San Mateo 15:2 - TÄ̧DO Ä̧CUÄ̧ I̧HUȨNȨ

² —Ucu cu̧huo̧juȩtä̧u̧mä̧ ¿dä̧bö̧ jȩpo̧co̧tö̧ ujutu tä̧do̧tö̧ mi̧nä̧ jȩtti̧nö̧ jȩtä̧'i̧jö̧'a̧nö̧? Jahuätömä jȩtä̧'i̧jö̧ ta'anö ttu̧cuȩ ttucuäcua'a ä'canämä ttu̧mö̧ töcähuocotö, —pä'inätödo.

Nuevo Testamento Uwotjüja

² —¿Tta̧'a̧nü̧ pä'ü ku̧wo̧juȩtä̧u̧mä̧ tü̧tä̧mü̧ mi̧nä̧ wettinü̧ ukuotokotüjä̧ttü̧? ¿Tta̧'a̧nü̧ pä'ü ttu̧mü̧ tükäwokotüjä̧ttü̧ ttu̧kuȩ ttukuäkua'a ä'kanä̧mä̧?

San Mateo 15:2 Referans Kwoze

San Lucas 11:38

Jesús ttö̧ja̧ ttä̧do̧tö̧ mi̧nä̧ jȩtti̧nö̧ jȩttä̧'i̧jö̧'a̧nö̧ u̧mö̧ ötöcähuoca'a u̧cuȩ ucuäcua'a ä'canä tomenä, chutä fariseo i̧sa̧ to̧pä̧ri̧nö̧do.

San Marcos 7:2

Jesús u̧huo̧juȩtä̧u̧ttu̧ yotöte, ttu̧mö̧ idicua'anä, ttä̧do̧tö̧ mi̧nä̧ jȩtti̧nö̧ jȩttä̧'i̧jö̧'a̧nö̧ ttötöcähuoca'a, ttu̧cuȩ ttucua'a topinätödo. Ja̧'hua̧nö̧ ja̧'a̧ttö̧ suronä ucuocuinätödo jahuätörö.

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.

1 Pedro 1:18

Ucutumä cuä̧do̧tö̧ mi̧nä̧ suronä jȩpö̧ kä̧nö̧, ttö̧ja̧cui̧nö̧'a̧nö̧ cu̧ja̧cuä̧tu̧cuo̧mȩnä̧, suronä jȩcu̧'i̧nä̧tu̧cu̧ jȩpö̧ icuinä̧u̧jä̧ Dios. Ucutu huo̧juä̧tö̧jä̧, ja̧'hua̧nö̧ suronä jȩcu̧'i̧nä̧tu̧cu̧ jȩpö̧ icuomenä, pi̧jä̧ beipächö jähuättömä, oro'inä, pärätä'inä mitömä ȩmo̧co̧u̧ pi̧nä̧tö̧jä̧.

San Marcos 7:5

Ja̧'hua̧ ja̧'a̧ fariseos huotö'inä, hueähuä huȩnȩ huo̧juȩtä̧tö̧'i̧nä̧ Jesúsru jä'epinätödo: —Ucu cu̧huo̧juȩtä̧u̧mä̧, ¿dä̧bö̧ jȩpo̧co̧tö̧ ujutu tä̧do̧tö̧ mi̧nä̧ jȩtti̧nö̧ jȩtä̧'i̧jö̧'a̧nö̧? Jahuätömä ttu̧mö̧ idicua'anä ttu̧cuȩ cuätö.

San Mateo 15:3

Ja̧'hua̧ ja̧'a̧ Jesús jahuätörö jä'epinödo: —Pi̧jä̧ ttö̧ja̧ jȩttä̧'i̧jö̧ ta'anö jȩpö̧ kä̧nö̧, ¿dä̧bö̧ jȩcu̧'ä̧tu̧cuo̧ca̧'a̧jä̧ttö̧ Dios hueinömä?

Gálatas 1:14

Judíos ttö̧ja̧ ttesetinö esetö korotö chahuaruhuä ttö ta'anö huotöttö'inä abonänö rö̧ȩnä̧ esetinösä ttömä, chä̧do̧tö̧ mi̧nä̧ jȩtti̧nö̧ juäi rö̧ȩnä̧ jȩcha̧'a̧ttö̧.