San Mateo 15:27 - TÄ̧DO Ä̧CUÄ̧ I̧HUȨNȨ

²⁷ Ja̧'hua̧nö̧ päcua, pä'inäjudo: —Huo̧jua̧ju̧sä̧, Chu̧ru̧hua̧. Ja̧'hua̧nö̧ ja̧'a̧nä̧ ä̧hui̧ri̧tö̧ ttu̧ru̧hua̧ ucuomettö, ji̧'qui̧cha̧nö̧tä̧ ma̧ä̧cho̧mȩnä̧ cuätö.

Nuevo Testamento Uwotjüja

²⁷ Päomȩnä̧ kkädätinä̧ku̧: —Isopäi'ünä̧tä̧ ja̧'a̧ Chu̧ru̧wa̧; ja̧'wa̧nü̧ ja̧'a̧nä̧ ä̧wi̧ri̧tü̧'i̧nä̧ tturuwotü ttukuomenä̧ mesa isodättü ttawäu kuätü.

San Mateo 15:27 Referans Kwoze

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

San Lucas 16:21

Ja̧u̧ usurä i̧sa̧ järe ru̧hua̧ u̧cuȩ cuäcuähuodä dȩa̧'a̧ ma̧ä̧chö̧tä̧ ucua pä'inödo. Ä̧hui̧ri̧tö̧ öttahuiyä netta pä'ö ttichi'äjinäcudo.

Romanos 10:12

O'ca toi'önä yorätehuätö, judíos ttö̧ja̧'i̧nä̧, judíos huocotö'inä. O'ca toi'önä Ttu̧ru̧hua̧, ya̧tȩä̧tä̧ ja̧'a̧. Ja̧'hua̧ta̧nö̧ o'ca toi'önä ja̧u̧ru̧ jä'epätörö, rö̧ȩnä̧ iyö.

Romanos 3:29

Diosmä ¿judíos ttö̧ja̧tä̧ Ttä̧do̧ ä̧cua̧ tä̧ji̧? ¿Judíos huocotö'inä Ttä̧do̧ ä̧cua̧cö̧ tä̧ji̧? Diosmä judíos ttö̧ja̧'i̧nä̧, judíos huocotö'inä Ttä̧do̧ ä̧cua̧do.

San Lucas 18:13

Ja̧'hua̧nö̧ ja̧'a̧nä̧ ru̧hua̧ öäre pärätä ȩmä̧'i̧jö̧mä̧ otonänö ki̧'i̧nö̧do. Ja̧'hua̧ta̧nö̧ yoröiso mo̧ro̧jä̧ra̧'a̧'i̧nä̧ bo̧yu̧cu̧ topocö pi̧nö̧do. Ja̧'hua̧ta̧nö̧ a̧mö̧ca̧ 'ta'tapäcuähuinödo. Pä'inödo: “Chä̧do̧ ä̧cua̧ Dios, re rö̧jö̧nä̧ topittö ttörö, suronä jȩpö̧rö̧.”

San Mateo 8:8

Ja̧'hua̧nö̧ päiyäcu, ja̧u̧ romanos ttö̧ja̧ su̧ro̧da̧u̧ ttu̧ru̧hua̧ ädätinäcudo: —Chu̧ru̧hua̧, ttömäsä yoröiso adihuocösä chojusodenä docuhuächaja pä'ö'inä. Potä kä̧nö̧ huecuttutä, chu̧mö̧huä̧ya̧mä̧ adiu ö̧'i̧pä̧cua̧.

San Mateo 5:45

Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧rö̧ i̧tti̧mö̧ päcuhui'äcuotöjä. Chutä mo̧ro̧ kä̧hua̧ räopa pä'ö hue'ö adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧. Ja̧'hua̧ta̧nö̧ adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧ ajiya icha pä'ö hue'ödo.

Romanos 3:4

Isocö̧. Diosmä yoröiso jaropi'ocö. O'ca toi'önä ttö̧ja̧ yapareu huȩnȩ ttucuocua'anä, yapareu ucuocuocö Diosmä. Huȩyu̧cuä̧ Huȩnȩ päa'a: O'ca toi'önä ttö̧ja̧ topö pättäcuotö: “Ucu iso päi'önä päcumä pä'öjä.” O'ca toi'önä ttö̧ja̧ ttu̧huo̧juä̧cuo̧tö̧ ucu adiu jȩcu̧'u̧.

Efesios 3:19

Ja̧u̧ repeömä cu̧huo̧juä̧tu̧cua̧'a̧ttö̧, Dios cuami iso'quitucunä suhuädi'önä ö̧ja̧ pä'ö jä'epösä Diosrö. Ihueye rȩbȩhuo̧co̧tö̧jä̧ o'ca juiyönä tu̧huo̧jua̧ pä'ö ja̧u̧ repeömä.

Romanos 3:19

Ja̧'hua̧nö̧ ja̧'a̧ttö̧ ujutu huo̧juä̧tö̧jä̧, o'ca juiyönä hueähuä huȩnȩ huea'a ja̧u̧ huȩnȩ ä̧ju̧cuä̧tö̧rö̧. Ja̧'hua̧ta̧nö̧ ja̧u̧ hueähuä huȩnȩ huea'a “Ttömä Dios hueähuä huȩnȩ jȩru̧pa̧sä̧” pättö juiya pä'ö. Ja̧'hua̧ta̧nö̧ ja̧u̧ hueähuä huȩnȩ i̧jȩpa̧'a̧ Dios o'ca toi'önärö ro̧ȩpä̧cua̧ pä'ö.

San Mateo 15:26

Jesús päinäcuado: —Iso päi'önä ppo̧'ä̧tö̧ ttu̧cuȩ i̧ri̧si̧ ȩmi̧pö̧, ä̧hui̧ri̧tö̧rö̧ iyähuocö.

San Mateo 15:28

Ja̧'hua̧ ja̧'a̧ttö̧ Jesús päinäcuado: —Isaju, rö̧ȩnä̧ esetäjujä. Ucu cuesetö ta'anö, cuittiju adiu kö̧'i̧pä̧cua̧ju̧, —pä'inödo. Ja̧'hua̧nö̧ päomenä, kittiju pi̧'i̧nä̧ju̧do.

San Marcos 7:28

Ja̧'hua̧nö̧ päomenä, yajutä pä'inäjudo: —Huo̧jua̧ju̧sä̧, Chu̧ru̧hua̧. Ja̧'hua̧nö̧ ja̧'a̧nä̧ ä̧hui̧ri̧tö̧ ttö̧ja̧ tti̧tti̧mö̧ ttucuomettö, ji̧'qui̧cha̧nö̧tä̧ ma̧ä̧cho̧mȩnä̧ cuätö.