San Mateo 13:57 - TÄ̧DO Ä̧CUÄ̧ I̧HUȨNȨ

⁵⁷ Ja̧'hua̧nö̧ ja̧'a̧ttö̧ ja̧u̧ jiäu esetocotö pi̧nä̧tö̧do. Ja̧'hua̧ ja̧'a̧ Jesús pä'inödo jahuätörö: —O'ca toi'önä Dios i̧huȩnȩ jiäcuähuä i̧sa̧rö̧ ucuotätö. Chutä idepiyunätä ucuotocotö ja̧u̧ru̧, —pä'inödo Jesús.

Nuevo Testamento Uwotjüja

⁵⁷ Ja̧'wa̧nü̧ pä'ü, rü̧ȩnä̧ juo'ekuinä̧tü̧, jua̧u̧ ütü'kümä̧. Ja̧'wa̧nü̧ ji̧yä̧ku̧ Jesú-mä̧ päinä̧u̧: —Kkara'a ütawiyättümä̧ profeta-rümä̧ eseu ttukuota'anä̧, idepiyuttümä̧, awaruwämä̧ ttukuotokoku.

San Mateo 13:57 Referans Kwoze

San Juan 4:44

Chutä Jesús pä'inödo: —Ya̧tȩ Dios i̧huȩnȩ jiäcuähuä i̧sa̧rö̧ chutä adihuä idepiyu ttö̧ja̧ ttucuotococu.

San Mateo 11:6

Ja̧'hua̧ta̧nö̧ ttörö jaroi'a pä'ö amöcuädocömä eseunu ö̧ja̧cua̧, pä'ö jicuhuähuätucuaröja, —pä'inödo Jesús.

San Lucas 4:24

Ja̧'hua̧ ja̧'a̧ttö̧ ji̧nä̧ iso yabocutä ucuocuinödo: —Iso päi'önä pä'ösä, ya̧tȩ Dios i̧huȩnȩ jiäcuähuä i̧sa̧mä̧ amönä idepiyu ttö̧ja̧rö̧ jiähuomenä, yoröiso ttä̧ju̧cuo̧co̧cu̧do.

San Juan 6:61

Ja̧'hua̧ ja̧'a̧ jahuätö ja̧'hua̧nö̧ ttucuocuäcuähua'a huo̧jui̧'ö̧, Jesús jä'epinödo: —Jitä pädäjimä, ¿suronä pä'äjisä tä̧ji̧, ucuturu?

San Juan 6:42

Jahuätö pä'inätödo: —¿Pidemä, José i̧tti̧ Jesúscö̧? Jä'orö'inä, ja̧ju̧ru̧'i̧nä̧ huo̧juä̧tö̧jä̧ ujutumä. “Mo̧ro̧jä̧ra̧'a̧ttö̧ mȩyȩhui̧nö̧sä̧”, ¿tta̧'a̧nö̧ pä'ö päa'ajä̧ttö̧?

San Lucas 7:23

Ja̧'hua̧ta̧nö̧ ttörö jaroi'a pä'ö amöcuädocömä eseunu ö̧jä̧cua̧, pä'ö jicuhuähuätucuaröja, —pä'inödo Jesús.

San Marcos 6:14

O'ca toi'önä Jesús jȩa̧'a̧ ä̧ju̧cui̧nä̧tö̧do. Ru̧hua̧ Herodes'inä ja̧u̧ huȩnȩ ä̧ju̧cui̧nö̧do. Chutä Herodes pä'inödo: —Ja̧u̧mä̧ Juan el Bautistamä 'corupäi'ina'attö tto'ächinö. Ja̧'hua̧nö̧ ja̧'a̧ttö̧ ja̧u̧ juäi ujuru ku̧nä̧rö̧.

San Marcos 6:3

Ja̧u̧mä̧ dau isodä adicuä i̧sa̧, María ki̧tti̧do. Ja̧u̧mä̧ Jacobonö, Josénö, Judasnö, Simónnö ttuböo. Ö̧jä̧hua̧tö̧ nä̧tö̧ pȩnȩ ujutu tö̧'quȩtȩnä̧ ka̧cuä̧tö̧. Ja̧u̧ jiäu esetocotö pi̧nä̧tö̧do.

San Mateo 13:58

Ja̧'hua̧nö̧ ja̧'a̧ttö̧ chutä idepiyunä rö̧ȩnä̧ ttö̧ja̧ ttieru juäi jȩpo̧cö̧ pi̧nö̧do, juhua'a ttö̧ja̧ ttesetoca'attö.

San Marcos 6:1

Jesús juhua'attö rä'opächö, chutä idepiyura̧'a̧ 'chi̧nö̧do. U̧huo̧juȩtä̧u̧'i̧nä̧ ja̧u̧tä̧cu̧ 'chi̧nä̧tö̧do.

San Marcos 6:4

Ja̧'hua̧ ja̧'a̧ Jesús pä'inödo jahuätörö: —O'ca toi'önä Dios i̧huȩnȩ jiäcuähuä i̧sa̧rö̧ ucuotätö. Chutä idepiyunätä, chutä ahuaruhuä isotötä ucuotocotö ja̧u̧ru̧, —pä'inödo Jesús.