San Mateo 2:6 - TÄ̧DO Ä̧CUÄ̧ I̧HUȨNȨ

⁶ Ja̧u̧ huȩyu̧ti̧nö̧do: Belén ötahuiyä, Judá ttö̧ja̧ tti̧rȩjä̧ttö̧, pi̧jä̧ hueähuomettö kara'attö'inä abonänö ttucuotome. Belén ötahuiyättö u̧huä̧pä̧chä̧cua̧ ya̧tȩ ru̧hua̧mä̧, o'ca toi'önärö chidepiyu Israel tta̧huä̧rä̧cua̧mä̧, pä'ö huȩyu̧ti̧nö̧do.

Nuevo Testamento Uwotjüja

⁶ «Uku Berȩ́mä̧ rü̧ȩnä̧ ukuo isomȩjä̧ Judá isotü ttidepiyuttumä̧, Ukuttümä̧ u̧wä̧pä̧chä̧kua̧ ttü̧ja̧ ttu̧ru̧wa̧ príncipe pättäku, chumüwäyotü Irae ttü̧ja̧rü̧ juȩpä̧rä̧kua̧.»

San Mateo 2:6 Referans Kwoze

San Juan 7:42

Huȩyu̧cuä̧ Huȩnȩ päa'a: “Cristo, ru̧hua̧ David a̧hua̧ru̧hua̧ jä̧cua̧. Ja̧'hua̧ta̧nö̧ David ö̧ji̧no̧mȩ, Belén ötahuiyänä u̧huä̧pä̧chä̧cua̧,” päa'a.

Apocalipsis 11:15

Ka̧ra̧ ángel, ko̧ro̧mö̧ttö̧nö̧ ta̧ju̧nu̧ päi'önä, öäre trompeta ppö'inö. Ppöomenä, recuätö tti̧huȩnȩ pä̧i̧cu̧nä̧ ttucuocua'a mo̧ro̧jä̧ra̧'a̧ttö̧ ttä̧ju̧cui̧na̧'a̧. Pa̧'a̧nö̧ ucuocuina'a: Jitämä pi̧jä̧nä̧ hueömä ujutu Tu̧ru̧hua̧ Cristo hueäcua'a̧nö̧. Ja̧u̧ 'cuäopönätä huȩä̧cua̧.

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

Apocalipsis 2:27

Chä'o ttörö iyinö'a̧nö̧, chi̧yä̧cua̧sä̧ jahuätörö. Koro juäi cuo̧rä̧ujä̧ chu̧'ä̧rö̧ huetta'a jä̧'i̧nö̧'a̧nö̧, huettäcuotö pi̧jä̧ ttö̧ja̧rö̧. Koro juäi redä'cattö adicua'a 'te'chäu tticu'a̧nö̧ 'te'chäu tticuäcuotö pi̧jä̧ ttö̧ja̧rö̧.

Colosenses 1:18

Ja̧'hua̧ta̧nö̧ ja̧u̧mä̧, Cristomä, o'ca toi'önä ja̧u̧ru̧ esetätörö, ja̧u̧ jä̧ttä̧pä̧ya̧ huotörö, Tu̧ru̧hua̧ päi'önä kö̧. Ja̧u̧ jahuätörö tta̧'cua̧rö̧ iyö. Ja̧u̧ hua'arettö ä'canä tto'ächinö. Ja̧'hua̧nö̧ ja̧'a̧ ja̧u̧ o'ca juiyönä ä'canä ö̧jä̧cua̧.

San Mateo 2:1

Jesús Belén ötahuiyättö Judea rȩjȩttö̧ uhuäpächinödo. Ja̧u̧nu̧ pä̧nä̧ Herodes pä'ö mi̧cua̧ juhua'attö ru̧hua̧ pi̧nö̧do. Ja̧'hua̧nö̧ ja̧'a̧ korotö, mo̧ro̧jä̧ jähuä huo̧juä̧tö̧mä̧, kara'attö kä̧hua̧ räopa'acuttu ichö, rȩbȩhui̧nä̧tö̧do Jerusalén ötahuiyära̧'a̧.

Efesios 1:22

O'ca juiyönä Cristo ö̧jä̧pö̧ dȩa̧'a̧nä̧ rötinödo Dios. Ja̧'hua̧ta̧nö̧ ja̧u̧ru̧ esetätörö hue'inödo Cristorö ttu päi'önä ö̧ja̧ pä'ö.

San Juan 21:16

Pä'äji ta'anö todärenä jä'epinödo Jesús: —Simón, Jonás i̧tti̧, ¿ttörö repe'öjä tä̧ji̧? Pedro ja̧u̧ru̧ ädätinödo: —A̧'a̧, Chu̧ru̧hua̧. Ucuru repe'ösä huo̧jua̧jä̧. Ja̧'hua̧ ja̧'a̧ pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö.

Hebreos 7:14

Iso päi'önä o'ca toi'önä huo̧juä̧tö̧do, ujutu Tu̧ru̧hua̧, Judá ahuaruhuättö i̧sa̧ pi̧nö̧. Ja̧'hua̧nö̧ ja̧'a̧nä̧ Moisés sacerdotes huotö ttö̧jä̧cuȩ jiähuomenä, Judá ahuaruhuärö pä'ö ji'ähuocö pi̧nö̧.

Apocalipsis 7:17

Chutä Corderomä, i̧dȩä̧cä̧ jo̧mȩ kö̧mä̧, o̧vȩja̧stö̧rö̧ tta̧ttä̧rö̧'a̧nö̧ tta̧huä̧rä̧cua̧ jahuätörö. Ja̧'hua̧ta̧nö̧ kä̧cuä̧huä̧ i'co aje i̧sä̧rä̧ra̧'a̧cu̧ o̧i̧pä̧cua̧ jahuätörö. Ja̧'hua̧ta̧nö̧ ttajuähuomenä, Dios ttö'äre 'ca̧huä̧cua̧.