuä ttö̧ja̧rö̧ plazanä ja̧'a̧tä̧ ttö̧'a̧'a̧ topinödo.

San Mateo 20:5

Kä̧hua̧ jueö kö̧rö̧'i̧nä̧, kä̧hua̧ huerächi'örö'inä ja̧'hua̧ta̧nö̧ adicuä ttö̧ja̧rö̧ usu cue'ächinödo.