San Mateo 2:1 - TÄ̧DO Ä̧CUÄ̧ I̧HUȨNȨ

¹ Jesús Belén ötahuiyättö Judea rȩjȩttö̧ uhuäpächinödo. Ja̧u̧nu̧ pä̧nä̧ Herodes pä'ö mi̧cua̧ juhua'attö ru̧hua̧ pi̧nö̧do. Ja̧'hua̧nö̧ ja̧'a̧ korotö, mo̧ro̧jä̧ jähuä huo̧juä̧tö̧mä̧, kara'attö kä̧hua̧ räopa'acuttu ichö, rȩbȩhui̧nä̧tö̧do Jerusalén ötahuiyära̧'a̧.

Nuevo Testamento Uwotjüja

¹ Herode Rey ru̧wa̧ weü pä̧nä̧, Jesú-mä̧ Berȩ́ ütawiyä, Judea rȩjȩttü̧ uwäpächomȩnä̧, mo̧ro̧jä̧ jäwä wo̧juä̧tü̧, kkä̧wa̧ räopa'akuttü Jerusarȩ́ ütawiyära̧'a̧ rȩbȩä̧kuä̧wi̧nä̧tü̧,

San Mateo 2:1 Referans Kwoze

San Juan 7:42

Huȩyu̧cuä̧ Huȩnȩ päa'a: “Cristo, ru̧hua̧ David a̧hua̧ru̧hua̧ jä̧cua̧. Ja̧'hua̧ta̧nö̧ David ö̧ji̧no̧mȩ, Belén ötahuiyänä u̧huä̧pä̧chä̧cua̧,” päa'a.

San Lucas 2:11

Mo̧ro̧ji̧ mo̧ro̧ uhuäpächäji David idepiyuttu ya̧tȩ suronä jȩcu̧'ä̧tu̧cu̧ jȩpö̧ i̧cuä̧cua̧ ucuturu. Ja̧u̧tä̧ Tu̧ru̧hua̧ Cristomä.

San Mateo 2:5

Jahuätö pättinäcudo: —Belén ötahuiyänä Judea rȩjȩttö̧ u̧huä̧pä̧chä̧cua̧, pä'ö huȩyu̧ti̧nö̧do Dios i̧huȩnȩ jiäcuähuä i̧sa̧mä̧.

San Mateo 1:25

Ja̧'hua̧nö̧ ȩmi̧nö̧'ca̧, jahuäjucu ttirecuarö ttö̧jö̧'a̧nö̧ ko̧cö̧ pi̧nö̧do äcuomenä ki̧tti̧ uhuäpächome jubö. Ja̧u̧ uhuäpächomenä i̧mi̧mä̧ Jesús oinäcudo.

San Lucas 2:15

Ja̧'hua̧nö̧ ja̧'a̧ ángeles mo̧ro̧jä̧ra̧'a̧ ppa̧ttä̧chä̧chä̧ji̧ o'ca'a o̧vȩja̧stö̧rö̧ tta̧huä̧rä̧cuä̧huä̧ isotö pä'ähuinätödo ka̧ra̧ ka̧ra̧rö̧: —Belén ötahuiyära̧'a̧ ti̧'chä̧tu̧cua̧, pi̧yȩ 'cuäopäji, Tu̧ru̧hua̧ jiähuäji totätucua.

San Lucas 1:5

Ru̧hua̧ Herodes Judea rȩjȩnä̧ ö̧ji̧nö̧ pä̧nä̧, ya̧tȩ sacerdote Zacarias pä'ö mi̧cua̧ ki̧nö̧do. Ja̧u̧mä̧ Abías isotö i̧sa̧ pi̧nö̧do. Irecuamä Elizabet micuinäjudo. Ja̧'hua̧ta̧nö̧ jahuäju sacerdote Aarón isotö isaju pi̧nä̧ju̧do.

San Mateo 2:19

Ja̧'hua̧nö̧ ja̧'a̧ttö̧ Herodes hua'ö icuinö o'ca'a, ya̧tȩ ángel, Tu̧ru̧hua̧ huȩ'ä̧hua̧, Josérö i̧jȩcui̧nö̧do 'cuo̧ti̧nä̧ Egipto rȩjȩnä̧ ö̧ja̧'a̧. Ja̧u̧ pä'inödo:

San Mateo 2:3

Ru̧hua̧ Herodes ja̧'hua̧nö̧ ä̧ju̧cuo̧mȩnä̧, rö̧ȩnä̧ yecunänö a̧mö̧cuä̧ri̧nö̧do ami iso'quinä. Ja̧'hua̧ta̧nö̧ o'ca toi'önä Jerusalén ötahuiyänä ka̧cui̧nä̧tö̧ rö̧ȩnä̧ a̧mö̧cuä̧ri̧nä̧tö̧do ja̧u̧ juäi ä̧ju̧cu̧.

San Mateo 2:7

Ja̧'hua̧nö̧ ja̧'a̧ttö̧ ru̧hua̧ Herodes yä̧huä̧i̧nä̧ huopinödo jahuätö mo̧ro̧jä̧ jähuä huo̧juä̧tö̧rö̧. Jahuätörö jä'epinödo: —¿Ti̧yȩnö̧ ja̧'a̧ i̧jȩcui̧nä̧ttö̧ ja̧u̧ siri'comä? —jä'epinödo.

San Mateo 2:16

Jahuätö mo̧ro̧jä̧ jähuä huo̧juä̧tö̧ ko̧ro̧mä̧nä̧ ppa̧'ä̧chö̧ tti̧hui̧na̧'a̧ ä̧ju̧cu̧, juiyo ra̧huä̧ri̧nö̧do Herodesmä. Ja̧'hua̧ ji̧yä̧cu̧ su̧ro̧da̧u̧ru̧ hue'inödo o'ca toi'önä ppo̧'ä̧tö̧ u̧mä̧tö̧rö̧, todäre a̧'ȩ jui'ätörö, cuä'ö tticua pä'ö Belén ötahuiyänä ka̧cuä̧tö̧rö̧'i̧nä̧, tö'cönänö ka̧cuä̧tö̧rö̧'i̧nä̧. Ja̧'hua̧nö̧ hue'inödo jahuätö mo̧ro̧jä̧ jähuä huo̧juä̧tö̧ jittähuinö huȩnȩ amöcuädö.