San Mateo 15:16 - TÄ̧DO Ä̧CUÄ̧ I̧HUȨNȨ

¹⁶ Jesús pä'inödo: —¿Ucutu'inä ä̧ju̧cuo̧co̧tö̧jä̧ tä̧ji̧?

Nuevo Testamento Uwotjüja

¹⁶ Jesú-mä̧ ädätinä̧ku̧: —¿Ukutu'i̧nä̧ ji̧nä̧ wo̧jui̧'o̧ko̧tü̧jä̧ tä̧jí̧?

San Mateo 15:16 Referans Kwoze

San Mateo 16:9

¿Ji̧nä̧ ä̧ju̧cuo̧co̧tö̧jä̧ tä̧ji̧? ¿Täcö unichi'äjätöjä tä̧ji̧, i̧ri̧si̧ ji̧mö̧tȩ jähuä ö̧si̧nä̧ cinco mil jo̧mȩnä̧ u̧mä̧tö̧ ttucuina'a? Ttucuäji o'ca'a ¿tta̧'a̧nö̧ rö̧ȩnä̧ uru'tiyu cu̧ca̧ca̧ti̧nä̧tu̧cuä̧ttö̧?

San Marcos 9:32

Ja̧'hua̧nö̧ ja̧'a̧nä̧ jahuätö huo̧juä̧chi̧'o̧co̧tö̧ pi̧nä̧tö̧do ja̧u̧ jiäumä. Ja̧'hua̧ta̧nö̧ jättepa pätta'anä ye'ecuinätödo.

San Marcos 7:18

Ja̧u̧ jahuätörö pä'inödo: —¿Ucutu'inä ä̧ju̧cuo̧co̧tö̧jä̧ tä̧ji̧? ¿O'ca juiyönä rattädi'omenä, idicuächoca'a ä̧ju̧cuo̧co̧tö̧tä̧ tä̧ji̧?

San Lucas 9:45

Ja̧'hua̧nö̧ ja̧'a̧nä̧ u̧huo̧juȩtä̧u̧ huo̧juä̧chi̧'o̧co̧tö̧ pi̧nä̧tö̧do ja̧'hua̧nö̧ päa'anä. Ttu̧huo̧juä̧chi̧'ö̧ juiyönä jȩi̧nä̧u̧do. Ja̧'hua̧ta̧nö̧ päji adiu jiähuatö pä'ö jäecuänä ye'ecuinätödo.

San Mateo 15:10

Ja̧'hua̧nö̧ ja̧'a̧ttö̧ Jesús ttö̧ja̧rö̧ ca̧ca̧tö̧ ji'ähuinödo: —Adiu ä̧ju̧cuä̧tu̧cui̧.

Hebreos 5:12

Recuo cuesetinätucua'attö, huo̧juȩcuä̧ ttö̧ja̧ cu'ätucu'a̧nö̧ ja̧'a̧. Ja̧'hua̧nö̧ ja̧'a̧nä̧ Dios i̧huȩnȩ äcuomenä cuä̧ju̧cui̧nä̧tu̧cu̧ huȩnȩ, pä'äji ta'anö jittähua'a jä̧u̧jä̧. Cuijuiyuhuätucua'attö, lechetä ahuätöjä. Adihuä juäi cuäcuähuämä ji̧nä̧ cuocotöjä.

San Lucas 24:45

Ja̧'hua̧nö̧ päomenä, ttamöcuädö bahuecuächina'ado Huȩyu̧cuä̧ Huȩnȩ ttu̧huo̧juä̧chi̧'a̧ pä'ö.

San Lucas 18:34

Pi̧yȩmä̧ yoröiso huo̧juä̧chi̧'o̧co̧tö̧ pi̧nä̧tö̧do. Yoröiso ucuocumä jerupinätödo. Ja̧u̧mä̧ ttu̧huo̧juä̧chi̧'ö̧ juiyönä ji̧nö̧do.

San Marcos 6:52

Jahuätömä ttami iso'quinä ji̧nä̧ 'quitta'attö, i̧ri̧si̧ ttucuäji, ttö̧ja̧ ttieru juäi jȩä̧ji̧mä̧, jerupinätödo.

San Mateo 16:11

¿Tta̧'a̧nö̧ pä'ö cuieruhuätucua'ajä̧ttö̧? Ja̧'hua̧nö̧ fariseos huotö'inä, saduceos huotö'inä ttu̧cuȩ pan ppö̧ä̧mö̧ juäi ttu̧ȩcuä̧nä̧ ka̧cuä̧tu̧cui̧ pädomenä, jitötä ttu̧cuȩ pan pä'ocö päjisä.

San Mateo 13:51

Ja̧'hua̧nö̧ ja̧'a̧ Jesús jä'epinödo jahuätörö: —¿Ja̧u̧ huȩnȩ o'ca juiyönä ä̧ju̧cuä̧tö̧jä̧? Jahuätö ädätinätödo: —A̧, Tu̧ru̧hua̧.

San Mateo 15:15

Ja̧'hua̧ ja̧'a̧ Pedro pä'inödo Jesúsru: —Ttö̧ja̧rö̧ idicuächö huȩnȩ, adiu ji'ähuitö.

San Mateo 15:17

¿Ucutu ä̧ju̧cuo̧co̧tö̧jä̧ tä̧ji̧? O'ca juiyönä ttänä doächömä, ttö'cäbiyönätä ȩji̧pö̧do. Ja̧u̧nu̧ o'ca'a kara'anätä rä'epö icuähuädo.